မိုဘိုင်းဖုန်းတစ်လုံးရဲ့ အသုံးဝင်မှု

မြန်မာ နိုင်ငံမှာ ရှိတဲ့ လူအများ စုဟာ မိုဘိုင်းဖုန်းတစ်လုံးရဲ့ အသုံးဝင်မှု လျှိုဝှက်တွေကို 
သိရှိသူတွေ အလွန် နည်းပါးနေ ပါတယ်။ကိုင်နေ တဲ့ လူအများစုဟာ ဖုန်း တစ်လုံးရဲ့ အသုံးဝင်မှု
ကို အများ အားဖြင့်Camera, Music, Bluetooth, FM, Radio. Alarm နဲ့ Game အစရှိတာ
တွေ လောက်သာအသုံးပြုနေကြတာများပါတယ်။
ဒါကြောင့် ဒီထက်ပိုပြီးအသုံးဝင်မှုနဲ့ လျှို့ချက် အနည်း ငယ်ကို ဖော်ပြပေးလိုက်ပါတယ်။

(၁) အရေးပေါ် ကွန်ရက်ရှာရန်
Keypad ကို Locked လုပ်ထား ရင်တောင် မိုဘိုင်းဖုန်းတွေဟာ ၁၂၂ ဆိုတဲ့
နံပါတ်ကိုနှိပ်လို့ရတာ တွေ့ရ ပါတယ်။ ဒီနံပါတ်ဟာ တစ်ကမ္ဘာလုံး
ဆိုင်ရာနိုင်ငံတကာ အရေးပေါ်ဖုန်းနံ ပါတ်ဖြစ်ပါတယ်။ မိုဘိုင်းဖုန်းတွေရဲ့
ဆက်သွယ်မှု ဧရိယာထဲ မှာရှိရင် ဒီနံပါတ် ကို နှိပ်လိုက်တာနဲ့
ဖုန်းဟာအနီးဆုံး ဆက်သွယ်မှုကွန်ရက်ကို အလိုလျောက် ရှာမှာဖြစ် ပါတယ်။
ဒီနံပါတ်ဟာမိုဘိုင်း ဖုန်းရဲ့ခလုတ်တွေကို ပိတ်ထားရင်
တောင်နှိပ်လို့ရနေမှာဖြစ်ပါတယ်။

(၂) ဘက်ထရီ အရေးပေါ် အားကုန်ရင်
မိုဘိုင်းဖုန်းတွေမှာ ဖုန်းအသုံး ပြုရင်း ဘက်ထရီအားနည်းလာပြီဆို ရင်
*3370# ကိုနှိပ်လိုက်တာနဲ့ ဖုန်း တွေမှာအရေးပေါ်သုံးဖို့ချန်ထားတဲ့ 
ဓာတ်အားကို ပြန်ဖွင့်ပေးမှာဖြစ်လို့ ဖုန်းမှာ ဘက်ထရီထက်ဝက်အားပြန်
ပြည့်လာတာကိုတွေ့ရမှာဖြစ်ပါတယ်။ နောက်တစ်ကြိမ်မိုဘိုင်းဖုန်းဘက်
ထရီ အားပြန်ဖြည့်တဲ့အခါမှာ သာမာန်နဲ့ အရေးပေါ်သုံး နှစ်မျိုးစလုံးအတွက်
ဘက်ထရီအားကို အလိုလျောက်အား ပြန်ဖြည့်မှာဖြစ်ပါတယ်။ ဒီနည်းဟာ
လူအများစုအတွက် အသုံးဝင်စေမယ့် အချက်တစ်ချက်ဖြစ်ပါတယ်။


(၃) ကားသော့ကျန်ခဲ့ရင်
အဝေးထိန်း စနစ် တပ်ဆင်ထား တဲ့ ကား အသုံးပြုသူ တွေအတွက် ကား ထဲမှာ
သော့ကျန်ခဲ့ခြင်း၊ အပိုသော့တစ် ချောင်းအိမ်မှာ ကျန်ရှိနေ ခြင်းဖြစ်ပေါ်
ကြုံလာပါက မိုဘိုင်းဖုန်း တစ်လုံးရှိရုံနဲ့ အဆင်ပြေ တာကို တွေ့ရမှာပါ။
အသုံး ပြုပုံကတော့ အိမ်မှာ ရှိတဲ့လူတစ် ယောက်ဖုန်းကို
မိမိမိုဘိုင်းဖုန်းနဲ့ လှမ်းခေါ်ပြီး တစ်ဖက်လူနဲ့အဆက်အ သွယ်ရရင်
အိမ်ကလူကို ကားသော့ ဖွင့်တဲ့ခလုတ်ကို ဖုန်းအနားကပ်ပြီးနှိပ်
ခိုင်းလိုက်ရုံနဲ့ ကားတံခါး ပွင့်သွားမှာ ဖြစ်ပါတယ်။ မိမိရဲ့
ဖုန်းကိုတော့ ကား နားမှာ ထားရှိရမှာ ဖြစ်ပါတယ်။ ဒီနည်း ဟာ မိမိအတွက်
ပင်ပန်းမှုမရှိပဲ အဆင် ပြေစေမယ့်နည်းလမ်းတစ်ခုဖြစ်ပါ
တယ်။

(၄) မိုဘိုင်းဖုန်း အခိုးခံရရင်
မိမိရဲ့မိုဘိုင်းဖုန်းဟာ ကျပျောက် ခြင်း၊ မေ့ကျန်ခြင်းနဲ့ အခိုးခံရခြင်းအ
စရှိတဲ့ အကြောင်းတစ်ခုခုကြောင့် ပျောက်ဆုံးသွားလို့ ပြန်မရနိုင်တော့
ဘူးဆိုရင် အဲဒီဖုန်းကတ်ကို ဖျက်ဆီး ပြစ်လို့ရပါတယ်။ ပထမဦးဆုံး အနေနဲ့
ဖုန်းရဲ့နံပါတ်စဉ်သိဖို့ *#06# ကိုနှိပ်ပါ။ အဲဒီအခါ မှာ
ဂဏန်း(၁၅)လုံးပေါ်လာမှာဖြစ်ပါ တယ်။ အဲဒီဂဏန်းတွေဟာ မိမိဖုန်း
ရဲ့သီးသန့်နံပါတ်တွေပါ။ ဒီဂဏန်းတွေ ကို ပထမဆုံးသိရှိထားဖို့တော့ လိုအပ်
မှာပါ။ ကိုယ့်ဖုန်းပျောက်ဆုံးသွားတဲ့ နေ့မှာ မြန်မာ့ဆက်သွယ်ရေးလုပ်ငန်း
ကိုဖုန်းဆက်ပြီး ကုတ်နံပါတ်ပြော၍ ဖုန်းပိတ်ခိုင်းနိုင်ပါတယ်။ တကယ်လို့်
ခိုးသူဟာ Simcard ကို မထုတ်ရ သေးခင် တိုင်တန်းမယ်ဆိုရင် Simcard ရော
ဖုန်းကိုပါ Disable လုပ် နိုင်မှာဖြစ်လို့ မိမိဖုန်းထဲက ဖုန်းနံပါတ်
စာရင်းတွေကို တခြားသူမသိအောင် ကာကွယ်နိုင်မှာဖြစ်ပါတယ်။

(၅) Nokia ရဲ့ ဖုန်းကုတ်နံပါတ်
မိုဘိုင်းဖုန်းတွေရဲ့ကုတ်နံပါတ် တွေဟာ တစ်ခုနဲ့တစ်ခုတူညီမှုမရှိကြ ပါဘူး။
ဒါပေမဲ့ Nokia ဖုန်းအသုံးပြု မယ့်သူတွေအတွက် ကုတ်နံပါတ်တွေ ကို
ဖော်ပြပေးလိုက်ပါတယ်။

 ကုတ် နံပါတ်တွေအနေနဲ့

- IMEI (International Mobile
Equipment Identity) ကိုကြည့်မယ်ဆိုရင်တော့ *#06# ကိုနှိပ်ပြီး
ကြည့်ရှုနိုင်ပါတယ်။

 -LCD Display ကိုပိုပြီးရှင်းလင်းပြတ်
သားစွာမြင်ချင်တတယ်ဆိုရင် *#67705646# ကိုနှိပ်ပြီးကြည့်ရှုနိုင် ပါတယ်။
ဖုန်းမှာအသုံးပြုထားတဲ့ ဟန်းဆက်ရဲ့ ဆော့ဖ်ဝဲ Version ကို
ကြည့်မယ်ဆိုရင်တော့ *#0000# ကို နှိပ်ပြီးကြည့်နိုင်ပါတယ်။

 -Bluetooth device တွေရဲ့တည်နေရာကိုကြည့်ချင် တယ်ဆိုရင် *#2820# ကိုနှိပ်ပြီး
ကြည့်နိုင်ပါတယ်။

  -ဖုန်းရဲ့ထုတ်လုပ်တဲ့ အချိန်၊ ထုတ်လုပ်ခဲ့တဲ့ Serial Number နှင့်
ဖုန်းကိုနောက်ဆုံးဘယ်အချိန် မှာပြုပြင်ခဲ့တယ်ဆိုတဲ့ အကြောင်းအ ရာနဲ့
ဖုန်း lifetime ကိုသိရှိလိုရင်တော့ *#92702689#
ကိုရိုက်နှိပ်နိုင်ပါတယ်။

 -မှတ်သားထားသောဖုန်းနံပါတ်များကို (Contact Delete)
ချေဖျက်ချင်ပါက *# 3925538# ကို နှိပ်ပြီး ဖျက်နိုင်ပါတယ်။

 Series 60
 ဖုန်းတွေအတွက်တော့ *# 737092 5538# ကိုနှိပ်ပြီး ဖုန်းကို reset lock
လုပ်နိုင်ပါတယ်။
ဒါပေမဲ့ ဖုန်းပြန်တက် လာတဲ့အချိန်မှာ defult code 12345
ကိုရိုက်ထည့်လိုက်ရင် ဖုန်းပြန်ပွင့်သွား မှာဖြစ်ပါတယ်။

 

Forwardမေးကနေတဆင့်ကိုအောင်အောင်ပို့ပေးထားတာကိုပြန်လည်မျှဝေပေးလိုက်ပါတယ်။

Read more »

အွန်လိုင်းပေါ်မှ အခမဲ့ပညာရတနာသိုက်များ

ဒါလေးကတော့ကိုတင်ညွှန့်ရဲ့ပို့စ်လေးပါ။မသိသေးသူများအားပြန်လည်မျှဝေလိုက်ခြင်းဖြစ်ပါတယ်။

မူကြိုမှသည် ဘွဲ့ရတဲ့အထိ ပညာလမ်းကြောင်းကို ပြန်လေ့လာကြည့်ရင် အလွန်ခက်ခဲ ပင်ပန်းတယ်လို့ ထင်ရတယ်။ ဒီနေ့ ခေတ်ပညာရေးက မိဘရော၊ ကျောင်းသားပါ အေးအေးသက်သာနေရတဲ့ခေတ်မဟုတ် ပါဘူး။ ပညာဆိုတာကို မရ ရအောင်ယူနေကြရတာကလည်း ပညာဗဟုသုတ အသိဥာဏ်ပြည့်ဝပြီး ဘ၀မှာရပ်တည်နိုင်အောင် ဆိုတာထက်၊ အလုပ်အကိုင်ရအောင်ဆိုတဲ့ ဦးတည်ချက်ကများနေတာကလည်း ဘ၀င်မကျစရာပါ။ အစဉ်အလာပညာရေးရဲ့ လမ်းကြောင်းအဆုံးဟာ အလုပ်ဖြစ်နေပြီး၊ အလုပ်အကိုင်နဲ့ ဘ၀ရပ်တည်လို့ရသွားရင် ပညာဆိုတာ လမ်းဆုံးသွားတတ်ပါတယ်။ အလုပ်ရပြီးချိန်မှာမှ ပညာ လမ်းကြောင်း ကို ပြန်သွားမယ်၊ ပညာပြန်သင်မယ်ဆိုတဲ့ စိတ်ကူးမျိုးတွေလည်း နည်းကြပါတယ်။ ပညာအခွင့်အလမ်းဆိုတာ ယူချင်ရင်ရနိုင်တဲ့၊ ယူချင်သူကို ပေးနိုင်တဲ့အနေအထားမျိုးကို ဖြစ်နေရလိမ့်မယ်။ ပညာရေးဆိုတာ အချိန် မရွေး၊ နေရာမရွေး၊ အသက်အရွယ်မရွေး ရှာမှီးနိုင်အောင် စီစဉ်ထားရမယ်။
ပညာရေးကို ဘွဲ့ရပြီးတာနဲ့ လမ်းဆုံးလို့ သဘောမထားချင်သူတွေအတွက်၊ အကြောင်းအမျိုးမျိုးကြောင့် ပညာဆုံးခန်းမတိုင်မီ အလုပ်ထွက်ပြီး လုပ်နေရသူတွေအတွက် ပညာလမ်းကြောင်းဆက်စရာ နည်းလမ်းတွေ အများကြီးရှိပါတယ်။
ကိုယ့်ဘ၀အတွက် ရှေ့ဆက်ရမယ့် တက်လမ်းတစ်ခုအနေနဲ့ဖြစ်စေ၊ အခွင့်အလမ်းတစ်ခုအနေနဲ့ဖြစ်စေ အခမဲ့ သင်ကြားလေ့လာနိုင်တဲ့ ပညာလမ်းကြောင်းတွေရှိနေပါတယ်။ ခုခေတ်မှာ တက္ကသိုလ် အတော်များများနဲ့ ပညာရေးအဖွဲ့အစည်းတွေက အခမဲ့ အွန်လိုင်းပညာရေး၊ သင်တန်းတွေကို ဖွင့်လှစ်သင်ကြားပေးလာကြတယ်။  အွန်လိုင်းပညာရေးဆိုတာ ပြဌာန်းချက် သင်ခန်းစာတွေ၊ လေ့ကျင့်ခန်းတွေ၊ လမ်းညွှန်မှုတွေ၊ ဖတ်စာအုပ် တွေနဲ့ အခိုင်အမာဖွဲ့စည်းထူထောင်လာကြတာကိုလည်း သတိထားမိတယ်။
အခမဲ့ပညာသင်ကြားရေးကြောင့် အိုးမကွာ၊ အိမ်မကွာ၊ အလုပ်အကိုင်မကွာနဲ့ ဘွဲ့ရသူတွေရှိလာပြီ။ ပိုက်ဆံ အကုန်အကျ သက်သာစွာနဲ့ ပညာရှာနိုင်တာဟာ နည်းပညာကြောင့်လို့ပြောရမှာပါ။ မရှိသေးသူတွေက အသစ်ရှာနိုင်တယ်၊ ရှိပြီးသားသူတွေကလည်း မရသေးတာ ထပ်ရှာနိုင်တယ်။ ဒါဟာ အွန်လိုင်းပညာရေးရဲ့ အနှစ်သာရလို့ပြောနိုင်တယ်။ ပိုက်ဆံမရှိလို့ ပညာမသင်နိုင်ဘူးဆိုတာတွေ၊ အချိန်မရလို့ ပညာမသင်ကြား နိုင်ဘူးဆိုတာတွေ ခေတ်သစ်မှာ လာမပြောပါနဲ့တော့။ အွန်လိုင်းပေါ်မှာ အခမဲ့ e-book တွေ၊ အခမဲ့ သင်ယူနိုင်တဲ့  ပညာဘဏ်တိုက်တွေ ရှိနေပါတယ်။

Code Year (http://codeyear.com/)


ကွန်ပျူတာ programming ဘာသာရပ်ကို သင်ကြားဖို့ မလွယ်ပါဘူးလို့ မပြောပါနဲ့။ Code Year က တစ်နှစ် အတွင်း အခြေခံ ပရိုဂရမ်းမင်းဘာသာရပ်ကို တတ်မြောက်စေရမယ်လို့ အာမခံထားတယ်။ ကိုယ်ပိုင် website တွေနဲ့ ကိုယ်ပိုင် application တွေ ရေးနိုင်ဖို့ code တွေ လေ့လာနိုင်စရာ အများကြီးပေးထားတယ်။ Code Year နဲ့ ပရိုဂရမ်မာဖြစ်သွားသူပေါင်း ခုဆိုရင် ၃၅၅၈၈၀ ဦးတောင်ရှိသွားပြီ။ အဲဒီအထဲမှာ နယူးယော့ခ် မြို့တော်ဝန် မိုက်ကယ် ဘလွန်းဘတ်တောင်ပါတယ်။ နေ့စဉ် ၀င်လာပြီး လေ့လာနေသူတွေလည်း မနည်းဘူး။ Code Year ကို ဖန်တီးသူတွေက နယူးယော့ခ်မြို့ အခြေစိုက် Codeacademy ကဖြစ်တယ်။ ပရိုဂရမ်မင်း ဘာသာရပ်ကို အခြေခံကစပြီး လေ့လာသင်ယူနိုင်အောင် စီစဉ်ပေးနေတယ်။
ဒီ site မှာပေးထားတဲ့ သင်ခန်းစာတွေက သင်ကြားသူနဲ့ သင်ယူသူ အပြန်အလှန် ဆက်သွယ်သင်ယူနေရတဲ့ ပုံစံနဲ့ဖြစ်တယ်။ ကိုယ်တိုင်က မသိနားမလည်တဲ့ code တွေကို လေ့လာနေရတဲ့ ပုံစံမပေါက်ဘူး။ အရေး မပါတာတွေကိုလည်း ဝေ့၀ိုက်သင်မနေဘူး။ ခုမှစပြီး ပရိုဂရမ်းမင်းကို လေ့လာသူတွေ အတွက်  JavaScript နဲ့စပြီး ရင်းနှီးအောင် လုပ်ပေးတယ်။ အဓိက ကတော့ လေ့ကျင့်ခန်းတွေများများလုပ်၊ များများ သင်ယူတဲ့ စနစ်ပဲ။ ပထမဦးဆုံး သင်ခန်းစာနှစ်ခုကို ပြီးတာနဲ့ ကျန်သင်ခန်းစာတွေကိုပါ ဆက်ပြီး လေ့လာချင် လောက်အောင် ဖြစ်သွားလိမ့်မယ်။ အခမဲ့ဆိုတော့ ချက်ချင်းဝင်ပြီး စမ်းကြည့်လိုက်စေချင်တယ်။

W3Schools (http://www.w3schools.com/)

Web developer တွေအတွက် အင်တာနက်မှာ အကြီးဆုံးလိုင်းတစ်ခုပါ။ Web developer မှာ အခြေခံ ရှိသူတွေကို ပိုပြီး တောက်ပြောင်သွားအောင် ပွတ်တိုက်ပေးနိုင်တယ်။ ကိုယ်ပိုင် website တစ်ခုဖြစ်အောင် ရေးချင်သူတွေအတွက် စမ်းသပ်နိုင်တဲ့နေရာ တစ်ခုလို့လည်း ဆိုနိုင်တယ်။
ဒီ site ထဲမှာ လေ့ကျင့်စရာ tutorial တွေ၊ ရည်ညွှန်းကိုးကားစရာတွေ အများကြီးထည့်ပေးထားတယ်။ အဲဒီအထဲမှာ HTML, CSS, XML, JavaScript, PHP, SQL စတဲ့ ပရိုဂရမ်းမင်း သင်ခန်းစာတွေ အများ ကြီးထည့်ထားတယ်။ ဒီလိုင်းက Code Year လို အခြေခံလောက်သင်တာမဟုတ်ဘူး။ အတိအကျ သင်ခန်းစာ တွေကို လေ့လာနိုင်အောင် ပြည့်စုံစွာ စီစဉ်ပေးထားတယ်။
ဥပမာ HTML သင်ခန်းစာမှာ ဘာသာရပ်အလိုက် ကဏ္ဍတွေခွဲထားတယ်။ အခြေခံ ကစပြီး XHTML အဆင့်အထိ တက်သွားနိုင်တယ်။ ဘာသာရပ်တိုင်းအတွက် ရည်ညွှန်း reference တွေကို အပြည့် ပေးထားတာကြောင့် ဆက်ပြီးလေ့လာစရာ လမ်းကြောင်းတွေ ပွင့်သွားလိမ့်မယ်။ ကိုယ့်အနေအထားက ပရိုဂရမ်းမင်းမှာ ဘယ်လောက်အဆင့်ရှိနေမှန်း မသိရင်လည်း မပူပါနဲ့။ သူ့မှာပေးထားတဲ့ ပဟေဠိတွေကို ဖြေကြည့်လိုက်ပါ။ ကိုယ့်အဆင့်ကို သိသွားပါလိမ့်မယ်။
Coding language တွေကို လေ့လာသင်ယူမှုပြီးမြောက်သွားပြီဆိုရင် လက်မှတ်တစ်ခုရနိုင်ပါတယ်။ သတ်မှတ်ထားတဲ့ စာမေးပွဲကြေးကိုသွင်းပြီး စာမေးပွဲဖြေရင် လက်မှတ်တစ်ခု ထုတ်ပေးတယ်။ စာမေးပွဲမှာ အနည်းဆုံး ၇၅ မှတ်တော့ ရအောင်ဖြေဖို့လိုတယ်။ ဖြေရမယ့် မေးခွန်းက ၇၀ ခုပါ။ မှားမှန်ရောထွေး အမှန်ရွေးရတဲ့ စနစ်နဲ့ ဖြေရမှာဖြစ်ပါတယ်။ အမှတ် ၉၅ ရာခိုင်နှုန်းနဲ့ အထက်ရရင် ထူးချွန်ဘွဲ့ (Excellency Degree) လက်မှတ်ထုတ်ပေးတယ်။

TED (http://www.ted.com/)

Ted Talk ထဲဝင်ပြီးတော့ တစ်ခုခုလောက် မြည်းစမ်းကြည့်စေချင်ပါတယ်။ ဒီ site ထဲမှာ နည်းပညာ၊ ဖျော်ဖြေရေး၊ ဒီဇိုင်း သုံးမျိုးကို လေ့လာနိုင်မယ်။ ၁၉၈၄ ခုနှစ် လောက်က Macintosh ကွန်ပျူတာသရုပ်ပြပွဲ တောင်တွေ့နိုင်တယ်။ ဒီ site ရဲ့ ထူးခြားချက်တစ်ခုက ဆုရရှိသူတွေရဲ့ မိန့်ခွန်းစကား ပေါင်း ၁၁၁၄ ခုကို ထည့်သွင်းပေးထားတယ်။ အပတ်စဉ်လည်း အသစ်တွေ ထပ်ဖြည့်ပေးထားတယ်။ ဒီ အထဲက ဗီဒီယိုရိုက် ကွက်တွေက လိုင်စင်ယူထားတာတွေဖြစ်လို့  ရှယ်ယာပြန်လုပ်နိုင်သလို၊ တစ်နေရာရာကို ပြန်ပြီးတော့ ပို့လို့ လည်းရတယ်။
ဒီလိုင်းမှာ ဆွေးနွေးချက်တွေကို စိတ်ဝင်စားဖွယ်နားထောင်နိုင်တယ်။ နည်းပညာ၊ ဒီဇိုင်းပညာ၊ သိပ္ပံ၊ ယဉ်ကျေးမှုစတာတွေကို အနည်းဆုံး ၁၈ မိနစ်စာလောက် နားထောင်ပြီး ဗဟုသုတယူနိုင်တယ်။ Past Present ဆိုတဲ့ကဏ္ဍမှာ မိုက်ခရိုဆော့ဖ်က ဘေဂိတ်စ်၊ Google ကိုထူထောင်တဲ့ လာရီ ပိတ်ဂ်ျနဲ့ ဆာဂေး ဘရင်း၊ နိုဗယ်ဆုရသူတွေ၊ Amazon က ဂျက်ဖ် ဘီဇို့စ်၊ စတီဖင် ဟော့ကင်း၊ ဘီလ် ကလင်တန်နဲ့ ဂျိမ်း ဂွတ်ဒေါတို့ရဲ့ ပြောစကားတွေကိုလည်း စုဆောင်းပေးထားတယ်။

Massachusetts Institute of Technology (http://ocw.mit.edu/index.htm)

တက္ကသိုလ်အဆင့် စာရေး၊ စာဖတ်စွမ်းရည်ကို မတန်တဆငွေပေးစရာ မလိုဘဲရရှိ လေ့လာနိုင်မယ့် site ဖြစ်ပါတယ်။ MIT တက္ကသိုလ်ကနေ ဘွဲ့ကြို၊ ဘွဲ့တန်းတွေအတွက် အွန်လိုင်း course တွေကို OpenCourseWare program အနေနဲ့ http://ocw.mit.edu/index.htm  မှာ အခမဲ့ တင်ပေးထားတယ်။ Course ပေါင်း ၂၀၀၀ ကျော်ရှိတယ်။ ဗိသုကာနှင့် ပုံဆွဲပညာ၊ အင်ဂျင်နီယာ၊ လူမှုရေးဘာသာ၊ ပန်းချီ၊ သိပ္ပံနဲ့ အခြား ဘာသာရပ်အတော်များများကို လေ့လာနိုင်စရာ တင်ပေးထားတယ်။
အွန်လိုင်းသင်တန်းတွေထဲမှာ စိတ်ဝင်စားစရာကောင်းတာက Introduction to Computer Science and Programming, Physics I: Classical Mechanics, Linear Algebra, Single Variable Calculus, and Introduction to C++ စတဲ့ သင်ခန်းစာတွေပဲ ဖြစ်တယ်။ အချို့အတန်းတွေဟာ အပြန်အလှန် သင်ကြားရေးပုံစံ web demo သရုပ်ပြ ဗီဒီယိုသင်ကြားမှုစနစ်တွေဖြစ်တယ်။ အဲဒီအထဲမှာ ပြဌာန်းထားတဲ့ စာအုပ်တွေ အားလုံးကို MIT က ပါမောက္ခတွေရေးသား ပြုစုထားတယ်။ ဒီ ပရိုဂရမ်က သင်ကြားတဲ့ lecture တွေရဲ့ မှတ်စုတွေ၊ ထပ်မံလေ့လာရန် အကြံပြုထားတဲ့ စာအုပ်စာရင်းတွေ၊ ဗီဒီယိုတွေကို ဆက်လေ့လာနိုင် အောင် စီစဉ်ပေးထားတယ်။
Open education ကို MIT တက္ကသိုလ် တစ်ခုတည်း လုပ်နေတာမဟုတ်ပါဘူး။ Rice တက္ကသိုလ်က Connexions (http://cnx.org/)  ၊ Michigan တက္ကသိုလ်က Open.Michigan  (http://open.umich.edu/) ၊ Tufts   တက္ကသိုလ်က Tufts OpenCourseWare (http://ocw.tufts.edu/) ၊ ဘာကလေမှာရှိတဲ့ California တက္ကသိုလ်က Webcast.berkeley (http://webcast.berkeley.edu/)  နဲ့ New York တက္ကသိုလ်က Open Education Pilot (http://www.nyu.edu/academics/open-education.html)  တွေမှာ လည်း ၀င်ရောက်လေ့လာနိုင်ပါတယ်။

iTunes U (http://www.apple.com/education/itunes-u/what-is.html)

iTunes U ထဲမှာ တက္ကသိုလ်ပေါင်း ၈၀၀ ကျော်နဲ့ အခြားအဖွဲ့အစည်းတွေရဲ့ ဟောပြော ပို့ချချက်တွေကို စုဆောင်းတင်ပြထားပါတယ်။ စတန်းဖို့ဒ်၊ ယေးလ်နဲ့ အောက်စ်ဖို့ဒ် တက္ကသိုလ်တွေကပါသလို၊ MoMA, New York Public Library, Public Radio International နဲ့ PBS အသံလွှင့်ရုံက ဟောပြောပို့ချချက် တွေကိုပါရနိုင်တယ်။
ဒီ site မှာ အသံဖိုင်၊ ဗီဒီယိုဖိုင်နဲ့ ဟောပြောပို့ချချက်တွေအပြင် ဆလိုက်ရှိုး၊ PDF ဖိုင်၊ စာအုပ်၊ ရုပ်ရှင်၊ သရုပ်ပြ၊ အသံထွက် စာအုပ်တွေကိုလည်း ရယူနိုင်တယ်။
ဆရာတွေရဲ့ ဟောပြောပို့ချမှု အချိန်စာရင်း၊ သင်ရိုးမာတိကာ၊ ပို့ချချက်အကျဉ်း၊ သင်ယူမှုလမ်းညွှန်၊ မှတ်စုများ၊ မြေပုံတွေနဲ့ ပြဌာန်းစာအုပ်တစ်အုပ်လုံးကို PDF နဲ့ ePub format တွေနဲ့ရနိုင်တယ်။
တကယ်လို့ ကိုယ်က Apple ထုတ် iOS ကွန်ပျူတာနဲ့ ပစ္စည်းတွေကိုင်သူမဟုတ်ရင်လည်း စိတ်မပူပါနဲ့။ e-Reader တိုင်းမှာ အဲဒီဖိုင်တွေကို ဖတ်နိုင်ပါလိမ့်မယ်။

Khan Academy (http://www.pcmag.com/article2/0,2817, 2397123,00.asp)  

Sal Khan  ဆိုသူဟာ ယခင်က ငွေကြေးရံပုံ ငွေဆန်းစစ်သူဘ၀ကနေ အကျိုးအမြတ်မယူတဲ့ Khan Academy ကို ထူထောင်နိုင်ခဲ့သူတစ်ဦးဖြစ်ပါတယ်။ သူ့ site မှာ အခမဲ့ ပညာရေးဗီဒီယိုပေါင်း ၂၇၀၀ ကျော် တင်ပေး ထားပြီး၊ သူကွယ်လွန်သွားချိန်အထိ ဒီလုပ်ငန်းကို ဆက်လုပ်သွားမယ်လို့ဆိုထားတယ်။ ဗီဒီယို သင်ကြားပို့ချမှု ထောင်ပေါင်းများစွာကို တင်ပေးနေတယ်။ ဘာသာရပ်တိုင်းကို လေ့လာနိုင်အောင် ကြိုးစားနေတယ်။
လက်ရှိ အမေရိကန်မူလတန်းအဆင့်  သင်္ချာကနေ သိပ္ပံဘာသာတွဲတွေဖြစ်တဲ့ ဇီဝဗေဒ၊ ဓာတုဗေဒ၊ နက္ခတ္တဗေဒ၊ စကြ၀ဠာ၊ ရှုပဗေဒဘာသာရပ်တွေကို တင်ထားတယ်။  သမိုင်းဘာသာရပ်ကို လည်း smarthistory (http://smarthistory.khanacademy.org/) နဲ့ပေါင်းပြီး သမိုင်းဆိုင်ရာဗီဒီယိုတွေကို စာကြည့်တိုက်တွေအတွက် စီစဉ်ပေးနေတယ်။  အကြောင်းအရာတွေကို ၁၀ မိနစ်ကနေ မိနစ် ၂၀ စာလောက်လေးတွေ စီစဉ်ပေးထားတယ်။ လေ့ကျင့်ခန်းတွေ၊ အကဲဖြတ်မှုတွေကိုလည်း စီစဉ်ထားတယ်။ သူ့ဗီဒီယို ဟောပြောပို့ချမှုတွေက စကားပြောဆွေးနွေး ချက်ပုံစံနဲ့ဖြစ်ပြီး သင်္ချာနဲ့ သိပ္ပံဘာသာရပ်တွေကို အမြင်သစ်၊ အသွင်သစ်နဲ့ လေ့လာတင်ပြထားတာတွေဖြစ်လို့ စိတ်ဝင်စားစရာကောင်းတယ်။

Peer 2 Peer University (http://p2pu.org/en/)

P2PU လို့ လူသိများတဲ့ ဒီ site ကို အခြေခံ လေ့လာစရာ open education ပရောဂျက် အနေနဲ့ လုပ်ဆောင် နေကြတာဖြစ်တယ်။ အစဉ်အလာ အဆင့်မြင့်ပညာရေးလမ်းဟောင်းမှသည် ဘ၀တစ်သက်တာပညာရေး သို့ဆိုတဲ့ အစီအစဉ်နဲ့ လှုပ်ရှားနေကြတာဖြစ်တယ်။
P2PU က အင်တာနက်ကနေ ပညာရေးဆိုင်ရာ သင်ထောက်ကူတွေကို အခမဲ့ ပေးနေပါတယ်။ Course တွေကိုတော့ ဘာသာရပ်ဆိုင်ရာ ကျွမ်းကျင်ပညာရှင်တွေ၊  စေတနာ့ဝန်ထမ်းဆရာတွေကနေ ပို့ချပေးတယ်။ ကျောင်းသားတွေက အွန်လိုင်းက တစ်ဆင့်လေ့လာပြီးတော့ ကိုယ်ရရှိတဲ့ လေ့လာမှုတွေကို ပြန်ပြီး တုံ့ပြန်ချက် ပေးရတယ်။ သင်ယူမှုကို အုပ်စုလိုက်ဖြစ်စေ၊ တစ်ဦးချင်းဖြစ်စေ ရယူတုံ့ပြန်ဆွေးနွေးနိုင်တယ်။ သင်ခန်းစာတွေ ကလည်း Python programming ကနေ၊ ပုံဆွဲနည်းတွေအထိ ပြဌာန်းပေးထားတယ်။

University of the People (http://www.uopeople.org/)

ကုလသမဂ္ဂအစီအစဉ် သတင်းအချက်အလက်နှင့် ဆက်သွယ်ရေး နည်းပညာ ဖွံ့ဖြိုးမှုအစီအစဉ်နဲ့ ပူးပေါင်းထားတယ်။ University of the People မှာ Clinton Global Initiative, Yale Law School Information Society Project တွေလည်းပါဝင်ပြီး၊ ကမ္ဘာ့ပထမဆုံး အခကြေးငွေလွတ်၊ NGO အွန်လိုင်းပညာရေးတက္ကသိုလ်အဖြစ် ရပ်တည်နိုင်ခဲ့တယ်။
ရည်ရွယ်ချက်က ကမ္ဘာ့ပြည်သူတွေ ပညာအရည်အသွေးမြင့်မားရေးအတွက်ပါ။ အထူးသဖြင့် ဖွံ့ဖြိုးဆဲနိုင်ငံ တွေက ပြည်သူတွေကို အဓိကထားတယ်။
UofPeople ဟာ ဒီမိုကရေစီအဆင့်မြင့် ပညာရေးကို တက္ကသိုလ်အဆင့်အထိ ဖော် ဆောင်ပေးနိုင်ရေး ကိုလည်း ဦးတည်ထားတယ်။ အမှန်တော့ ဒီတက္ကသိုလ်က တရားဝင်ဖွဲ့စည်းထူထောင်ထားတာ မရှိပေမယ့် ၂၀၀၉ ခုနှစ်ကတည်းက ထူထောင်ထားပြီး နိုင်ငံပေါင်း ၁၂၅ နိုင်ငံက၊ အသက် ၁၈ နှစ်မှ ၇၂ နှစ်အတွင်း ကျောင်းသားပေါင်း ၁၃၀၀ ကျော်ကို  လက်ခံသင်ကြားပေးခဲ့ပြီးဖြစ်ပါတယ်။ ဒီအွန်လိုင်းတက္ကသိုလ်မှာ ဘွဲ့ကြိုကျောင်းသားတွေအတွက် ပရိုဂရမ် လေးခု စီစဉ်ပေးထားတယ်။ အဲဒီဘွဲ့လေးခု ကတော့ Business Administration (A.S., B.S.)  နဲ့ Computer Science (A.S., B.S.) တွေပဲဖြစ်တယ်။
UofPeople မှာတက်ချင်ရင် ကျောင်းသားတွေဟာ လျှောက်လွှာတင်ရတယ်။ အနိမ့်ဆုံး အခြေခံပညာ အထက်တန်းအဆင့် အောင်မြင်ပြီးသူတွေဖြစ်ရမယ်။ အသက် ၁၈ နှစ်နဲ့ အထက်ဖြစ်ရမယ်။ အင်္ဂလိပ်စာ ကျွမ်းကျင်ရမယ်။
အခမဲ့ဆိုပေမယ့် လျှောက်လွှာတင်ရင် ၁၀ ဒေါ်လာကနေ ၅၀ ဒေါ်လာအထိ တစ်ကြိမ်၊ စာမေးပွဲကြေးကို ၁၀ ဒေါ်လာကနေ ဒေါ်လာ ၁၀၀ အထိတစ်ကြိမ် ပေးသွင်းကြရတယ်။ အခကြေးငွေဟာ နေထိုင်တဲ့နိုင်ငံ အပေါ်မူတည်ပြီး ကွာခြားတယ်။ ဖွံ့ဖြိုးဆဲနိုင်ငံတွေက ပိုပြီးသက်သာတယ်။

Academic Earth (http:/academicearth.org/)

အွန်လိုင်း ဗီဒီယိုပညာရေး site တစ်ခုဖြစ်ပါတယ်။ ယေးလ်၊ ဟားဗတ်၊ စတန်းဖို့ဒ်၊ ပရင့်စ် တန်၊ ယူစီ ဘာကလေနဲ့ MIT တက္ကသိုလ်တွေက ဟောပြောပို့ချချက်တွေကို ရယူနိုင်အောင်စီစဉ်ပေးထားတယ်။
ဗီဒီယိုဟောပြောပို့ချချက်ပေါင်း ၁၅၀၀ ကျော်တင်ထားပေးတယ်။ နေ့စဉ်လည်း အသစ်တွေကို တင်ပေးနေ တယ်။ အနုပညာ၊ ဗိသုကာ၊ နက္ခတ္တဗေဒ၊ ဇီဝဗေဒ၊ စီးပွားရေး၊ ကွန်ပျူတာသိပ္ပံ၊ ပတ်ဝန်းကျင်ထိန်းသိမ်းရေး၊ စိတ်ပညာ၊ မီဒီယာလေ့လာမှု၊ ဥပဒေဘာသာရပ်တွေကို လေ့လာသင်ယူနိုင်မယ်။
ဗီဒီယိုပို့ချချက်တွေဟာ အဆင့်မြင့်တယ်။ B အဆင့်လောက်ကစပြီး ကျောင်းသားရဲ့ လိုအပ်ချက်အရ အဆင့်မြင့်သွားလိမ့်မယ်။ သမိုင်းကို ခရီးသွားရင်း ကားပေါ်၊ ရထားပေါ်မှာ လေ့လာသွားနိုင်တယ်။ ဒီလိုင်းကို ၀င်ချင်ရင် QuickTime application ကိုတင်ထားရတယ်။ ဒါမှ အင်တာနက်နဲ့ မဆက်သွယ်ချိန်မှာ download ယူထားတဲ့ သင်ခန်းစာတွေကို ပြန်ပြီး လေ့လာနိုင်လိမ့်မယ်။

CK-12 (http://www.ck12.org/flexbook/)

ရည်ရွယ်ထားတာက မူကြိုအဆင့်ကနေ ၁၂ တန်းအထိပါ။ NGO အနေနဲ့ လုပ်ထားတာ။  ရည်ရွယ်ချက်က ဖတ်စာအုပ်တွေကို မ၀ယ်ရအောင်လို့ပါ။ ဒါကြောင့် ဖတ်စာအုပ်တွေကို Web-base ဖတ်စာအုပ် တွေဖြစ်အောင် အားလုံးကို ဒစ်ဂျစ်တယ်စနစ်ပြောင်းပြီး အွန်လိုင်းမှာတင်ပေးထားတယ်။ အဲဒီစနစ်ကို  FlexBooks လို့ခေါ်ပြီး အွန်လိုင်းမှာ အခမဲ့ တင်ပေးထားတယ်။
အစီအစဉ်က ကျောင်းသုံးစာအုပ်တွေကို အခမဲ့ရရှိရေးဖြစ်သလို၊ လေ့ကျင့်ရေးအတွက်လည်း အများကြီး အထောက်အကူ ဖြစ်စေတယ်။ SAT, CK-12 တွေကိုလေ့လာနိုင်ပြီး SAT စာမေးပွဲအတွက်ပါ အခမဲ့ပြင်ဆင်နိုင်တယ်။ SAT စာမေးပွဲဖြေဆိုဖို့ ပြင်ဆင်ရတာ ဈေးကြီးတယ်။ ဒီ site ကြောင့် ဒေါ်လာ ရာနဲ့ ချီပြီး သက်သာနိုင်တယ်။
သူတို့နိုင်ငံတွေမှာ ကျောင်းသုံးဖတ်စာအုပ်တွေကို အမြဲ update ဖြစ်အောင်လုပ်ပြီး ထပ်ထုတ်တတ်တယ်။ ဆရာတွေအတွက်လည်း ဒီ site ကြောင့် စာအုပ်ဖိုးသက်သာစွာနဲ့ လေ့လာနိုင်တယ်။ ဥပမာ ပလူဆိုဂြိုဟ်ကို  ဂြိုဟ်ကြီးကိုးလုံးကနေ အဆင့်နှိမ့်လိုက်တုန်းက ကျောင်းသုံးပြဌာန်းချက်တွေကို ပြန်ပြင်ရတယ်။ အဲဒီ အဆင့်မြှင့်တာ တစ်ခုတည်းနဲ့ ကျောင်းသုံးစာအုပ်ပြန်ထုတ်တာတွေကို ၀ယ်ရရင် ပိုက်ဆံတွေအများကြီး ထပ်ကုန်တယ်။ အွန်လိုင်း  FlexBooks ကြောင့် အခမဲ့ရယူလေ့လာနိုင်တယ်။

Read more »

ကဗျာအင်တာဗျူး

ကဗျာအနုပညာနယ်ပယ်မှာ ကဗျာဆရာ အင်တာဗျူးတွေဟာ အလွန်တန်ဘိုး ကြီးကြတယ် ဆို တာ ကျွန်တော်တို့  မြန်မာ ကဗျာလောကသားတွေ သိကြပါတယ်။ သိလို့လည်း မဂ္ဂဇင်းတွေမှာ အင်တာဗျူးတွေ လုပ်နေကြတာတွေ ဖတ်ရတာပဲ မဟုတ်ပါလား။ ကဗျာဆရာ မောင်ချောနွယ် အင်တာဗျူး အမေးအဖြေတွေဟာလည်း လွမ်းရှရှနဲ့ ဖတ်မ၀ပါပဲ။ အင်တာဗျူးဟာ ကဗျာမဟုတ် ပေမယ့် ကဗျာနဲ့ပတ်သက်နေတာကြောင့် ကဗျာအင်တာဗျူးတွေဟာ အရေးပါတဲ့ အခန်းကဏ္ဍ မှာ ပါရှိကြပါတယ်။ အင်တာဗျူး အမေးအဖြေမှာ အမေးရောအဖြေပါ ကောင်းရင်ကောင်းသလို သိမှုနှစ်သက်စိတ်(ရသ)ကို ဖတ်သူက မုချခံစားရပါတယ်။ နိုင်ငံခြားကဆိုရင် အမေရိကန် LP ကဗျာဆရာ Charles Bernstein ရဲ့ အင်တာဗျူး အမေးအဖြေတွေဟာ ကဗျာအကြောင်း၊ ကဗျာရေးခြင်းအကြောင်း၊ ကဗျာနယ်ပယ်အကြောင်း၊ ကဗျာအမျိုးအစားအကြောင်း၊ ကဗျာရဲ့ အခြေခံဒြပ်သားဖြစ်တဲ့ ဘာသာစကား အကြောင်းတွေနဲ့ ပတ်သက်လို့ သိမှုသီးပွင့်စရာတွေပါပဲ။

ကဗျာအင်တာဗျူးတွေဟာ ကောင်းရင်ကောင်းသလို တန်ဘိုးရှိကြပါတယ်။ ကဗျာဆရာရဲ့ ကဗျာ အပေါ်အမြင်၊ ကဗျာနဲ့ ခေတ်နဲ့ ဆက်သွယ်မှုဆိုင်ရာအမြင်၊ ကဗျာရဲ့ လူမှုယဉ်ကျေးမှု အခန်း ကဏ္ဍဆိုင်ရာ အမြင် စတဲ့ macro “အကျယ်” ကနေ ကဗျာရေးခြင်းဆိုင်ရာ တက္ကနိတွေ စတဲ့ “အကျဉ်း” အထိ မြင်သိလို့ ရပါတယ်။ ဒါပေမယ့် ဒါဟာလည်း ကဗျာအင်တာဗျူးမှာ မေးသူက လည်း ၀မ်းစာပြည့်၊ ဖြေသူကလည်း နက်နက်နဲ့ ညက်ညက်ရှိရင် အရသာရှိရှိကို ဖတ်ရပါတယ်။ အဲသလိုမဟုတ်ဘဲ မေးသူရော ဖြေသူပါ အညံ့ချင်းပြိုင်နေရင် ပူးတွဲချန်ပီယံပဲဖြစ်ပြီး ဖတ်သူ အတွက်လည်း ကဗျာဆိုင်ရာအကျိုးရယ်လို့ မယ်မယ်ရရ မရကြပါဘူး။ ညံ့တဲ့နေရာမှာ ပြိုင်ကြ သလို အမေးအဖြေတွေဟာ စက္ကူဖြုန်းတီးရာပဲ ရောက်ပါတယ်။ အရည်ဝင်ထားလို့ မေးသူက မေးပြီး ဖြေသူက ဖြေတာတွေကိုလည်း မဂ္ဂဇင်းစာမျက်နှာတွေမှာ ဟုတ်တိပတ်တိ ဖော်ပြလို ဖော်ပြ။ လှမ်းမေးမြန်းတော့လည်း “အဲဒီတုန်းက ကိုယ် မူးနေလို့ပါ၊ မေးသူကလည်း အသံသွင်း ထားတယ်လို့ မပြောတော့ လွတ်လွတ်ကျွတ်ကျွတ်ပဲ (အလွတ်သဘော) ပြောလိုက်တာကို သူက မဂ္ဂဇင်းကို ပို့လိုက်လို့ပါ” စတဲ့ “လူကြီးရှက်တော့ စကားတရှောင်ရှောင်”လိုပေါ့ဗျာ။ “ဟုတ်တယ်၊ လုပ်တယ်ဗျာ” လို့ ၀န်ခံဖို့ ကလည်း သတ္တိ မရှိ။ မရှိမဲ့ ရှိမဲ့ သံတိုသံစနဲ့ သံခင်းတမံခင်းလည်း လုပ်ချင်သေး။ အဲသလိုနီးပါး မဟုတ်ရင် ပိုဆိုးတာက group discussion လိုလို အုပ်စုဖွဲ့ပြီး ဗျူး သူက သူလိုချင်တဲ့ အဖြေတွေပဲပေးမယ့် ဘက်တော်သား လက်ရွေးစင်တွေပဲရွေးပြီး မေးလိုမေး၊ ဒါမှမဟုတ် လိုချင်တဲ့ အဖြေတွေပဲပေးဖို့ leading question တွေ မေးလိုမေး၊ “အဲဒါ ဟုတ်တယ်၊ မဟုတ်လား” ဆိုတာမျိုးတွေပေါ့။ မေးတဲ့မေးခွန်းတွေ ကြည့်ရင်လည်း ရိုးစင်းလွန်းလှတဲ့ “ကဗျာ ဘယ်တုန်းက စ ရေးသလဲ”တို့၊ “ကဗျာဆရာဘ၀ကို ဘယ်လိုမြင်သလဲ” တို့ကနေ မပါမဖြစ် မေး ခွန်း ဖြစ်တဲ့ LP ကိစ္စပေါ့။ အဲဒီကိစ္စကို မေးတဲ့အခါမှာလည်း ဖတ်သူပရိတ်သတ် အများကိုယ်စား မေးတဲ့ objective ဓမ္မဓိဌာန်ကျကျမဟုတ်ရင် neutral ဘက်မလိုက်တဲ့ (အမှန်တကယ် သိလို စိတ်နဲ့) မေးတာမျိုးမဟုတ်ပဲ မစ္ဆရိယ ၁၅ ပိဿလောက် မြင်နေရတဲ့ subjective ပုဂ္ဂလဓိဌာန်၊ ပုဂ္ဂလအစွဲ၊ ဆန္ဒစွဲနဲ့ “ထိုးမယ်ကြိတ်မယ်၊ မင်းလည်းဝင်ထိုး”ဆိုတာမျိုး။ မေးသူကလည်း အ ကြောင်း အရာဂဃနဏ မသိ၊ ဖြေသူကလည်း နွားရိုင်းသတ်ပွဲမှာ နံရိုးကြား လှံစိုက်နေသလို ဂမူးရှုးထိုးနဲ့ ထိုးကော်၊ ခတ်တော့ တာပဲ။ ဆင်ဆင်ခြင်ခြင်နဲ့ ပြန်လည်ဖြေကြားသူ နည်းပါတယ်။ အနာဂတ်မြန်မာကဗျာမှာ ထင်ရှားလာမယ့် လူငယ်(ကျွန်တော့် အသက်အရွယ်ထက် ငယ်လို့ “လူငယ်”လို့ခေါ်တာပါ၊ အခြားရည်ရွယ်ချက် မရှိပါဘူး) နှစ်ယောက်စ သုံးယောက်စလောက်ကိုပဲ
သတိပြုမိပြီး စိတ်ထဲ မှတ်ထားလိုက်ပါတယ်။ ကျန်တာတွေကတော့ မေးသူရော၊ ဖြေသူပါပြော ရရင် ကဗျာနဲ့ပတ်သက် လို့ global/local ၊ macro/micro မပြောပါနဲ့ဦး၊ ဆဲချင်တဲ့ အကြောင်း အရာကိုတောင် အသေအချာ စာလုံးပေါင်း မဖတ်ရသေးဘဲ (ဆဲခိုင်းလို့) သံကုန်ဟစ်နေ တော့ တာပဲ။ ကဗျာဆိုတဲ့ Poetry ဖြစ်တဲ့ စာပေအနုပညာ Literary art ကို ကျယ်ကျယ်ပြန့်ပြန့် မြင် လည်းမမြင်၊ မြင်ရကောင်းမှန်းလည်း မသိ၊ မြင်အောင်လည်း မကြည့်ချင် မကြည့်တတ်ပဲ စုံလုံး ကန်း၊ မြင်တယ်မြင်တယ် အော်နေတော့တာပဲ။ ကျွန်တော် ဒီမှာ ကိစ္စတစ်ခု ရှင်းရှင်းလင်းလင်း ပြောပါရစေ။ ကျွန်တော်ဟာ ဒီအရပ်ဒေသ၊ ဒီနယ်ပယ်မှာ LP ကို မိတ်ဆက်ပေးတာ ဖြစ်ပေမယ့် ကျွန်တော်ဟာ LP ဘက်က ကာကွယ်ပြောဆိုနေတာ မဟုတ်ပါဘူး။ ကဗျာအမြင် ကျဉ်းမြောင်း လွန်းကြတဲ့ ကိစ္စကို ပြောတာပါ။ ငြိဏ်းဝေရဲ့ ခေတ်ပြိုင်ကဗျာ၊ conceptual ကဗျာ၊ ပြီးတော့ သစ္စာနီရဲ့ the end of poetry ၊ ပြီးတော့ နီယိုမော်ဒန် ဆိုတာတွေ။ အဲဒါတွေဟာ ကျွန်တော့် အတွက် စိတ်ဝင်စားစရာတွေပါပဲ။ ကဗျာသိမှုနယ်ပယ်ချဲ့ထွင်တဲ့ ကိစ္စတွေပါပဲ။ “ငါ”မှ “ငါ” ဆိုတဲ့ ငါတကော ကော ကိစ္စမဟုတ်တဲ့ Poetry as literary art ကိစ္စမှန်သမျှ ကျွန်တော် စိတ်ဝင် စားပါတယ်။ ကြိုဆိုပါတယ်။ ကဗျာကို Poetry လို့ မမြင်ပဲ “ငါတို့ရေးတာမျိုး”လို့သာ ပြောလာ ရင်တော့ ကျွန်တော့်ဘက်က တန်ရာတန်ရာ ပြန်ပြောစရာစကား မရှိပါဘူး။ အ သေ ၀နာစပဲ။ ဘိုလိုပြောရရင် “နီဂလက်”လုပ်လိုက်တာပေါ့။ ခရစ်တော်ကို ကားစင်တင်ပြီး လှံနဲ့ထိုးလို့ ကာယိ က ဝေဒနာ အကြီးအကျယ် ခံစားနေရချိန်မှာ ကောင်းကင်ကို မော့ပြီး တောင်းဆိုခဲ့ပါတယ်။ “အဖဘုရား သခင်၊ သူတို့ကို ခွင့်လွှတ်တော် မူပါ၊ သူတို့လုပ်နေကြတာ သူတို့မသိဘူး”။

အခု “ခေတ်ပြိုင်မြန်မာကဗျာ”လို့ အော်နေကြပြီ။ “ခေတ်ပြိုင်”ချင်းပြိုင်ရင် နိုင်ငံတကာ ခေတ်ပြိုင် နဲ့ရင်ဘောင်တန်းစေရမယ်။ အဲဒီအတွက် “နိုင်ငံတကာခေတ်ပြိုင်” International Contempor ary ဆိုတာ ဘာလဲဆိုတာ လောက်တော့ တီးမိခေါက်မိ သင့်တာပေါ့။ စေတနာနဲ့ ဘာသာပြန်ပေး သူ တွေကို မယုံကြည်ရင်လည်း ကြိုက်ရာ cyber cafe သွား၊ downloadလုပ်၊ ဒုတ်ရှင်နရီနဲ့ ဒဲ့ ဘာသာ ပြန်ပေါ့၊ တိုက်စစ်ပေါ့။ ရိုက်စစ်စရာ မလိုပါဘူး။

အကယ်၍ ကျွန်တော်ဟာ မြန်မာကဗျာ ဆရာတစ်ယောက်ယောက် (ကဗျာဆရာမလည်း အကျုံး ၀င်ပြီး သားပါ) ကို ဗျူးခွင့်ရရင် အောက်ပါ မေးခွန်းလေးတွေ မေးကြည့်ချင်ပါတယ်။ ကျွန်တော့် ကို ကျွန်တော်လည်း ရံဖန်ရံခါ ပြန်ပြန်မေးနေရတဲ့ မေးခွန်းတွေလည်း ဖြစ်ပါတယ်။

၁။ ယနေ့မြန်မာကဗျာရှုခင်းမှာ မိမိကိုယ်မိမိ ဘယ်နေရာမှာ နေရာချထားပါသလဲ။ မိမိနေရာဟာ ဘယ်မှာလဲလို့ သတ်မှတ် ထားပါသလဲ။

၂။ ကဗျာဟာ ကဗျာရေးသူရဲ့ ကိုယ်တွေ့ဖြစ်ရပ်တွေ၊ အတွေ့အကြုံတွေ၊ ခံစားမှုတွေ အကြောင်း လား။

၃။ ကဗျာရေးသူရဲ့ ကဗျာနဲ့ ကဗျာရေးခြင်းအလုပ်ဟာ နေ့စဉ်ဘ၀နဲ့ ဘယ်လိုဆက်စပ်ပါသလဲ။

၎။ အကြမ်းဖျင်းအားဖြင့် ဘယ်သူ့အတွက် ကဗျာရေးတာပါလဲ။

၅။ ကိုယ်ပြောချင်တာ စကားပြေနဲ့ ပြောလို့ ရလျက်နဲ့ ဘာဖြစ်လို့ ကဗျာရေးတာလဲ။

၆။ experiment ကို ကဗျာမှာ ဘယ်လိုနားလည်ထားလဲ။ ကိုယ်တိုင်ရော လုပ်ဖူးသလား။ လုပ်ဖူး ရင် ဘာကို ဘယ်လို စမ်းသပ်သလဲ။

၇။ ကဗျာနဲ့ ပတ်သက်လို့ သိမှုဗဟုသုတ knowledge နဲ့ အတတ် skill တို့ကို သင်ယူတတ် မြောက်ဖို့ လိုတယ် ထင်သလား။ အန္တရာယ် ရှိတယ်ထင်သလား။

၈။ ကဗျာရေးသူဟာ ကဗျာပေါ်မှာရယ်၊ ကဗျာရေးခြင်းပေါ်မှာရယ် တာဝန်ရှိသလား။ ရှိရင် ဘာ တာဝန်လဲ။ ဘယ်သူပေးတဲ့ တာဝန်လဲ။

၉။ ကဗျာရေးရင် ဘယ်လိုဘာသာစကားနယ်ပယ်အသုံးအနှုံးတွေပဲ သုံးပြီး ဘယ်နယ်ပယ်အသုံး အနှုံးတွေကိုတော့ ရှောင်မယ်ဆိုတာ မျိုးရှိသလား။

၁၀။ ကဗျာရေးရင် ဘာသာစကားနယ်ပယ် အမျိုးမျိုး၊ အသုံးအနှုံးအမျိုးမျိုးကို တစ်ဆက်တည်း တွဲသုံးသလား။

၁၁။ ကိုယ်ရေးတဲ့ကဗျာဟာ ပြင်ပလောကကို ထင်ဟပ်သလား။ ထင်ဟပ်ရင် ဘာတွေကို ဘယ် လို ထင်ဟပ်သလဲ။ တမင်ထင်ဟပ် အောင်ရေးတာလား။

၁၂။ ပို့စ်မော်ဒန်သီအိုရီအချို့ပြောသလို ကဗျာထဲက စာသားတွေဟာ ပြင်ပကိုမညွှန်းပဲ အခြား စာသားတွေ၊ စကားလုံးတွေ၊ အညွှန်းတွေကိုပဲ ပြန်ပြန်ညွှန်းတဲ့အတွက် ကဗျာဟာပြင်ပ လောက ကို မထင်ဟပ်ဘူးဆိုတာ လက်ခံပါသလား။

၁၃။ ကဗျာအမြင်၊ အမျိုးအစား၊ ဗျူဟာ၊ တက္ကနိ စတဲ့ အပြောင်းအလဲတွေဟာ ကိုယ့်ကဗျာ/ ကိုယ့်ကဗျာရေးခြင်းနဲ့ ပတ်သက်မှုရှိတယ် ထင်ပါသလား။ ပတ်သက်ရင် ဘာတွေဘယ်လို ပတ် သက်သလဲ။

၁၄။ ကဗျာတစ်ပုဒ်ရေးရင် ရင်ထဲရှိတာ ရေးချလိုက်တာလား၊ ရွေးချယ်စီမံပြီး အစီအစဉ်တကျ ပြုလုပ် ရေးသားတာလား။

၁၅။ ယနေ့မြန်မာကဗျာရှုခင်းကို ဘယ်အတိုင်းအတာအထိ စိတ်ဝင်စားပါသလဲ။

၁၆။ မြန်မာအမျိုးသမီးကဗျာဆရာ(မ)တွေ ဘာကြောင့် နည်းတယ်လို့ ထင်ပါသလဲ။

၁၇။ ယနေ့မြန်မာနဲ့ အနာဂတ်မြန်မာ့လူ့အဖွဲ့အစည်းမှာ ကဗျာရဲ့အခန်းကဏ္ဍက ဘာလို့ ထင်ပါ သလဲ။

၁၈။ ကဗျာဆရာဟာ ကဗျာကလွဲလို့ ကဗျာဝေဖန်ရေး၊ ဆောင်းပါး၊ ဖတ်ညွှန်း စတဲ့ စကား ပြေ တွေ မရေးရဘူးဆိုတာ လက်ခံပါသလား။

၁၉။ စကားပြေကဗျာကို ဘယ်လိုမြင်ပါသလဲ။ စကားပြေကဗျာ ရေးဖူးလား။

၂၀။ ကိုယ့်ကဗျာကို ဘယ်လိုအမျိုးအစားလို့ အနီးစပ်ဆုံးသတ်မှတ်တာ ရှိသလား။ ဘာမှ မသတ် မှတ်ပဲ ဘာအမျိုးအစားလို့မှ မခေါ်ပဲ “ကဗျာ”ဆိုပြီး လွတ်လွတ်လပ်လပ်ရေးသလား။

၂၁။ ကိုယ့်ကဗျာကို ဘာခေါင်းစဉ်၊ ဘာလေဘယ်အောက်မှာမှ မတပ်ထားရင် ကိုယ့်ကဗျာကို ဘာကဗျာအမျိုးအစားလို့ ဘယ်လိုပြောမလဲ။

၂၂။ ကိုယ်ဖတ်ဖူးတဲ့ သူများကဗျာတွေထဲက နည်းအချို့ယူသုံးရင် အဲဒီနည်းတွေရဲ့ နောက် ကွယ်က ကဗျာဗေဒကို သိစရာလိုတယ်လို့ ထင်သလား။ ဥပမာ၊ ဆူရီရယ်နိမိတ်ပုံ၊ ကော်လာ့ဂ်ျ စီနည်း၊ ကတ်တလောက်စီနည်း၊ ပါရာတက်တစ်စီနည်း။

၂၃။ နိုင်ငံတကာကဗျာတွေကို မူရင်းဘာသာစကား(ဥပမာ၊ အင်္ဂလိပ်၊ ပြင်သစ်၊ ဂျာမန်၊ တရုတ်) နဲ့  ဖတ်သလား။

၂၄။ နိုင်ငံတကာ ဘာသာပြန်ကဗျာရဲ့ အခန်းကဏ္ဍကို ဘယ်လိုမြင်သလဲ။ ကဗျာတစ်ပုဒ်တလေ ဘာသာပြန်ဖေါ်ပြတာနဲ့ ကဗျာဗေဒတစ်ခုလုံး မိတ်ဆက်ပေးခြင်းဟာ လက်ရှိ မြန်မာကဗျာပေါ် ဘယ်လို အကျိုးသက်ရောက်မှု ရှိတယ် ထင်သလဲ။

၂၅။ နိုင်ငံတကာဘာသာပြန်ကဗျာကို ကိုယ်ရေးတဲ့ကဗျာတွေနဲ့ ယှဉ်ဖတ်သလား။

၂၆။ ကဗျာဆရာက သူရေးတဲ့စာသားကို ကဗျာလို့သတ်မှတ်ရင် ကဗျာဖြစ်တယ်ဆိုတာ လက်ခံသလား။

၂၇။ ကဗျာဟာ လူအများစု ဖတ်တာလည်း မဟုတ်၊ ကြိုက်နှစ်သက်တာလည်း မဟုတ်ပဲနဲ့ ဘာဖြစ်လို့  ကဗျာရေးနေတာလဲ။

၂၈။ ရန်ကုန်အခြေစိုက် ကဗျာဆရာတွေနဲ့ နယ်ကဗျာဆရာတွေကြားမှာ ကဗျာနဲ့ပတ်သက်လို့ ကွဲပြား ခြားနားချက်တွေ ရှိတယ် ထင်သလား။

၂၉။ ကဗျာ ဆရာဟာ ကိုယ့်ပရိတ်သတ်အတွက်၊ ကိုယ့်ပရိတ်သတ်အကြိုက်ရေးသင့်သလား။

၃၀။ ကဗျာဆုပေးခြင်း၊ ကဗျာဆု ချီးမြှင့်ရွေးချယ်ရေးအဖွဲ့နဲ့ ကဗျာဆု ဆွတ်ခူးရရှိသူတွေကို ဘယ်လိုမြင်သလဲ။

၃၁။ ကဗျာဟာ အပျော်ဖတ်စာပေလား၊ ဖျော်ဖြေရေးထဲ အကျုံးဝင်သလား။

၃၂။ ကိုယ်ရေးတဲ့ကဗျာတစ်ပုဒ်ကို ရေးပြီးသားအခြားကဗျာတွေနဲ့ဖြစ်ဖြစ်၊ အခြားတစ် ယောက် ယောက်ရဲ့ ကဗျာတွေနဲ့ဖြစ်ဖြစ် နှိုင်းယှဉ်ကြည့်သလား။ ကြည့်ရင် ဘာကြောင့် ဘာတွေကြည့်ပြီး မကြည့်ရင် ဘာကြောင့်မကြည့်တာလဲ။

၃၃။ နိုင်ငံရေးစံ၊ နိုင်ငံရေးတန်ဖိုးနဲ့ ကင်းတဲ့ကဗျာဆိုတာ ဘယ်လိုလို့ နားလည်ထားပါသလဲ။

၃၄။ “ခေတ်ပြိုင်”ကဗျာဆိုတဲ့ အသုံးအနှုံးကို လက်ခံရင် အဲဒီအသုံးအနှုံးဟာ ကဗျာအမျိုးအစား သတ်မှတ်ချက်လား။ ဟုတ်တယ်ဆိုရင် ဘယ်လိုစံနှုံးတွေ၊ သတ်မှတ်ချက်တွေ၊ အင်္ဂါရပ်တွေနဲ့ ကိုက်ညီရင် “ခေတ်ပြိုင်”ကဗျာအမျိုးအစား စာရင်းဝင်သလဲ။မဟုတ်ဘူးဆိုရင် ဘယ်ကဗျာ အမျိုး အစားမဆို ခေတ်ပြိုင်ကဗျာစာရင်းဝင်သလား။

၃၅။ ကိုယ်တိုင်ရေး အတ္ထုပ္ပတ္တိကဗျာ အတိုဖြစ်ဖြစ်၊ အရှည်ဖြစ်ဖြစ်၊ လုံးချင်းဖြစ်ဖြစ် ရေးဖူးလား၊ ရေးချင်လား၊ ရေးနေလား။

၃၆။ တိုင်းရင်းသား ကဗျာတွေအပေါ် ဘယ်လိုမြင်သလဲ။ တိုင်းရင်းသားတွေရဲ့ ဘာသာ စကား အသီးသီးနဲ့ ရေးသားထားတဲ့ ခေတ်ပေါ်ကဗျာတွေ ဖတ်ဖူးလား။ ” မြန်မာခေတ်ပေါ်ကဗျာ”ဟာ တိုင်းရင်းသားတွေနဲ့ သူတို့ကဗျာတွေကိုရော ကိုယ်စားပြုသလား။

၃၇။ ကဗျာဟာ အမှန်တရားကို ဖေါ်ပြတယ်လို့ ထင်ပါသလား။ ထင်ရင် ဘယ်အမှန်တရားကို ဘယ်လိုဖေါ်ပြပါသလဲ။

၃၈။ ဘယ်လိုပဲတွေ့ကြုံခံစားသည်ဖြစ်စေ၊ အဲဒါကို ဘာသာစကားနဲ့ တဆင့်ခံပြီး ပြန်လည်ရေး သားရတဲ့အတွက် အဲဒီအရေးအသားဟာ မူလတွေ့ကြုံခံစားချက်အတိုင်း စစ်မှန်ပါဦးမလား။

၃၉။ ကိုယ်ကဗျာရေးရင် အကြောင်းအရာကို ဦးစားပေးပြီးရေးသလား။ ရေးနေစဉ်မှာ ဘာသာ စကားသုံးစွဲပုံပေါ် သတိပြု/ဂရုစိုက် သလား။ ဘာသာစကားက မထင်မှတ်ပဲ ဆွဲခေါ်သွားတာမျိုး ကြုံဖူး သလား။ အဲသလိုဆို ဘာလုပ်သလဲ။

၄၀။ ကိုယ်ရေးချင်တဲ့အကြောင်းအရာဆီကိုပဲ ဦးတည်ရေးတဲ့ စမသိကခအ အခြေပြုနဲ့ ချရေး လိုက်တဲ့ ပထမလိုင်းကနေ တစ်လိုင်းပြီး တစ်လိုင်းဆက်စပ်ဖြစ်ပေါ်လာပုံကို သတိပြုပြီးရေးတဲ့ process အခြေပြုမှာ ဘယ်ဟာကို ပိုအားသန်ပြီး ပိုကြိုက်နှစ်သက်သလဲ။

၄၁။ Procedural Poetry ဆိုတဲ့ ဖွဲ့စည်းမှုဆိုင်ရာ စည်းမျဉ်းစည်းကမ်းတွေ ချမှတ်ပြီး အဲဒီ စည်း မျဉ်း စည်းကမ်းတွေ မသွေဖီပဲ ရေးတာမျိုးရှိပါသလား။

၄၂။ ကိုယ်ရေးပြီးတဲ့ကဗျာကို ပြင်လေ့ရှိသလား။ ပြင်ရင်ဘာတွေကို ဘာကြောင့်ပြင်သလဲ။ ပြင် လိုက်ရင်မပျက်သွားဘူးလား။

၄၃။ ကိုယ့်ကဗျာနဲ့ ၂၀ ရာစုမြန်မာကဗျာဖြစ်ပေါ်တိုးတက်မှု လမ်းကြောင်းနဲ့ ဘယ်လို ပတ်သက် တယ်လို့ ထင်သလဲ။ ၂၁ ရာစုမြန်မာကဗျာ ရှုခင်းမှာ ကိုယ့်ကဗျာကို ဘယ်လိုမြင်သလဲ။

၄၄။ modernismလို ရာစုနဲ့ချီပြီးပြုလုပ်ဖန်တီးထားတဲ့ အနုပညာနဲ့ နည်းအားလုံးကို အကုန်စွန့် ပယ်ပြီး ပစ္စည်းအသစ်၊ နည်းအသစ်တွေ ပြုလုပ်ဖန်တီးဖို့ စိတ်ကူးရှိသလား။

၄၅။ ၁၉၇၀ ကနေစတွက်ရင် အခု ၂၀၁၀ အထိ နှစ် ၄၀ အတွင်း မဂ္ဂဇင်းအသီးသီးမှာ ဖေါ်ပြပါရှိ တဲ့ကဗျာတွေရဲ့ အပြေင်းအလဲတွေကို မျက်ဝါးထင်ထင် တွေ့မြင်ဖတ်ရှုခဲ့ရပါပြီ။ အဲဒီ နှစ် ၄၀ အ တွင်း မဂ္ဂဇင်းကဗျာတွေဟာ တက္ကသိုလ်အသီးသီးမှာ ရှိကြတဲ့ မြန်မာစာဌာနရဲ့ သင်ရိုးညွှန်း တမ်းတွေထဲ ပါသင့်ပြီလို့ ထင်သလား။

၄၆။ အခု”ခေတ်ပေါ်”ကဗျာလို့ ခေါ်ဝေါ်သတ်မှတ်ကြတဲ့ ကဗျာသက်တမ်းဟာ နှစ် ၄၀ ထဲရောက် ခဲ့ပေမယ့် တရားဝင် အသိအမှတ်ပြု မခံရသေးတဲ့အတွက် အခုထိ “အပယ်ခံ” ကဗျာ ဖြစ်နေ သေးတယ်လို့ ထင်သလား။

၄၇။ အချို့လူကြီးတွေက ခေတ်ပေါ်ကဗျာဟာအချိန်တန်ရင် ပျက်သွားပြီး အစဉ်အလာ ကဗျာ တွေပြန်လည် ဦးမော့လာမယ်လို့ ထင်ကြပါတယ်။ အဲဒါကို ဘယ်လိုမြင်ပါသလဲ။

၄၈။ “ခေတ်ပေါ်”ကဗျာကို “ခေတ်ပြိုင်”ကဗျာနဲ့ အစားထိုးတာဟာ “ခေတ်ပေါ်”ကဗျာ “ပြီး” သွားပြီလို့ သွယ်ဝိုက်ဆိုလိုတာလား။ ဒါမှမဟုတ် “ခေတ်ပေါ်”ကဗျာဟာ “ခေတ်ပြိုင်” ကဗျာဖြစ် တယ်ဆိုရင် “ခေတ်ပြိုင်” ကဗျာလို့ ခေါ်စရာ လိုလို့လား။ “ခေတ်ပြိုင်”ကဗျာဟာ “ခေတ်ပေါ်”က ဗျာနဲ့  မတူလို့ သီးခြားအခေါ်အဝေါ်၊ သီးခြားခေါင်းစဉ်၊ သီးခြားလေဘယ်၊ သီးခြားနာမ၀ိသေ သန တပ်ရတာဆိုရင် လည်း ဘာတွေကွဲပြားခြားနားလို့လဲ။

၄၉။ “ကဗျာပြီးဆုံးသွားပြီ”ဆိုတဲ့ အတွက် ကဗျာဆက်ရေးစရာ လိုသေးလား။ အဲဒီ “ပြီးဆုံးသွား ပြီ” ကို ဘယ်လို လက်ခံနားလည်သလဲ။

၅၀။ ခေတ်ပေါ်ကဗျာရဲ့ အကြောင်းအရာနဲ့ ပုံသဏ္ဌာန်(ဖွဲ့စည်းတည်ဆောက်မှု) အားပြိုင်ပွဲမှာ ဘယ်ဘက်က အလေးသာတယ်လို့ ထင်သလဲ။

၅၁။ ၂၀ ရာစုမြန်မာကဗျာပေါင်းချုပ်စာအုပ်မှာ ကဗျာဆရာ/ဆရာမ လူပုဂ္ဂိုလ် ၁၀ ယောက်ပဲ ပါရမယ်ဆိုရင် ဘယ်သူတွေ ပါသင့်တယ် ထင်သလဲ။ ၅ ယောက်ပဲ ပါသင့်တယ်ဆိုရင် ကော ဘယ်သူတွေဖြစ်မလဲ။

၅၂။ ၂၁ ရာစု ပထမဆယ်စုနှစ်အတွင်း မြန်မာကဗျာရှုခင်းမှာ ထူးခြားထင်ရှားတာတွေ ရှိပါ သလား။ ဘာမှမထူးခြားတဲ့ ပြားချပ်ချပ် ဆယ်စုနှစ်လား။ ၂၁ ရာစု မဟုတ်ပဲ ၂၀ ရာစုရဲ့ နောက် ဆက်တွဲလား။

၅၃။ ကဗျာလစဉ် မဂ္ဂဇင်းသီးသန့် ရှိသင့်တယ်လို့ ထင်သလား။ ရှိသင့်တယ် ထင်ရင် အခုထိ ဘာ့ ကြောင့် မရှိသေးတာလို့ ထင်သလဲ။

၅၄။ ကဗျာတစ်ပုဒ်ထဲမှာ ခံစားချက် ပါ/မပါ ဘယ်လို တိတိ ကျကျ ပြောနိုင်သလဲ။

၅၅။ ခံစားချက်အခြေပြုကဗျာမျိုးရေးတယ်ဆိုရင် အဲဒီကဗျာထဲ ကိုယ့်ခံစားချက် ထည့်သွင်းရေး သား ဖေါ်ပြတာလား။ ဒါမှမဟုတ် ဖတ်သူမှာ အဲသလို ခံစားချက်မျိုး ဖြစ်လာအောင် ဖွဲ့စည်းပြု လုပ်တာလား။

၅၆။ ကဗျာရေးတဲ့အခါ သဒ္ဒါနဲ့ ၀ါကျဖွဲ့ထုံးကိစ္စတွေကို အလေးထားသလား။

၅၇။ ကဗျာရေးဖို့ အချိန်သပ်သပ်ပေးတာမျိုး၊ ထားတာမျိုး ရှိသလား။

၅၈။ ကဗျာဟာ ကိုယ့်ဘ၀ထက်ပိုကြီးမားတယ်လို့ ထင်သလား။

၅၉။ ကဗျာနဲ့ပတ်သက်လို့ “အစစ်အမှန်”တို့”ဆီမီး”တို့”အတုအယောင်”တို့ ပြောဆိုနေကြတာကို
ဘယ်လိုမြင်သလဲ။

၆၀။ ကဗျာရေးရင် တစ်ပုဒ်ပုဒ်ကို model နမူနာပုံစံအဖြစ် ထားရှိပြီး ရေးသလား။ လုံးဝမထားပဲ ရေးသလား။

၆၁။ ကဗျာနဲ့ ပတ်သက်လို့ “ကိုယ်ပိုင်” ဆိုတဲ့ အသုံးအနှုံးကို ဘယ်လိုမြင်သလဲ။

၆၂။ ကိုယ်ရေးတဲ့ ကဗျာဟာ စကတည်းက ဘာရေးချင်တယ်ဆိုတာ သိလို့ ချရေးလိုက်တာလား၊ ရေးရင်းရေးရင်းနဲ့ ဘာဖြစ် လာမယ်ဆိုတာ စူးစမ်းပြီး ရေးသွားတာလား။

၆၃။ ကိုယ်ရေးတဲ့ ကဗျာမှာ အနုပညာနဲ့ အတတ်ပညာဟာ အချိုးအစားဘယ်လို ရှိတယ်ထင်သ လဲ။ ၉၀း၁၀ လား၊ ၅၀း၅၀ လား၊ စသဖြင့်။

၆၄။ အင်တာနက်မှာ တင်ထားတဲ့ မြန်မာကဗျာတွေ ဖတ်သလား။

၆၅။ ယနေ့မြန်မာကဗျာဟာ နိုင်ငံတကာကဗျာနဲ့ တန်းတူအဆင့် ရှိတယ်လို့ ထင်သလား။ နိုင်ငံ တကာ ကဗျာထက် သာတယ်လို့ ထင်သလား။ ဘာကြောင့် ပြောနိုင်လဲ။

၆၆။ ယနေ့မြန်မာကဗျာရှုခင်းကို ဘယ်လိုမြင်ပြီး ဘယ်လိုလားရာတွေ၊ လမ်းကြောင်းတွေ ပေါ် လာမယ်လို့ ထင်သလဲ။

ဇေယျာလင်း

Read more »

(LP)ဘာသာစကား ကဗျာနှင့် နောက်ဆက်တွဲ

_______________________________________________________________________

၁။

နောက်ကြောင်းနည်းနည်း ပြန်ရရင်၂၀၀၅မှာ ‘ L=A=N=G=U=A=G=E Poetry နှင့် အခြား ကဗျာဗေဒများ’ ထွက်ရှိ လာခဲ့ပါတယ်။ တစ်ဆက်တည်း ဆိုသလိုပါပဲ ၂၀၀၆မှာ ‘ထင်ရှားသည့် အမှတ်အသား´ ၊ ၂၀၀၇ မှာ `ကဗျာရေးသူကို ထုတ်လုပ်ခြင်း´နဲ့ `အက်ရှဘရီ နိဒါန်း´ ၊ ၂၀၀၈ မှာ `၂၀၀၇´ ၊ ၂၀၀၉မှာ `ကဗျာဘ၀ရှာတော်ပုံ´ နဲ့ `ချားလ်စ်ဘန်းစတိုင်းန် အင်တာဗျူး/ အရေးအသား များ´ စာအုပ်တွေ နှစ်ကာလများကပဲ ထွက်ရှိခဲ့ပါတယ်။ စထွက်ထွက်ချင်းက LG ကဗျာ ၊ ပြီးတော့ LP ကဗျာ ၊ အခု `ဘာသာစကားကဗျာ´ လို့ သုံးစွဲနေကြတဲ့ ကဗျာအမျိုး အစားရဲ့ကဗျာ ဗေဒနဲ့ လက်တွေ့ရေးဖွဲ့ ပြုလုပ်ပြတဲ့ ကဗျာတွေကို မြန်မာကဗျာလောကထဲ တင် ဆက်ခဲ့ပါတယ်။ အခု ကာလအားဖြင့် ငါးနှစ်ရှိလာတဲ့အခါ ဒီ LP ကိစ္စကို ဆောင်းပါးတစ်ပုဒ်စာရဲ့ ကန့်သတ်ချက်အတွင်း အပေါ်ယံပြန်သုံးသပ် ကြည့်တာပဲဖြစ် တယ်။

၂။

ကျွန်တော် ဘာကြောင့် ဒီLP(၀ါ)ဘာသာစကားကဗျာ ဆိုတာကို `တင်သွင်း´ခဲ့ပါသလဲ။ ကျွန် တော့်မှာ အကြောင်းပြချက်တွေ ရှိပါတယ်။ ဒီအကြောင်းပြချက်တွေဟာလည်း သီးခြားစီမဟုတ် ပဲ တစ်ခုနဲ့ တစ်ခုဆက်စပ်နေကြတာ ဖြစ်ပါတယ်။ ဒီလိုပါ -

၂.၁။  ၂၁ရာစုအစပိုင်း ၊ မြန်မာကဗျာလောကမှာ ပင်မရေစီးလို့ပြောလို့ ရလောက်အောင် ပေါ်ထွက်လာခဲ့တဲ့ `ခေတ်ပေါ်´ ကဗျာနဲ့ ပတ်သက်လို့ သုံးသပ်ချက်/ ဝေဖန်ချက်တွေ ထွက်လာခဲ့တယ် ဆိုတာမှတ်မိကြမှာပါ။ ခေတ်ပေါ်ကဗျာဟာ `အီလာပြီ ၊ အိုင်လာ ပြီ´ ဆို တာမျိုးနဲ့ ခေတ်ပေါ်ကဗျာဟာ အစစ်မဟုတ်တော့ဘူး ၊ `တစ်ဝက်တွေ´ ၊ `ဆီမီး´ တွေ ဖြစ်လာပြီဆိုတာမျိုး ။ အဲသလို အဓိကသုံးသပ်ချက် ၂ မျိုးကို မဂ္ဂဇင်းတွေမှာ ဖတ်ရှုခဲ့ရပါ တယ်။ ရေးဖွဲ့ပြုလုပ်မှုပုံသဏ္ဍာန်ပိုင်းနဲ့ အနှစ်သာရပိုင်းလို့ ဆိုရမယ် ထင်ပါတယ်။ ဒါ တွေဟာ ခေတ်ပေါ်ကဗျာကို တိုက်ခိုက်တာထက် အားမလို အားမရဖြစ်လို့သာ ဒီလို ရေး သား  ပြောဆိုခဲ့ကြာလို့ပဲ ကျွန်တော် မှတ်ယူပါတယ်။ ခေတ်ပေါ်ကဗျာရဲ့ ဖြစ်စဉ်သမိုင်းကို ပြန်ကြည့်ရင် အတိုက်အခိုက်/ အတိုက်အခံ အမျိုးမျိုးကြားထဲက လူးလွန့် ရှင်သန် ကြီး ထွားလာခဲ့တာဖြစ်ပြီး ၁၉၉၀ခုနှစ်မှာ ပင်မရေစီး နေရာရရှိခဲ့တာကို ငြင်းလို့မရပါဘူး။ အဲဒီ ကာလတွေမှာ ခေတ်ပေါ်ကဗျာဆရာတွေ အများကြီး ပေါ်ပေါက်ခဲ့ကြပါတယ်။ ဒီနေ့အထိ ခေတ်ပြိုင် မြန်မာကဗျာလောကမှာ အထင်ကရကဗျာ ဆရာတွေဖြစ်ပါတယ်။ တစ်ချိန် တည်းမှာပဲ ခေတ်ပေါ်ကဗျာဟာ ရပ်တန့်သွားတယ်လို့ လည်းမြင်ကြသူတွေ ရှိလာပါတယ်။ အရှိန် အဟုန်နဲ့ ပြန့်ပွားလာပေမယ့် ကဗျာဗေဒအားဖြင့် မြင့်မားလာမှု (တိုးတက်မှု /ဖွံ့ဖြိုးမှု) ပိုင်းမှာ အားနည်းခဲ့တယ်လို့ ထင်ပါတယ်။ အဲဒီမှာ `ဘာဆက်လုပ်ကြမလဲ´ ဆို တဲ့ အတွေးတွေ ပေါ်ပေါက်ခဲ့ကြပါတယ်။ `ဒီအတိုင်းပဲ ဆက်ရေးမယ်´ နဲ့ `ဒီအတိုင်း တော့ မရေးတော့ဘူး ၊ ဒါပေမယ့် ဘယ်လိုဆက်ရမလဲ ၊ ဘယ်လိုပြောင်းရမလဲ´ ဆိုတဲ့ သ ဘောထား ၂ရပ်ကိုလည်း တွေ့ခဲ့ရပါတယ်။ ကဗျာအသစ် ၊ ကဗျာဗေဒအသစ်ကို မိုးကုတ် စက်ဝိုင်းမှာ လှမ်းမျှော် ကြည့်ခဲ့ကြတယ်ပေါ့ဗျာ။

၂.၂။ အဲဒီအချိန်မှာ ပို့စ်မော်ဒန်ဆိုတဲ့ အသုံးအနှုံးကလည်း ရိုက်ခတ်နေပါပြီ။ ဘာမှန်း ဟုတ်တိပတ်တိမသိပဲ ပြောနေခဲ့ကြတာ များပါတယ်။ ဆရာဇော်ဇော်အောင်ဟာ ပို့စ်မော် ဒန်သဘောတရားတွေကို သူစွမ်းသလောက် ရှင်းပြနေခဲ့ပေမယ့် အဲဒါတွေဟာ `သီအိုရီ´ သက်သက်တွေလိုပဲ ဖြစ်နေခဲ့ပါတယ်။ ကဗျာနဲ့ တွဲပြောရရင်တော့ ပိုစ်မော်ဒန်ကဗျာ Postmodern Poetry ဆိုတာ ဘာကိုခေါ်တာလဲ ၊ ဘယ်လိုအမျိုးအစားလဲ ဆိုတာကို သိချင်နေခဲ့ကြပါတယ်။ အဲဒီတုန်းက ဆရာဇော်ဇော်အောင် ထုတ်ပြခဲ့တဲ့ တာရာမင်းဝေ (ကောင်းရာ သုဂတိလားပါစေ) နဲ့ မင်းခိုက်စိုးစံတို့ဟာ `စံပြ´ (သဖွယ်) ဖြစ်ခဲ့ကြသလို ဆရာမောင်သာနိုးကလည်း ကဗျာစာအုပ် အမှာစာတစ်ခုခုမှာ (လား ? ကျွန်တော် အမှတ်မှားရင်ပြင်ပေးပါ) အောင်ဘညိုနဲ့ အခြားခေတ်ပေါ်ကဗျာ ဆရာအချို့ကို ပို့စ်မော် ဒန်ကဗျာဆရာတွေလို့ ရေးသားခဲ့ပါတယ်။ ဆိုလိုတာက ၊ ပို့စ်မော်ဒန် ကဗျာဆိုတာကို သိချင်လာကြပါတယ်။ အဲဒီတုန်းက ဒီကိစ္စကို တစ်ဘက်တစ်လမ်းက ချဉ်းကပ်တဲ့ အနေနဲ့ ရုပ်ရှင်တေးကဗျာမဂ္ဂဇင်းမှာ `ဆိုဗီယက်ခေတ်လွန် ကဗျာ ရှုခင်း´ ဆောင်းပါးတွေ ကျွန် တော် ရေးခဲ့ပါတယ်။ ဆိုဗီယက်အင်ပါယာကြီး ပြိုကွဲသွားပြီးနောက် ရုရှမှာ ပေါ်လာခဲ့တဲ့ ကဗျာ ဂိုဏ်း/ ကျောင်းတော်/ အုပ်စု အမျိုးမျိုးနဲ့သူတို့ရဲ့ ကဗျာတွေ အပါအ၀င် ရှင်းလင်း ချက်တွေနဲ့ ဖေါ်ပြခဲ့ပါတယ်။ အဲဒီ ကဗျာဂိုဏ်းတွေဟာ ရုရှစာပေပညာရှင် မီခါအီးလ် အက်ပ်ရှတိုင်းရဲ့ အလိုအရ ရုရှပို့စ်မော်ဒန် ကဗျာအမျိုးအစားတွေ ဖြစ်တယ် ဆိုတာမှတ် သားခဲ့ရပါတယ်။ ဆက်ပြီး ၊ အမေရိကန် နျူးယောက်ကဗျာ ဂိုဏ်းဝင် ကဗျာဆရာ ဂျွန်အက်ရှဘရီရဲ့ ကဗျာတွေကို ဘာသာ ပြန်ရုံတင် မဟုတ်ပဲ ရှင်းလင်းချက်တွေနဲ့ ဖေါ်ပြ ခဲ့ပါသေးတယ်။ အဲဒီတုန်းက ဒီက ကဗျာဆရာအချို့ဟာ အက်ရှဘရီကိုမထင် မရှားပါမွှား ကဗျာဆရာလို့ ထင်ခဲ့ကြပါတယ်။ ဖတ်ရှုလေ့လာမှုနဲ့ ထိတွေ့မှု အင်မတန် နည်းပါးခဲ့လို့ပဲ ဖြစ်ဟန်တူပါတယ်။ ဆရာ မောင်သာနိုး အိုင်ယိုးဝါး Iowa က ပြန်လာပြီး ဆောင်းပါး တစ် ပုဒ်ထဲမှာ သူကိုယ်တိုင် ကြုံတွေ့ခဲ့ရတဲ့ အက်ရှဘရီရဲ့ ကြီးမားတဲ့ ကျော်ကြားမှုနဲ့ ကဗျာ ဩဇာရှိပုံ အကြောင်းပါရှိမှပဲ အချို့ နည်းနည်း ခေါင်းထောင် လာကြတယ်။ အမေရိကန် ကဗျာလောကမှာ နျူးယောက်ဂိုဏ်း ကဗျာဟာ ပို့စ်မော်ဒန် ကဗျာတွေထဲက တစ်မျိုး တစ်စား ဖြစ်တယ်ဆိုတာ Paul Hoover တည်းဖြတ်တဲ့ Norton Anthology of Postmodern American Poetry (1994) မှာ အတိအလင်း ဖေါ်ပြပါတယ်။ ရုရှပို့စ် မော်ဒန်ကဗျာတွေနဲ့ အက်ရှဘရီရဲ့ ပို့စ်မော်ဒန်ကဗျာတွေကို ထိတွေ့ဖတ်ရှုမြည်းစမ်းပြီး ယူချင်ရာ ၊ ယူတတ်ရာ ၊ ယူဖို့ ဘာသာပြန် ရေးသားခဲ့တာ တွေဖြစ်ပါတယ်။ ထူးခြားတာ တစ်ခုကတော့ ရုရှပို့စ်မော်ဒန် ကဗျာဆရာအချို့ကို အင်တာဗျူးတစ်ခုမှာ အမေရိကန်က ဘယ် ကဗျာမျိုးတွေ ကြိုက်သလဲလို့ မေးတော့ Language Poetry လို့ မဆိုင်းမတွ ဖြေကြားခဲ့ကြပါတယ်။ LP ကို သူတို့ ဘယ်လိုနဲ့ ဘာကြောင့် ကြိုက်ကြောင်းနဲ့ သူတို့ရဲ့ ကဗျာအမြင် ၊ ကဗျာရေးခြင်းပေါ် ဘယ်လို လွှမ်းမိုးခဲ့ကြောင်း ပြောခဲ့ကြပါတယ်။ အက်ရှ ဘရီကို အဆုံးစွန်ဆက်တိုက် လေ့လာလိုက်တော့ LP ဆီပဲ ရောက်သွားပါတယ်။ အဲသလိုနဲ့ LPကို ကျွန်တော် တော်တော် စိတ်ဝင်စားခဲ့ပြီး ၂၀၀၃ လောက်ကနေ ကြို့ကြားရေးခဲ့တဲ့ ဆောင်းပါးတွေဟာ ၂၀၀၅မှာပဲ စာအုပ်အဖြစ် ထွက်ရှိလာခဲ့တာ ဖြစ်ပါတယ်။ ဒါဟာ မြန်မာ ကဗျာ လောကမှာ ပို့စ်မော်ဒန်ကဗျာတွေဟာ ဘယ်လို ရှိတယ်ဆိုတာ ချပြလိုက်ခြင်းပဲ ဖြစ်ပါတယ်။ အဲဒီမှာ ကျွန်တော့်အတွက် ရန်အတော် များခဲ့ပါတယ်။ ကျွန်တော့် က ဗျာ`မိတ်´တွေထဲက ကျွန်တော့်ကဗျာ`ရန်´တွေဘက် ပါသွားခဲ့တာလည်း ရှိပါတယ်။ ဒီကိစ္စတွေဟာ ဖတ်သူတို့ သိကြပြီးသားတွေမို့ ထပ်ပြော မနေချင်တော့ပါဘူး။ ခင်အောင် အေး ပြောခဲ့တဲ့စကား တစ်ခွန်းကို ပြန်ဖေါက်သည်ချရုံနဲ့ လုံလောက်မယ်ထင်ပါတယ်။ `ခေတ်ပေါ်ကဗျာနဲ့ ဆက်မသွားချင်တော့ပေမယ့် LP ကိုလည်း လက်မခံနိုင်ဘူး´တဲ့။ နောက်ပိုင်းမှာ`နီယိုမော်ဒန်´လို့ အမည်ထွက်လာတဲ့ လေသံပါပဲ။ `ပို့စ်မော်ဒန် တော့ ကြိုက်တယ် ၊ LP တော့ မကြိုက် ဘူး´ ဆိုတာမျိုးတွေလည်း ပါတာပေါ့။

၂.၃။  အဲဒီကာလတုန်းက ခေတ်ပေါ်ကဗျာရဲ့ အနေအထားကို ပြန်သွားရရင် အထက်မှာ ပြောခဲ့သလိုပါပဲ ၊ ခေတ်ပေါ်ကဗျာဟာ ပင်မရေစီး Mainstream ကဗျာနေရာနဲ့ အဆင့်ကို ထိုက်ထိုက်တန်တန်ပဲ ရောက်ရှိလာခဲ့တာ ဖြစ်ပါတယ်။ ဒါပေမယ့် ကဗျာ ဗေဒဆိုင်ရာ ၊ နည်းဗေဒဆိုင်ရာ ပံ့ပိုးမှုတွေ ၊ ဖြည့်စွက်မှုတွေ ၊ ချဲ့ထွင်မှုတွေ တော်တော် အားနည်းပါ တယ်။ ယူစရာ စံပုံစံ Model ဆိုလို့ကလည်း`သူ့ဟာ ကိုယ့်ဟာ ကြည့်ရေး´ တွေပဲ ရှိခဲ့ပါတယ်။ အပြစ် ပြောတာ မဟုတ်ပါဘူး။ အဖြစ် ပြောတာပါ။ အဲဒီ ကာလရဲ့ ခေတ် အနေအထားကလည်း ရှိပြန်သေးတာကိုး။ အခုလို အင်တာနက် ကျယ်ကျယ် ပြန့်ပြန့် မရှိ သေးဘူး။ ကဗျာ အနုပညာဆိုင်ရာ အရေးအသားတွေ ၊ အတွေးအမြင်တွေ နှံ့နှံ့စပ်စပ် မရှိ သေးဘူး။ ရင်ဘတ်နဲ့ တင်းခံနေခဲ့ ကြတာ။ ခံစားမှုရှိရင် ကဗျာရေးလို့ရတယ်။ `ခေတ်ပေါ် အာရုံခံစားမှု´ နဲ့ကဗျာရေးကြတယ်။ အဲဒီ `ခေတ်ပေါ် အာရုံခံစားမှု´ ဆိုတဲ့ စကားစ ပြောခဲ့သူ တီ ၊ အက်စ် ၊ အဲလိယစ်တ်ရဲ့ Modern Sensibility နဲ့ ဘယ်လိုပတ်သက်လဲ ၊ ဘယ်လို ခြားနားလဲဆိုတာလည်း စာနဲ့ပေနဲ့ တိတိကျကျ မရှိခဲ့ဘူး။ မူလ Modernism က လာတဲ့ အသုံးအနှုံးဟာ Romantic – Realism အရောင်တွေ လွှမ်းသွားတယ်။ `မော် ဒန်´ဖြစ်ရေးထက် `ခေတ်ပေါ်´ဖြစ်ရေးက ပိုအရေးကြီးလာတယ်။ တကယ်လည်း အရေး ကြီးခဲ့ပါတယ်။ ခေတ်သမိုင်းရဲ့ အရိပ်ကြီးက ဧကန်မုချရှိနေတာကိုး။ ဒါပေမယ့် ၊ လွဲတာက ၊`ခေတ်ပေါ်´ကဗျာဆိုတာ ကဗျာအနုပညာမှာ ကဗျာအမျိုးအစား တွေထဲက တစ်မျိုးသာ ဖြစ်တယ်ဆိုတာကို မျက်ကွယ်ပြုခြင်းပဲ။ တကယ်တော့ ´ခေတ်ပေါ်´ ကဗျာဟာ ရေးသူရဲ့ ခံစားမှုဗဟိုပြု လစ်ရစ်က် Lyric ကဗျာပုံစံ အမျိုးအစား ဖြစ်ပါတယ်။ လစ်ရစ်က်ကဗျာမှ သာလျှင် ကဗျာဖြစ်တာ မဟုတ်ပါဘူး။ ဟိုက္ကုလည်း ကဗျာပဲ။ လေးချိုးလည်း ကဗျာပဲ။ ခေတ်စမ်းလည်း ကဗျာပဲ။ အဲဒီမှာ `ခေတ်ပေါ်´ ကဗျာဟာ ကဗျာပေါ် လက်ဝါးကြီး အုပ် တာမျိုး၊ ကြီးစိုး လွှမ်းမိုးလာတာမျိုး ဖြစ်လာနေတာကို ကျွန်တော့်စိတ်ထဲ တစ်မျိုး ဖြစ်ခဲ့ရပါ တယ်။ `ခေတ်ပေါ်ကဗျာမှ ကဗျာ´ ဆိုတဲ့ သိမ်းကြုံး သိမ်းပိုက် အာဏာ ပါဝါ ထူထောင် တာမျိုးကြီးကို အရသာ မတွေ့ခဲ့တာ အမှန်ပါပဲ။ Authoritarian ဆန်တယ်လို့ မြင်လာခဲ့ပါ တယ်။ ကဗျာအနုပညာ နယ်ပယ် အကျယ်အ၀န်းကြီးကိုလည်း တစ်ချက်ခုတ် ဖြတ်လိုက် သလိုပဲ။ ပြီးတော့ ၊ ထင်ပေါ်ကျော်ကြား ဩဇာတိက္ကမရှိတဲ့ ကဗျာဆရာကြီးတွေရဲ့ ထောက်ခံချက်ပါမှ ကဗျာအဖြစ် သတ်မှတ်ခံရမလိုတွေလည်း ရှိခဲ့ပါတယ်။ လူပုဂ္ဂိုလ်ချင်း အထက်အောက် ဖိစီးမှုဒဏ်ကိုလည်း လူငယ်ကဗျာဆရာတွေ မခံနိုင်တော့တာ တွေလည်း ကြုံခဲ့ရပါတယ်။ အဲဒီမှာ ၊ `ပို့စ် ခေတ်ပေါ်ကဗျာ´ ဆိုတဲ့ စာတမ်းကို ကိုချော အမှတ်တရပွဲ (၂၀၀၄ ထင်ပါတယ်) မှာ ကျွန်တော် ဖတ်ကြားခဲ့ပါတယ်။ အဲဒီ `ပို့စ်ခေတ်ပေါ်´ ကဗျာဟာ ပို့စ်မော်ဒန်ကဗျာ ပေါ်ပေါက်ရေးအတွက် ကြိုးစားကြည့်ခဲ့တာ ဖြစ်ပါတယ်။ အဲဒါဟာ

ကျွန်တော့်အတွက် LP ကိုဆက်သွားတဲ့ လမ်းကြောင်းတစ်ခုပါ။

၂.၄။ ကဗျာအမျိုးအစား အမျိုးမျိုး ရှိတယ်ဆိုတာကို တိတိကျကျ ထုတ်ပြရရင် ဦးဖေ မောင်တင်ရဲ့ `မြန်မာစာပေသမိုင်း´ (၁၉၅၈) စာအုပ်ရှိပါတယ်။ နိုင်ငံတကာကဗျာနဲ့ ဆိုရင် တော့၂၀၀၃မှာတုန်းက ကိုမိုးဝေးကျေးဇူးနဲ့ လက်ဆောင်ရရှိတဲ့ Poems for the Millennium (1998) စာအုပ်ထူကြီးဟာ ကျွန်တော့်အတွက် အခိုင်အမာ သက်သေပါပဲ။ Jerome Rothenburg နဲ့ Pierre Jonis တို့တည်းဖြတ်တဲ့စာအုပ်ပါ။ ဒါတောင် ကျွန်တော် လက်ဆောင်ရရှိတဲ့ စာအုပ်ဟာ ဒုတိယတွဲ Volume Two ပဲ ဖြစ်ပါတယ်။ From Postwar to Millennium ဖြစ်ပါတယ်။ ဒီစာအုပ်ထုတ်ဝေတာ University of California, San Diego ရဲ့ Archive for New Poetry `ကဗျာသစ်အတွက် မော်ကွန်းတိုက်´ နဲ့ ပူးပေါင်းခဲ့ တာလို့ ပါရှိပါတယ်။ ဒီစာအုပ်ထဲမှာ တွေ့ရှိခဲ့တာက High Modernism ကဗျာတွေ ၊ အမေ ရိကန် Objectivist ကဗျာတွေ ၊ အမေရိကန် Black Mountain ကဗျာတွေ ၊ Vienna Group ၊ COBRA ၊ New York School ၊ Beat ၊ ဗြိတိသျှ Cambridge ၊ Concrete Poetry နဲ့ LANGUAGE Poetry တွေအပြင် အာရပ်ကဗျာလောက က Tammuzi Poets ၊ ဂျပန်က Postwar Japanese Poets ၊ တရုတ်က Misty Poets တွေလည်း ပါရှိပါတယ်။ အဆုံး မှာတော့ Cyberpoetics ပေါ့။ ကဗျာအမျိုးအစား တစ်ခုစီကိုက ကဗျာဗေဒ (အမြင် ၊ သ ဘောတရား ၊ နည်းစနစ် ) တစ်ခုစီအဖြစ် တည်ရှိနေတာ တွေ့ရပါတယ်။ နောက်ပိုင်းမှာ အခေါ်အဝေါ် အားဖြင့်ထွန်းကားလာတဲ့ Contemporary Poetics `ကွန်တမ်ပိုရာရီ ကဗျာ ဗေဒ´ရဲ့ နောက်ခံ သဘောတရားတွေ တော်တော်ပါရှိ ပါတယ်။ ဒီ Contemporary Poetics (CP) နောက်ပြန်လိုက်ရင်းနဲ့ LP ရဲ့ကြီးမားတဲ့ အခန်းကဏ္ဍကို သွားပြန်တွေ့ရ ပြန်ပါတယ်။ ဒါကလည်း Post – Structuralism (PS) ရဲ့ theory တွေကြောင့် ဖြစ် တယ်ဆိုတော့ PSကို အချိန်နဲ့ လက်လှမ်းမီသလောက် (ပြန်) စူးစမ်း လေ့လာ စဉ်းစားမှု တွေ (ထပ်) ပြုခဲ့ရပါတယ်။ ပြုနေရဆဲပါ။ (ဒီ PS အပိုင်းကို ကိုမင်းခက်ရဲ တော်တော်လေး တင်ပြ ဆွေးနွေးခဲ့တာတွေ ရှိပါတယ်။ ကျေးဇူးတင်ရပါတယ်။ တင်ထိုက်ပါတယ်)။ ခြုံပြော ရရင် ကဗျာအနုပညာ ရဲ့ diversity ထွေပြား ခြားနားကြတဲ့ အမျိုးမျိုး အဖုံဖုံသော ကဗျာ တွေ ရှိနေကြတယ် ဆိုတာပါပဲ။ ကျွန်တော်တို့ဆီမှာ အဲဒီတုန်းက ခေတ်ပေါ်ကဗျာ ပဲရှိခဲ့ပြီး ခေတ်ပေါ်ကဗျာမှ ကဗျာဆိုတဲ့ အစွန်းရောက် အယူအဆတွေရှိခဲ့တာကို ကျွန်တော် နည်း နည်းပါးပါး ဖြစ်ဖြစ်တွန်းလှန် ကြည့်ခဲ့တာပါ။ ရှိရင်းစွဲ မြန်မာကဗျာလောကကို ချဲ့ထွင်ဖို့ တီးခေါက် ကြည့်ခဲ့တာပါ။ ခေတ်ပေါ်ကဗျာကို အလဲထိုးပြီး မြန်မာ ကဗျာလောကသရဖူကို အနိုင်ယူသိမ်းပိုက်ဖို့ဆိုတာမျိုးကို လုံးလုံးလျားလျားနဲ့ ခါးခါးသီးသီးဆန့်ကျင်ခဲ့ပါတယ်။ ဆန့်ကျင်ဆဲ ပါပဲ။ ကဗျာအမျိုးအစား တစ်မျိုးကနေ တစ်မျိုး အဆင့်ဆင့် တိုးတက် ပြောင်း လဲမှု ဖြစ်စဉ်ထက် ပူးတွဲတည်ရှိရေးမူကို ကျွန်တော် ပိုလက်ခံပါတယ်။ လောကကြီးကို အထက်အောက်ဖိစီးမှုနဲ့ တစ်မျိုးတစ်စားတည်း ဖြစ်အောင် ပြဌာန်း ထိမ်းချုပ် ရမယ်ဆိုတဲ့ ကဗျာဆရာကြီး အချို့ရဲ့ အမြင်ဟောင်းတွေကို ကျွန်တော် ဆန့်ကျင်ကြောင်းပါ။ အဲဒီ တုန်းက `ကဗျာအကျိုးသယ်ပိုးခြင်း´ လို့ ကျွန်တော် ပြောခဲ့ရပါတယ်။ `ခေတ်ပေါ်´ ကဗျာ အကျိုး ၊ LP အကျိုးရယ်လို့ မဟုတ်ခဲ့ပါဘူး။ အခုလည်း မဟုတ်ပါဘူး။

၃။

LP ကို ကျွန်တော် စရင်းနှီးကာစက မကြိုက်ခဲ့ပါဘူး။ အဲဒီတုန်းက ကျွန်တော့် ခေတ်ပေါ်ကဗျာ အခံကလည်း ထုထည်ကြီးကြီး မားမားနဲ့ ရှိခဲ့တာက တစ်ကြောင်း ၊ LP ကဗျာတွေကို စာမျက်နှာ ပေါ်မှာပဲ တွေ့ရပြီး နောက်ခံ သဘောတရားကိစ္စတွေ ဟုတ်တိ ပတ်တိ မသိခဲ့တာက တစ် ကြောင်း ၊ ကိုယ်နဲ့ ပိုနီးစပ်နိုင်တဲ့ အက်ရှဘရီကို ကြိုက်နေတာက နောက်တစ်ကြောင်းပေါ့။ နောက်ပိုင်းမှာ Post-Stucturalist theory တွေနဲ့ ရင်းနှီးလာတော့မှပဲ LP ကို ကျွန်တော် လက်ခံ လာ နိုင်ခဲ့ပါတယ်။ အထူးသဖြင့် ဘာသာစကားနဲ့ ဆိုင်တဲ့ အယူအဆတွေ ၊ မိမိအတ္တ အပါအ၀င် အိုင်ဒင်တတီ တည်ဆောက်မှုနဲ့ ဆိုင်တဲ့ အယူအဆတွေ ၊ စာသားပြုလုပ်မှုနဲ့ ဘာသာစကား နယ် ပယ်များ တည်ဆောက်မှု ကိစ္စတွေ ၊ အင်စတီကျူးရှင်း လုပ်ထားတဲ့ လူမှုနယ်ပယ်တွေမှာ ဘာ သာစကား သုံးစွဲမှုဆိုင်ရာ အာဏာပါဝါ ထူထောင်ထားရှိမှုတွေ အဓိကပေါ့။ ပြီးတော့ ဘာသာ စကားကို ဘာသာဗေဒစနစ်နဲ့ ဆက်သွယ်မှု ကြားခံ ၊ စတဲ့ သာမန်အသိထက် လေ့လာမှု ရှိသ လောက် ဘာသာစကားရဲ့ တန်ခိုး အာနိသင်တွေကို တွေ့လာခဲ့ရပါတယ်။ ဘာသာစကားနဲ့ အဓိပ္ပါယ် တည်ဆောက်မှုစနစ် ၊ ဘာသာစကားနဲ့ ယဉ်ကျေးမှု ထုတ်လုပ်ရေး ၊ ဘာသာစကားနဲ့ ဒဿနိက ၊ ဘာသာစကားနဲ့ ယုံကြည်မှု/အယူဝါဒ ၊ ဘာသာစကားနဲ့ မသိစိတ် ၊ text နဲ့ discourse ၊ deconstruction နဲ့ Constructivism ၊ နောက်ပိုင်း ယဉ်ကျေးမှုသီအိုရီ/ လေ့လာ ချက်များ။ မွေးဖွားတာကအစ ၊ သေဆုံးတဲ့အထိ ဘာသာစကားနဲ့ ကင်းလွတ်လို့ မရဘူး ဆိုတဲ့ အခြေခံ အမြင်ပါပဲ။ ကိုယ်တိုင်သဘော ပေါက်စိမ့်ဝင်ပြီး ကြိုက်လာတတ်တော့မှပဲ ကိုယ့်ကိုကိုယ် ယုံကြည်မှုနဲ့ LP ကဗျာတွေ ကြိုးစားစမ်းသပ် ရေးသားရင်းနဲ့ ကဗျာစာအုပ်တွေ ထွက်ခဲ့တာပါ။ ကဗျာဖတ် ပရိသတ်ရှေ့မှောက်မှာ မှတ်ကျောက် တင်ခံရဲတဲ့ သဘောကိုပြောတာပါ။ အဲဒီတော့ ဇေယျာလင်းဟာ LP (၀ါ) ဘာသာစကား ကဗျာဆရာလား ဆိုတဲ့ မေးခွန်းက ပေါ်လာတော့ တယ်။ ဆက်စပ်ပြီး ထွက်လာတဲ့ စကားတွေထဲမှာ ဇေယျာလင်းရေးပြတဲ့ ကဗျာတွေဟာ LP ကဗျာစစ် ၊ မစစ် ၊ ဟုတ် ၊ မဟုတ်ပေါ့။ အဲဒီတုန်းက အဲဒီစကားတွေကို ကျွန်တော်ဘာမှ မဖြေ ရှင်းခဲ့ပါဘူး။ မလိုဘူးလို့ ထင်တာရယ် ၊ ရှိစုမဲ့စုအချိန်လေး ထဲမှာ အခြား ကိစ္စတွေဟာ အမြဲပို အရေးကြီး နေတာရယ်ကြောင့်ပါပဲ။ အခု ကျွန်တော့်ကိုကျွန်တော် ပြန်မေးတဲ့အခါ ကိုယ့်ကို ကိုယ်ပဲ ဖြေစရာ အကြောင်း ၃ခု ထွက်လာပါတယ်။ ၁။ LP ကဗျာဆိုတာဘာလဲ ။ ၂။ ကျွန်တော် ရေးတာတွေ အားလုံးဟာ LP ကဗျာ တွေလား ။ နဲ့ ၃။ ကျွန်တော်ဘာတွေရေးခဲ့တယ်ဆိုတာပါပဲ။

၃.၁ ။

LP ကဗျာဆိုတာ ဘာလဲဆိုတဲ့ ကိစ္စကိုတော့ ကျွန်တော် တော်တော်လေး ရှင်းခဲ့ပြီးပါပြီ။ `LANGUAGE Poetry နှင့် အခြားကဗျာဗေဒများ´ (၂၀၀၅) ၊ `ကဗျာဘ၀ ရှာတော်ပုံ´ (၂၀၀၉) ၊ နဲ့ `ချားလ်စ်ဘန်းစတိုင်းန် အင်တာဗျူး/ အရေးအသားများ´ (၂၀၀၉)စာအုပ် ၃ အုပ်မှာ စုစုစည်း စည်းလေး တင်ပြခဲ့ပါတယ်။ ဒါပေမယ့် ၊ ခက်တာက အမေရိကန် မှာတင် LP ကဗျာ စပေါ်လာတဲ့ ၁၉၇၁ ကနေ ဒီနေ့ ၂၀၁၁ ဇန္န၀ါရီအထိ ပြောလို့မဆုံးသေးဘူး ဆိုတာ internet မှာ ၀င်ကြည့် လို့ရပါတယ်။ အခု ၂၁ရာစုရဲ့ ပထမဆယ်စုနှစ်မှာ အမေရိကန် မှာ ပေါ်လာတဲ့ Flarf Poetry ၊ Conceptual Poetry ၊ Elliptical Poetry ၊ New American Hybrid စတဲ့ ကဗျာသစ်တွေ အကြောင်း ဖတ်ကြည့်ရင် ဘယ်ဟာမှ LP နဲ့ ကင်းတာမရှိပါဘူး ။ သူတို့ဆီမှာတင် ဆောင်းပါး တစ်ပုဒ် ၊ စာတမ်းတစ်စောင် ၊ စာအုပ်တစ်အုပ်နဲ့ရှင်းလို့ မပြီးနိုင်အောင် ကျယ်ပြန့် နက်ရှိုင်းတဲ့ သဘော ရှိပါတယ်။ အလုပ် သဘောနဲ့ ပြောရရင် LP ဆိုတာကို အမေရိကန် LP (၀ါ) Language Writing ဆရာ/ဆရာမတွေပြောတာကိုပဲယူရမှာဖြစ်ပါတယ်။

၁။ “LP ကို အဓိပ္ပါယ် ဖွင့်ဆိုချက် တစ်ခုတည်းနဲ့ လုံလုံလောက်လောက် ဖွင့်ဆို သတ် မှတ်လို့ မရလောက်ပါဘူး။ . . . သူတို့ မှာ တူတာဆိုလို့ ဘာသာစကားကို foreground လုပ်တာပဲ ရှိပါတယ်။ သူတို့အတွက် ဘာသာစကားဆိုတာ အတွေ့အကြုံကို ဘာသာ ပြန်တာသော်၎င်း ရှင်းပြတာသော်၎င်း မဟုတ်ပဲ ဘာသာစကားဟာ အတွေ့အကြုံ (၀ါ) တွေ့ကြုံခံစားမှုရဲ့ မူလအရင်း အမြစ်ကိုယ်တိုင်ပဲ ဖြစ်ပါတယ်။ ဘာသာစကား ကိုယ်တိုင် ဟာ အာရုံခံစားမှု၊ ဘာသာစကား ကိုယ်တိုင်ဟာ တွေးခေါ်သိမြင်မှု ဖြစ်ပါတယ်။ . . . ဘာ သာစကားဟာ သိမှုရဲ့ကြားခံ Medium တင်မကပဲ သိမှု တည်ဆောက်မှုထဲမှာ ပါဝင် ဖွဲ့စည်းနေတာ ဖြစ်တယ်။ . . . ဒီကဗျာပေါင်းချုပ်လေးဟာ LP ကဗျာရဲ့ထွေပြား ခြားနား မှုနဲ့ အရည်အသွေး တန်ဘိုးအားလုံးကို မဖေါ်ပြနိုင်ပါဘူး´´။ (Douglas Messerli တည်း ဖြတ်တဲ့ “LANGUAGE´´ Poetries : An Anthology (1987) ကဗျာပေါင်းချုပ်ပါ အမှာ စာမှ)

၂။ “LP . . . ဟာ တွေ့ကြုံခံစားမှုကို ဗဟိုပြုတဲ့ ကဗျာအမျိုးအစား ကနေ ဘာသာ စကားကို ဗဟိုပြုတဲ့ ကဗျာအမျိုးအစားဘက် လှည့်လိုက်တာ ဖြစ်တယ်။ . . . LP ဟာ ဘာသာ စကားသုံးနယ်ပယ်အမျိုးမျိုးရဲ့ ဖွဲ့စည်း တည်ဆောက်ပုံနဲ့ ကဗျာဗေဒကို အထူး အာရုံပြုတယ်။ . . . Expressivism (တွေ့ကြုံခံစားမှု) ဖွင့်ဟ ဖေါ်ထုတ်ခြင်းကို တုန့်ပြန်တဲ့ အနေနဲ့ ပုံသဏ္ဍာန် အသစ်တွေ တီထွင် သုံးစွဲလာတယ်။ စကားပြေ ပုံသဏ္ဍာန်သစ် ၊ စု ပေါင်းဖွဲ့စပ်ခြင်း ၊ နည်းစနစ်တစ်ခုခုကို သုံးစွဲခြင်း ၊ ကော်လာဂ်ျ ပြုလုပ်ခြင်း ၊ တစ်ကြောင်း နဲ့ တစ်ကြောင်း အဆက်အစပ်မဲ့ခြင်း ၊ စကားသံတစ်ခုမက ထည့်သွင်းသုံးစွဲခြင်း ၊ ရုရှ ပုံသဏ္ဍာန်ဝါဒရဲ့ `ဆန်းအောင် လုပ်ခြင်း´ အပါအ၀င် ဖြစ်တယ်။ ဒီနည်းတွေသုံးခြင်းဟာ လစ်ရစ်က်ကဗျာရဲ့ `I/ငါ´နဲ့ လစ်ရစ်က်ကဗျာထဲက ပြောနေတဲ့အသံ Voice တို့ကို တမင် ဖျက်ခြင်း ဖြစ်တယ်။ ( ဒီလို ဖျက်ကြ တာဟာလည်း Post – Structuralism ရဲ့ Subject နဲ့ Subjectivity အမြင်/အယူအဆ/ theory တွေ ကြောင့်ပဲဖြစ်ပါတယ်။). . . LP မှာသုံးတဲ့ ဘာသာစကား အသုံးအနှုံးတွေ ၊ `ဆန်းအောင်လုပ်ခြင်း´ တွေဟာ အဓိပ္ပါယ် ရဲ့ လူမှု အခြေခံကို ဝေဖန်ချင်လို့ ဖြစ်တယ်။ ဆိုလိုတာက သုံးဖန်များလာလို့ Sign တွေဟာ ဘယ် အတိုင်းအတာအထိ ဆက်စပ် ၀န်းကျင် တစ်ခုမဟုတ်တစ်ခုနဲ့ပဲ ပတ်သက်တော့တယ် ဆိုတာကို စူးစမ်းဖို့ဖြစ်တယ်။ . . . ဆင်ခြင်တုံတရား (စိတ်)ရဲ့ ရုပ်ဒြပ် ပုံသဏ္ဍာန် ဖေါ် ဆောင်မှုဟာ LP ရဲ့ မိုးကုတ်စက်ဝိုင်း ဖြစ်တယ်။´´

(Jerome Rothenburg နဲ့ Pierre Jorris တို့ တည်းဖြတ်တဲ့ `Poems For the Millennium ´ (1998) မှ)

၃။ “LP သမားတွေမှာ ကဗျာဗေဒနဲ့ ပတ်သက်လို့ အများပြည်သူ ရှေ့မှောက်မှာ ချပြပြီး ဆွေးနွေး ပြောဆိုလိုတဲ့ ဆန္ဒတွေ ဖြစ်လာတယ်။ အဲသလို ဆွေးနွေး ပြောဆိုကြဖို့ အတွက် ဘာအကြောင်းအရာတွေ ချပြရမလဲ။ အဲဒီ အကြောင်းအရာတွေ ပေါ်မှာ တူညီမှု ရှိကြ တယ်။ . . . ပကတိ အရှိတရားရဲ့ သဘော သဘာဝ။ တသီးပုဂ္ဂလ လူသားရဲ့ သဘော သဘာဝ။ ပကတိ အရှိတရားနဲ့ တသီးပုဂ္ဂလ လူသားတို့ကို ပါဝင်ဖွဲ့စည်းတဲ့ ဘာသာ စကားရဲ့ အခန်းကဏ္ဍ။ အဓိပ္ပါယ်ရဲ့ သဘော သဘာဝ။ ဘာသာစကားရဲ့ရုပ်ဒြပ်။ စာပေ အနုပညာရဲ့ ပုံစံနဲ့ တန်ဘိုး။ နည်းစနစ်ရဲ့ လုပ်ငန်း ဆောင်တာနဲ့ အခန်း ကဏ္ဍ။ ရေးသူနဲ့ ဖတ်သူ ဆက်ဆံရေး။ . . . ဒါတွေကို လျော့တွက်လို့မရဘူး။´´

(Ron Silliman တည်းဖြစ်တဲ့ ` In the American Tree ´: LANGUAGE, Realism, Poetry (1986) မှ)

၎။ “LP ဟာ Post – structuralist တွေရဲ့ မိမိအတ္တ self ပေါ်ထားရှိတဲ့ အမြင်ကို လက်ခံ တယ်။ ဒီ Self ဆိုတဲ့ မိမိအတ္တဟာ တစ်ခုမက ဖြစ်တယ်။ ရွေ့နေတယ် ၊ ရှေ့နောက်မညီပဲ ဆန့်ကျင်တဲ့ သဘောလည်း ဆောင်တယ် ၊ ဘာသာ စကားနဲ့ discourse ရဲ့ အကျိုး သက်ရောက်မှုကို ခံရတယ်။ LP ဟာခေတ်ပြိုင် subject (လူမှုကတ္တား/` I´) ရဲ့ စေ့စပ်လို့ မရတဲ့ ၊ အစဉ်ပိုင်းဆ ကွဲထွက်နေတဲ့ သိစိတ်ကို နေ့စဉ်သုံး ဘာသာစကားရဲ့ ဖန်တရာ တေမှုနဲ့ပဲ ဖေါ်ပြဖို့ ကြိုးစားတယ်။ ဒါဟာ LPရဲ့ (hyper) realism သစ်ဖြစ်တယ်။ LP ဟာ ရေးသားခြင်း/ အရေးအသားကို ဝေဖန်ပိုင်းခြားမှု ပါဝင် ဖြစ်ပေါ်စေတဲ့ ဖြစ်စဉ်လို့ သဘော ထားတယ်။ အချောသပ် ပစ္စည်းလို့ သဘောမထားဘူး။ LP ဟာ ဖတ်သူရဲ့ ပူးပေါင်း ပါဝင်မှုကို ဖိတ်ခေါ်တယ်။ ဖတ်သူရဲ့ အဓိပ္ပါယ် ပြုလုပ်မှုကို အားပေး တိုက်တွန်းတယ်။ . . ဒီနည်းတွေနဲ့ ဖတ်သူကို လူ့အဖွဲ့အစည်းထဲ ပါဝါနဲ့ ခွင့်ပြု/ ပိတ်ပင် ထားတာတွေကို သိမြင် စေတယ်။´´

(Bob Perelman ရဲ့ `Language Writing and Literary History ´ (1996) မှ)

၅။ “Language writing (poetry) ဟာ ကဗျာအရေးအသား တစ်မျိုးတည်းကို ဆိုလို တာမဟုတ်ပဲ နယ်ပယ်အပိုင်း အခြားတစ်ခု အတွင်းမှာရှိတဲ့ အမျိုးမျိုးသော အရေးအသား တွေ ဖြစ်တယ်။ ဒီအရေးအသားတွေဟာ (ရံဖန်ရံခါ) တစ်ခုခုကို တိတိကျကျ မရည်ညွှန်း ဘူး ၊ (တစ်ခါတစ်လေ) ၀ါကျအထား အသိုအမျိုးမျိုးကို သုံးစွဲတယ် ၊(တစ်ခါတစ်ရံ) နည်းစနစ် တစ်ခုခုကို တိတိကျကျ ချမှတ်ပြီး ဖွဲ့စည်း တည်ဆောက်တယ် ၊ (များသော အားဖြင့်) နိုင်ငံရေးအယူဝါဒကို ယုံကြည်လက်ခံတယ် ၊ (အချို့နေရာတွေမှာ) သီအိုရီ ဘက် တိမ်းတယ် ၊ (အချို့ကိစ္စတွေမှာ) စာပေအနုပညာထဲက `I/ ငါ´ ကိုဝေဖန်တယ်။´´ (Bob Perelman ရဲ့ အထက်ပါအက်ဆေးမှ)

၃.၂

ကျွန်တော်ရေးခဲ့တဲ့ ကဗျာအားလုံးဟာ LPကဗျာတွေပဲလား ဆိုတာ ပြောရ ခက်ပါလိမ့်မယ်။ အထက်က အပိုင်း ၃.၁ မှာ ပြောခဲ့သလိုပါပဲ။ LP ကဗျာဟာ ကျယ်ပြန့်ပြီး LP ကဗျာရဲ့ နည်း စနစ်တွေ ၊ နည်းပညာတွေ ဟာလည်း အမျိုးမျိုး အစားစားရှိတော့ ကျွန်တော့် ကဗျာ တွေဟာ LP ဟုတ်မဟုတ် ၊ စစ်မစစ် ဘယ်ပေတံနဲ့ တိုင်းမလဲ။ ကျွန်တော်ဟာ LPကို တွေ့ရှိပြီး ရင်းနှီး အောင် ချဉ်းကပ်ကြည့်တဲ့အခါ ကျွန်တော့်သိမှုအခံနဲ့ ကဗျာဆိုင်ရာ အကြိုက်အခံတို့ကို ပစ်ပယ် လို့ မရခဲ့ပါဘူး။ အဲဒီမှာ ကျွန်တော် နားလည်လို့လည်း ကြိုက်တဲ့ LP သမားတွေဟာ Charles Bernstein ၊ Bob Perelman ၊ Ron Silliman ၊ Barrett Watten နဲ့ Lynn Hejinian တို့ ဖြစ်ပါတယ်။ သူတို့ လုပ်နေတာကို ကျွန်တော် နားလည် ခံစားလို့ရတယ်။ ဒါပေမယ့် သူတို့ ရေး သမျှအားလုံးကို ကျွန်တော် နားလည်တယ် ၊ ကြိုက်တယ်လို့ မဟုတ်ပါဘူး။ အခြား LP ကဗျာ သမားတွေ ( Silliman ရဲ့ ပေါင်းချုပ်ထဲမှာ စုစုပေါင်း ၄၀ ၊ Messerli ရဲ့ ပေါင်းချုပ်မှာ စုစုပေါင်း ၂၀) ကို ကျွန်တော် အကြိုက်မတွေ့ပါဘူး။

ဘယ်ကဗျာရေးသူမဆို ကျင့်သားမရခင် Model ယူရတာချည့်ပဲဖြစ်ပါတယ်။ ဒီ Model ကိုယူပြီး ရေးကြည့်ပြီး ကိုယ့်ဖါသာကိုယ် ရေးနိုင်တော့မှပဲ ဒီ Model ကို ပုံသဏ္ဍာန် ပြောင်းတာ ဖျက်တာ တွေ ၊ Model အသစ်ရှာတာတွေ ၊ ကိုယ်တိုင်အသစ် စမ်းရေးကြည့်တာတွေ ဖြစ်လာပါတယ်။ ကျွန်တော်ယူတဲ့ Model ကဗျာတွေဟာ Charles Bernstein နဲ့ Bob Perelman တို့ဆီက အဓိက ဖြစ်ပါတယ်။ အခြား တွေဆီက နားလည်သလောက် ယူပြီး ပေါင်းစပ်တာ တွေလည်း ရှိပါတယ်။ LP ကဗျာမှာကိုက LPကဗျာ ရေးနည်းဆိုပြီး နည်းသက်သက် မရှိပါဘူး။ ရည်ရွယ် ချက်နဲ့ စမ်းသပ်မှုကို လိုက်ပြီး နည်းအမျိုးမျိုး ရှိပါတယ်။ အဲဒီလို နည်းအမျိုးမျိုးထဲက ကျွန်တော့် ရှိရင်းစွဲဓါတ်ခံနဲ့ တည့်တဲ့ဟာတွေ ယူသုံးပါတယ်။ ကော်လာ့ဂ်ျ ၊ List poem နဲ့ disjunctive strategies တွေများပါတယ်။ အဲဒါကြောင့်ပဲ ကျွန်တော့် ကဗျာတွေကို LPကဗျာတွေလို့ ခေါ် မလား။ LP ကဗျာစစ်စစ် ထုတ်ပြပါဆိုရင် အမေရိကန် LP ဆရာ/ ဆရာမကြီး တွေတောင် ခေါင်းစား  သွားနိုင်ပါတယ်။ ဒါဟာ LP ကိုတကယ်မသိလို့ ရေးသား ပြောဆိုနေကြတာပဲ ဖြစ်ပါ တယ်။ စံပေတံ တစ်ချောင်းလို တိတိကျကျ သတ်မှတ်ထားတဲ့ ` LP ကဗျာ ဟာဒါမှဒါ´ ဆိုတာ မျိုးမှ မရှိတာပဲ။ ခေတ်ပေါ်ကဗျာ စစ်စစ်ဆိုရင် ဘယ်ဟာက စံညွှန်းအဖြစ် ထားရမလဲ။ မောင်ချောနွယ် ကဗျာတွေထဲက တောင်မှ ဘယ်ကဗျာကမှ ခေတ်ပေါ် ကဗျာစစ်စစ်လို့ ပြောလို့ရ မလဲ။ အဲဒီတော့ အလွန်ဆုံးရှိရင် LP ကဗျာရဲ့ စရိုက် လက္ခဏာတွေကို သိသမျှချရေး ပြီး ကျွန်တော့် ကဗျာတွေကို အဲဒီအချက်အလက် စာရင်းနဲ့ တိုက်ကြည့်စရာပဲ ရှိတော့တယ်။

ဒါပေမယ့် ပြောစရာတစ်ခုကျန်သေးတာက ဇေယျာလင်းဟာ LP ကဗျာဆရာလို့ သတ်မှတ် ကြ တဲ့ ကဗျာဆရာအပြင် ဘာသာပြန်ကဗျာဆရာနဲ့ ကဗျာဗေဒ ဆိုင်ရာအသိအမြင်များ ဖြန့်ဖြူးသူ လည်း ဖြစ်ပါတယ်။ ဒီနေရာမှာ အလျဉ်းသင့်လို့ Bob Perelman ပြောတာလေး ပြန်ပြောပြ ကြည့်ချင်ပါတယ်။ အဲဒီ ၃ယောက်ဟာ တစ်ခါတစ်လေ သီးခြားစီ မနေပဲ လာရောထွေး နေတတ် တာလည်း ရှိပါတယ်။ “အကယ်၍ တစ်ယောက်ယောက်ဟာ သူ့ကိုသူ Language writer လို့ပြောရုံနဲ့ သူဟာ Language writer ဖြစ်သလား။ `ဖြစ်´ တယ်ဆိုရင်လည်း သူရေးသား သမျှဟာ LP တွေဖြစ်သလား။ LP အကြောင်း ဆောင်းပါးတွေတင် မကပဲ ကဗျာတွေတောင် ရေးတဲ့ Jed Rasula ဆိုရင် သူ့ကိုသူ LP မဟုတ်ဘူးလို့ ငြင်း ဆိုပါတယ်။ ဒါပေမယ့် Silliman ရဲ့ LP ကဗျာပေါင်းချုပ်မှာ သူ့ကဗျာ ပါဝင်နေပြန်ရော။ အဲဒီတော့ ၊ တစ်ယောက်ယောက်ရဲ့ ကဗျာ ကို LP လို့ ခေါ်ဝေါ် သတ်မှတ်လိုက်ရုံနဲ့ သူဟာ LP/ Language writer `ဖြစ်´သလား ၊ မ `ဖြစ်´ဘူးလား။´´ (Language Writing , `Literary History ´ဆောင်းပါးမှ)

၃.၃

အဲဒီတော့ ၊ ကျွန်တော် ဘာကဗျာတွေ ရေးခဲ့သလဲ။ ကျွန်တော်ဟာ ဘာကဗျာဆိုတာထက် ကဗျာကိုပဲ ရေးချင်တာ ဖြစ်ပါတယ်။ ကျွန်တော်ဟာ ခေတ်ပေါ်ကဗျာမှ ၊LP မှ ၊ အဲသလို ရေးချင် တာမဟုတ်ပါဘူး။ ကျွန်တော့်ရဲ့ ကဗျာရေးသား ပြုလုပ်ဖို့  အစပေါ်တာနဲ့ ရေးသား ပြုလုပ် နေစဉ်အတွင်းမှာ ကျွန်တော့်အာရုံခံစားမှု အရှိန်အတိုင်း ၀င်လာတာတွေကို ယူငင်သုံးစွဲ လိုက် တာပဲဖြစ်ပါတယ်။ အဲဒီ`ယူငင်သုံးစွဲ´ တဲ့ အရာတွေထဲမှာ အာရုံတွေနဲ့ ပွတ်တိုက် ဖြစ်ပေါ်တဲ့ ဘာသာစကားတွေ ပါမယ်။ ဘာသာစကားက ပေးတဲ့ အာရုံတွေပါမယ်။ ရေးပြီးသား လိုင်း တစ်လိုင်းက တွန်းလွှတ်လိုက်တဲ့ စကားလုံးတွေ ၊ ၀ါကျတွေ ပါမယ်။ မှတ်ဥာဏ်ထဲက ပတ်သက် စရာတွေ လျှပ်တပြက် ပေါ်လာလို့ ထည့်သုံးလိုက်မယ်။ ရေးလည်း ရေး ၊ ဖတ်လည်း ဖတ် ၊ အာရုံဝင်စားမှု ကိုလည်းပြုပြီး လမ်းကြောင်းဖေါ်မယ် ၊ ဖွင့်မယ် ၊ ချဲ့မယ် ၊ တွဲချိတ် မယ်။ မထင် မှတ် ထားတာတွေဟာ စကားအဖြစ် ပေါ်လာတာတွေကိုလည်း ထည့်ရေးမယ်။ ဒါပေမယ့် ၊ အဲဒီကဗျာ ရေးခြင်းဖြစ်စဉ် တစ်ခုလုံး ထဲမှာ စနှိုးဆော်လိုက်တဲ့ ၀ိုးတ၀ါး အာရုံခံစားမှုကို ဘာ သာစကားနဲ့ ကောက်ကြောင်း ဖေါ်ကြည့်ရင်း ၊ Texture တွေထည့်သွင်းရင်း ၊ ရေးသား ပြုလုပ် သွားတာပဲ ဖြစ်ပါတယ်။ ကျွန်တော့်အတွက် ဒီမူလ အာရုံခံစားမှု ၊ ဘာမှန်းလည်းမသိ ၊ ဘာဖြစ် လာမယ်မှန်းလည်း မသိတဲ့ စိတ်အာရုံနောက်လိုက်ပြီး ရေးသွားတာပဲ ဖြစ်ပါတယ်။ ကဗျာ တစ်ပုဒ်ကို  ဘေးမှာချပြီး လိုက်ရေးတာ မဟုတ်ပါဘူး။

ဒီမှာ နည်းနည်း ပြောကြည့်ချင်တာကတော့ `အာရုံခံစားမှု´ ပါပဲ။ ကျွန်တော့် အတွက်တော့ ဒီ အာရုံခံစားမှုဟာ ကျွန်တော် ဖတ်မှတ်လေ့လာပြီးနှလုံးသွင်းလို့ရတဲ့ ကဗျာဗေဒတွေဆီက လာ တာပဲ ဖြစ်ပါတယ်။ နှစ်အစိတ်ကျော် ခေတ်ပေါ်ကဗျာနဲ့ ကြီးပြင်းလာတော့ ဒီခေတ်ပေါ်ကဗျာရဲ့ စီးကြောင်းတွေဟာ ကျွန်တော့်မှာ ရှိနေမှာ သေချာပါတယ်။ ပြီးတော့ ၊ အက်ရှဘရီ ။ ပြီးတော့ ၊ LP ။ ပြီးတော့ အခြား တွေ။ ကိမ်းဘရစ်ဂ်ျ ကဗျာဂိုဏ်းက Jeremy Prynne ပါရင်ပါမယ်။ ကဗျာ မရေးခင် အတောအတွင်းမှာ ဖတ်နေတဲ့ စာသားထဲက တစ်ခုခုဟာ ကျွန်တော့်အာရုံကို နှိုးဆွ လိုက်ပြီး အဲဒီစာသားနဲ့ တစ်နည်းတစ်ဖုံဆက်နွယ်နေတာတစ်ခုခုကို အစပြုပြီး ရေးသွားတာတွေ လည်း ရှိပါတယ်။ အဲဒီတော့ ၊ ကျွန်တော့် ကဗျာအာရုံခံစားမှုမှာ LP ဟာ အဓိက လွှမ်းမိုးပေမယ့် အဲဒီ ကဗျာအာရုံခံစားမှု စက်ကွင်းထဲ ခေတ်ပေါ်လည်း ၀င်ရင်ဝင်လာမှာပဲ။ `ထင်ရှားတဲ့ အမှတ် အသား´(၂၀၀၆) ကနေ `ကီလီမန်ဂျာရို´(၂၀၁၀) မှာပါရှိတဲ့ ကဗျာတွေကို ယှဉ်ကြည့်လို့ရပါ တယ်။ တူတာတွေ ၊ မတူတာတွေပေါ့။ အခုဒီနှစ်ပိုင်းမှာ ကျွန်တော် ထပ်လေ့လာနေတဲ့ ကဗျာ အမျိုးအစားတွေ ကျွန်တော့်ရင်ထဲ (၀ါ) ကျွန်တော့် ကဗျာအာရုံခံစားမှု စက်ကွင်းထဲ ၀င်လာ တာတွေအရ ကျွန်တော် ရေးသားမယ့် ကဗျာတွေဟာ တစ်မျိုးတစ်ဖုံ ပြောင်းရင်ပြောင်းဦး မှာ ပါပဲ။ ကျွန်တော်က ကဗျာဗေဒ တစ်ခုခုထက် ကဗျာအနုပညာဆီကိုပဲ သွားချင်နေသူပါ။ ကဗျာရေးနေစဉ် အတွင်းမှာ ကျွန်တော့်ကဗျာ အာရုံခံစားမှု စက်ကွင်းထဲမှာ ဘယ်ကဗျာဗေဒ ၊ ဘယ် ကဗျာအမျိုးအစားက dominant ဖြစ်လာမလဲ ဆိုတာ ကြိုပြောပြလို့မရပါဘူး။ dominant ဖြစ်တဲ့ အပိုင်းများရင် အဲဒီကဗျာကို ဘယ်အမျိုးအစားလို့ ပြောလို့ရကောင်းရပြီး ဘယ်အပိုင်းမှ dominant မဖြစ်ပဲ ဟိုတစ်စ ဒီတစ်စတွေ တွေ့နေရင် ဘယ်ကဗျာဗေဒ ၊ ဘယ်ကဗျာ အမျိုး အစားလို့ ပြောရ ခက်ကောင်းခက် သွားမှာပေါ့။ ဟိုတုန်းက ကဗျာရေးရင် ခေတ်ပေါ်ကဗျာ ပဲ ရေးမယ်ဆိုတာ ခေတ်ပေါ်ကဗျာကိုပဲ ကဗျာလို့သိခဲ့လို့ပါ။ နောက်ပိုင်းမှာ နျူးယောက်ကဗျာ ၊LP ကဗျာတွေ တွေ့လာတော့ အဲသလိုတွေ လိုက်ရေးကြည့် တယ်။ မြန်မာကဗျာမှာ နျူးယောက်  ကဗျာရေးသူ ၊ LP ကဗျာရေးသူ ဆိုတာထက် ကဗျာရေးသူပဲ အမြဲဖြစ်ချင်ခဲ့တာပါ။ ကဗျာ အနုပညာ အသိ ရင့်ကျက်လာလေ ၊ လေဘယ်တစ်ခုအတွင်း သွတ်သွင်းလို့ မရလေကိုပဲ ကြိုက် ပါတယ်။ မတူညီတဲ့ ကဗျာဗေဒတွေ ကို ပေါင်းစပ်ပြီးတော့တောင် ရေးချင်ပါသေးတယ်။ ဘာတွေ ဘယ်လို ထွက်လာမလဲဆိုတာကတော့ ရေးကြည့်မှ သိမှာပဲ ဖြစ်ပါတယ်။

၎။

အခု ပစ္စုပ္ပုန်ကို ကျွန်တော်တို့ ကြည့်ကြမယ်ဆိုရင် မဂ္ဂဇင်းနဲ့ ကဗျာစာအုပ်ဆိုတဲ့ Print media မှာ ရော အွန်လိုင်း media မှာရော LP ကဗျာပုံစံမျိုးတွေတွေ့လာရပါတယ်။ ဥပမာ ၊ Pom Skool ။ အဲဒီ အရေးအသားတွေဟာ LP ကဗျာတွေလား ဆိုတော့ အထက်က ပြောခဲ့သလိုပါပဲ။ သေချာ တာကတော့ `ခေတ်ပေါ်´ ကဗျာပုံစံ မဟုတ်တာ တွေ ဖြစ်ပါတယ်။ အဲသလို ရေးသားခြင်း ပေါ်မှာရော ၊ ရေးသားကြသူတွေ ပေါ်မှာရော ကျွန်တော့်မှာ ပြောစရာမရှိ သလောက်ပါပဲ။ ကျွန် တော့် ကဗျာ အရေးအသားတွေထဲက ပုံစံတွေ ၊ နည်းတွေက အစ စကားလုံးတွေ ၊ ၀ါကျ တွေ အထိ ယူသုံးကြတာ တွေ့ရပါတယ်။ ကျွန်တော့်အမည်ကို အောက်ခြေမှာ ဖေါ်ပြတာရှိသလို မဖေါ်ပြတာလည်း ရှိပါတယ်။ ဒါကိုလည်း ownership ပိုင်ဆိုင်မှု သဘောထက် intertextuality သဘောလို့ပဲ ကျွန်တော်မြင်ပါတယ်။ ပိတ်ပင် ထိန်းချုပ်လို့ လည်းမရပါဘူး။ ကျွန်တော့်ကို အကြီး အကျယ် တိုက်ခိုက်ခဲ့တဲ့ သူတွေတောင် ဒီနည်းတွေ သုံးနေတာ မဂ္ဂဇင်းတွေမှာ မြင်နေရပြီပေါ့။ သူတို့ ကြိုက်လို့ပဲ သုံးသုံး ၊ စမ်းသပ်ချင်လို့ပဲသုံးသုံး၊ တစ်ခုခုကို ကျော်လွှားချင်လို့ပဲ သုံးသုံး ၊ LP ဘက်တိမ်း/ ယိမ်း/မှိန်းချင်လို့ပဲ သုံးသုံး ကျွန်တော်နဲ့ မဆိုင် ပါဘူး။ ဒါပေမယ့် သိတဲ့အတိုင်းပဲ ၊ ကောင်းရင်တော့ သူတို့ နာမည်ရတာပေါ့။ မကောင်းရင်တော့ ဇေယျာလင်း ခေါင်းပေါ့။ အဲဒါ ကြောင့် ၊ ကောင်းကြပါစေလို့ပဲ ဆုတောင်းပါတယ်။ ကိုယ် လုပ်နေတာကိုလည်း ဘာကို ဘာ ကြောင့် ဘယ်လို လုပ်နေတာ ဖြစ်တယ်ဆိုတာ သိကြဖို့လည်း မျှော်လင့်ပါတယ်။ ဆက်လက်ချဲ့ ထွင် ရေးသားကြဖို့လည်း တိုက်တွန်းပါတယ်။

၅။

နိဂုံးချုပ် ရရင်တော့ ခေတ်ပြိုင် မြန်မာကဗျာလောကမှာ LP ခေါ် ဘာသာစကားကဗျာဆိုတဲ့ အခေါ်အဝေါ် အသုံးအနှုံးရော ၊ အယူအဆရော ၊ အရေးအသား တွေရော ၊ နွယ်တာ တွေရော ၊ `လိုလို´တွေရောရှိနေပါင်္ပြီ။ စကတည်းက လှုပ်ရှားမှုတစ်ခုလို လုပ်တာ မဟုတ်တဲ့အတွက် ခေတ် ပေါ်ကဗျာ လှုပ်ရှားမှုလို Movement တစ်ခုတော့ ရှိမယ်လို့ ကျွန်တော်မထင်ပါဘူး။ နားလည် သဘောပေါက်ပြီး ကြိုက်တဲ့ သူတွေ ရေးကြတာမျိုးပဲ ရှိမယ်လို့ ထင်ပါတယ်။ ဒါဟာလည်း လူနည်းစုပဲ ဖြစ်မှာပါ။ အနုပညာမှာ လူအများကြိုက်စေဖို့ ၊ popular ဖြစ်စေဖို့ဆိုတာ မရည်ရွယ် ကြပါဘူး။ အဲဒါက pop culture ရဲ့ entertainment ကိစ္စတွေလို့ပဲ ကျွန်တော် မြင်ပါတယ်။ pop culture ထဲက icon တွေ ၊ pop အကြောင်း အရာအဖြစ်အပျက်တွေ ယူသုံးတောင်မှ ကဗျာဟာ popular entertainment စာရင်းဝင်မှာ မဟုတ်ပါဘူး။ LP ကိုအသစ်လို့မြင်ပြီး LP ရဲ့ ကဗျာပုံစံ ၊ ကဗျာဟန်တွေ လိုက်တုလို့ပဲ ရေးရေး ၊ စမ်းသပ် လို့ပဲရေးရေး ၊ ကြိုက်လို့ပဲ ရေးရေး ၊ ရေးသူရဲ့ ကိစ္စသာလျှင် ဖြစ်ပါတယ်။ မကြိုက်လို့လည်း ဘာမှ မဖြစ်သွားပါဘူး ။ ကျွန်တော် အင်မတန် လေးစား ချစ်ခင်တဲ့ ပန်းချီဆရာကြီး ဦးခင်မောင်ရင်ဆို အခုထိ သူလွန်ခဲ့တဲ့ နှစ်၅၀ လောက် က ကြိုက်ခဲ့တဲ့ Ab Ex ပန်းချီတွေ ကြိုက်လို့ရေးပြီး ရေးတိုင်း ကြိုက်နေဆဲပါပဲ။ အဲဒါ သူ့ယုံကြည်မှုနဲ့ သူ့ အနုပညာ ဖန်တီးမှု။

ကဗျာ အနုပညာနဲ့ ပတ်သက်လို့ ကဗျာအသိထဲမှာတော့ LP ဟာ တိုးချဲ့ ၀င်ရောက်ခဲ့ပါပြီ။ LP ကဗျာ ထူထောင်မှုထက် ရှိရင်းစွဲ ကဗျာလောကထဲ ကဗျာဗေဒသစ် တစ်ခုဖြတ်သန်းမှုလို့ပဲ ကျွန်တော် သဘောထားပါတယ်။ Postmodern ကဗျာဗေဒ တစ်ခုပေါ့။ ဒီနေ့ ကဗျာ အကြောင်း ပြောကြမယ် ဆိုရင် ယခင်က ကဗျာကို ခံစားမှုနဲ့ ကန့်သတ်ထားတဲ့ အဆင့်ကနေ ဘာသာ စကားကိုပါ ထည့်ပြောရမယ့် အဆင့် တက်လာတာဟာ ကဗျာသိမှု တိုးခြင်းပဲဖြစ်ပါတယ်။ ကြိုက်ခြင်း/ တိုက်ခြင်းကတော့ သဘာဝဖြစ်စဉ်ပါပဲ။ နိုင်ငံတကာ ကဗျာသိမှုနဲ့ ရင်ဘောင် တန်းဖို့ ဆိုရင် LPရဲ့ နောက်ခံ သဘောတရား အယူအဆတွေ ၊ သီအိုရီတွေကို တီးမိခေါက်မိရင် ကောင်းတာပေါ့။ အထက်မှာ ပြောခဲ့သလို LPဟာ နယ်ပယ် အပိုင်းအခြားတစ်ခုထဲက ကျယ်ဝန်း ကျယ်ပြန့်ထွေပြားတဲ့ ကဗျာဟန် အမျိုးမျိုး အစားစားကို ခေါ်ဝေါ် သတ်မှတ်တာ ဖြစ်ပါတယ်။ LPရဲ့ နောက်ခံ intellectual ကိစ္စတွေ ၊ social ကိစ္စတွေ ၊ aesthetic ကိစ္စတွေကို ကျွန်တော် တို့ ဆီမှာ ထဲထဲဝင်ဝင် လေ့လာတာမျိုး အားနည်းနေပါသေးတယ်။ ရေးနေကြတဲ့ အချိန်မှာလည်း ရေးနေချိန်ရဲ့ သိမှု ကန့်သတ် ဘောင်ထဲမှာပဲ ရေးနေကြရ တာဖြစ်ပါတယ်။ ကိုယ်တိုင် တစ်ဦး စီချဲ့ထွင်ဖို့ပဲ လိုပါတယ်။ ပသို့ဆိုစေ ၊ မြန်မာကဗျာဟာ ရင်ဘတ်ကြီးကနေ အတိုင်းအတာ တစ်ခု အထိ လွတ်မြောက်လာ ပြီပေါ့။ `ခံစားမှုနဲ့ ကဗျာရေးတယ်´ဆိုတာ တော်တော် ရိုးစင်းလွန်း လှတဲ့ စကားမျိုးလည်း ဖြစ်ကောင်း ဖြစ်သွားပြီပေါ့။ ဒါပေမယ့် ကဗျာမှာ ခံစားမှုမပါရဘူး လို့ မဆိုလိုပါဘူး။ အဲဒီခံစားမှုကို ဘာက ဖွဲ့စည်းတယ် ၊ ဘယ်လိုဖေါ်ပြမယ် ၊ စတဲ့မူလရင်းမြစ်ကိစ္စ ၊ ဒါတွေကို ပစ်ပယ်လို့တော့ မသင့်တော့ဘူး ထင်ပါတယ်။ မြေပုံမှာ မပါရှိသေးတဲ့ လေဟာ နယ်ကြီးထဲမှာ နယ်ပယ်သစ်တွေရှာဖွေ တည်ဆောက် သွားရုံပဲရှိပါတယ်။ ဒါဟာ ကဗျာဆရာ တွေကို စိမ်ခေါ်နေတဲ့ ကိစ္စပဲ ဖြစ်ပါတယ်။ ကဗျာဆရာနဲ့ ကဗျာအနုပညာရဲ့အစဉ် နပမ်းလုံး ပွဲကြီးပါပဲ။

ဇေယျာလင်း

Read more »

ကွန်ဆက်ပ်ခြူရလ် ကဗျာဗေဒမှတ်စု Notes Towards Conceptual Poetics

ကွန်ဆက်ပ်ခြူရလ် ကဗျာဗေဒမှတ်စု Notes Towards Conceptual Poetics

၁။ ။ ကွန်ဆက်ပ်ခြူရလ်ကဗျာ Conceptual Poetry (CP) ဟာ ၂၁ရာစုအစောပိုင်းစာပေလှုပ်ရှားမှုတစ်ရပ်ဖြစ်တယ်။ ရေးသားပြု လုပ်သူတွေကိုယ်တိုင်ပြောစကားအရ “uncreative writing´´ “ဖန်တီးမှုမဟုတ်တဲ့ အရေးအသား´´ဖြစ်တယ်။ CP ပြု လုပ်ဖို့ appropriation ရှိပြီးသား အရေးအသား/စာသားတွေကို ယူသုံးတယ်။ ကနဦးအတွေးထည်ကို အပြီးသပ်ရလာဒ်ထက် ဦးစားပေးတယ်။ အစွန်းရောက်ပုံသဏ္ဍာန်တွေမှာ process-oriented ပြုလုပ်မှုဖြစ်စဉ်ကို အသိအမှတ်ပြုရှေ့ရှုတယ်။ non-expressive (အတွေး ၊ခံစားမှု ၊ အတွေ့အကြုံစသည်တို့ကို) ဖွင့်ဟဖေါ်ပြတာမဟုတ်ဘူး။ အချို့လက်ရာတွေမှာ သတင်းအ ချက်အလက်ထုထည်ကြီး ပါရှိကြပြီး လက်ရာတစ်ခုလုံးကို ပြီးဆုံးအောင်ဖတ်ရှုဖို့ မရည်ရွယ်ဘူး။ ဥပမာ CPကို စတင်လိုက်သူ Kenneth Goldsmith ကက်နစ်သ် ဂိုးလ်ဒ်စမစ်သ်ရဲ့ စံပြလက်ရာဖြစ်တဲ့ `Day´ဟာဆိုရင် စက်တင်ဘာ ၁၊၂၀၀၀ နေ့စွဲပါ The New York Times သတင်းစာထဲက စာအားလုံးကို စာမျက်နှာ ၉၀၀ပါရှိတဲ့ စာအုပ်တစ်အုပ်အဖြစ် ပြန်လည်ပြုပြင်စာလုံးစီထား တာဖြစ်တယ်။ (စာလုံးတစ်လုံးတစ်လေမှ သူ့ဆီက လာတာမဟုတ်ဘူး။ စာလုံးတိုင်း ၊ စကားစုတိုင်း ၊ ၀ါကျတိုင်းဟာ အဆိုပါ သတင်းစာထဲက ယူတာဖြစ်တယ်)။ အခြားနာမည်ရ CPသမားတွေဟာ Christian Bok ၊ Catheline Bergvall ၊ Robert Fitterman နဲ့ Vanessa Place တို့ဖြစ်ကြတယ်။

CPရဲ့ ရှေ့ပြေးတစ်ခုဟာ (ပြင်သစ်) Oulipo `အူလီပို´ (I’ Ouvroir de Litterature Potentielle) ဖြစ်တယ်။ ကန့်သတ်ချက် တစ်ခုခုကို ပုံသေထားရှိပြီး စာပေအရေးအသားအမျိုးမျိုးကို စမ်းသပ်ပြုလုပ်တာဖြစ်တယ်။ အထင်ကရ ပုဂ္ဂိုလ်တွေကတော့ Italo Calvino ၊ Georges Perec နဲ့ Raymond Queneau တို့ဖြစ်ကြတယ်။ ဥပမာ တစ်ခုထုတ်ပြရရင် N+7 နည်းဖြစ်တယ်။ နဂိုရှိပြီးသားမူလစာသားထဲက စကားလုံးတစ်လုံးစီကို အဘိဓါန်ထဲမှာ ပါရှိတဲ့ အဲဒီစကားလုံးအောက်က သတ္တမစာလုံးနဲ့ အစား ထိုးတာဖြစ်တယ်။ အခြားလွှမ်းမိုးမှုတွေဟာ John Cage နဲ့ Jackson Maclow တို့ရဲ့ chance operations တိုက်ဆိုင်မှုတွေ ပေါ်လာသလို ဆောင်ရွက်ခြင်းဖြစ်တယ်။ ဘရာဇီးလ်က Concrete poetry လှုပ်ရှားမှုနဲ့လည်းပတ်သက်တယ်။

Robert Fitterman နဲ့ Vanessa Place တို့ရဲ့ `Notes on Conceptualisms´မှာ ဖေါ်ပြပါရှိတာကတော့ CP ရဲ့ အခြေခံစည်း မျဉ်းတစ်ခုဟာ `CP လက်ရာကို သမားရိုးကျစာသားတွေ ဖတ်ရှုသလို `ဖတ်ရှု´ဖို့ မလိုအပ်ခြင်းပဲ´ဖြစ်တယ်။ `ဖတ်ရှုဖို့ထက် လက်ရာရဲ့ idea ကိုတွေးကြည့်ဖို့ပဲလိုတယ်´။ `Unoriginal Genius ´စာအုပ်ရဲ့ နိဒါန်းမှာ စာပေဝေဖန်ရေး ဆရာမ Marjorie Perloff ရေးသားတာကတော့––´ `ပင်ကိုယ်´ `original´လုံးဝမဟုတ်တဲ့ `ကဗျာ´ကို အခု CP သမားတွေလုပ်ကြသလို ရေး လည်းရေးနိုင်ပြီး ကဗျာလည်းဖြစ်/မြောက်တယ်ဆိုတာဟာ ကဗျာလောကမှာမရှိခဲ့ဖူးဘူး။´

Christian Bok ရဲ့ `Eunoia ´ စာအုပ်မှာဆိုရင် အခန်းတစ်ခန်းဆီမှာ သရတစ်လုံးပဲ သုံးထားတာဖြစ်တယ်။

Caroline Bergvall ရဲ့ `Via ´ဟာဆိုရင် အီတာလျံ ဂန္တ၀င်ကဗျာဆရာကြီး Dante ဒန်တေရဲ့ `Inferno´မဟာကဗျာဘာသာ ပြန် ၄၈ခုရဲ့ ပထမလိုင်းတွေကိုပဲ ပြန်စီတာဖြစ်တယ်။

Flarf ကဗျာဆရာတွေဖြစ်ကြတဲ့ Nada Gordon ၊ K.Silem Mohammad နဲ့ Gary Sullivan တို့ရဲ့ ကဗျာတွေဟာ Google search engine ထဲကထွက်လာတာ/တွေ့ရှိတာတွေကို primary text အခြေခံစာသားအဖြစ်ယူပြီး အဲဒီကနေ ၊ `ဆိုးရွား´တဲ့၊ `မဆီလျော်´ တဲ့ ကဗျာတွေပြန်ပြုလုပ်တာဖြစ်တယ်။

(A Brief Guide to Conceptual Poetry မှ)

- – - – - – - – - – - – - – - – - – - – - – - – - – - – - – - – - – - – - – - – - — – - – - – - – - – - – - – - – - – - – -

၂။ ။အတိုချုံ့ပြောရရင် Conceptual writing သို့မဟုတ် uncreative writing ဟာ ခေတ်ကာလရဲ့ ကဗျာဗေဒဖြစ်တယ်။ ၂၀ ရာစုရဲ့ အာဗွန့် ဂါ့ဒ် ဆန္ဒတွေနဲ့ ၂၁ ရာစုရဲ့ စက်မှုနည်းပညာတွေကို ပေါင်းစပ်လိုက်တာပဲဖြစ်တယ်။ ၂၁ရာစုကဗျာ နယ်ပယ်ကို ချဲ့ထွင်လိုက်တာဖြစ်တယ်။ CP အလေးထားတာကတော့ ယေဘူယျအားဖြင့် အသွားနှစ်ခွဖြစ်တယ် ၊ ရုပ်ဒြပ်နဲ့ အတွေးထည် materiality and concept ။ CP ဟာ `ပင်ကိုယ်/မူလ´ `originality´ ဖြစ်ဖို့ လုံးဝမရည်ရွယ်ဘူး။ uncreativity ၊ unoriginality ၊ illegibility (ဖတ်ရန် မလွယ်ကူခြင်း) ၊ appropriation ၊ plagiarism (သူတစ်ပါးအရေးအသားကို ခိုးချခြင်း) ၊ Fraud (အတုပြုလုပ်ခြင်း) နဲ့ falsification (လိမ်ခြင်း) တို့ကို သုံးခြင်းအားဖြင့် self `မိမိ´နဲ့ ego `အတ္တ´တို့ကို တမင်ပယ် ဖျောက်တာဖြစ်တယ်။ နည်းပညာ methodology တွေအားဖြင့် information management ၊ word processing ၊ databasing နဲ့ extreme process တို့ကိုသုံးတာဖြစ်တယ်။ ပျင်းရိငြိငွေ့ဖွယ်ဖြစ်ခြင်း ၊ တန်ဘိုးမဲ့ခြင်းနဲ့ အာဟာရမဲ့ခြင်းတို့ဟာ ထင်ရှားတဲ့ စရိုက်လက္ခဏာ/သဘောထားတွေဖြစ်တယ်။ ဘာသာစကားဟာ အမှိုက် ၊ ဘာသာစကားဟာ အယိုအယွင်း အပျက်အစီးလက်ကျန်တွေဖြစ်တယ်။ အာဟာရမဲ့ဘာသာစကား ၊ အဓိပ္ပါယ်မဲ့ဘာသာစကား ၊ အချစ်မဲ့ဘာသာစကား ၊ နေ့စဉ် ပြောစကား ၊ ဖတ်မရခြင်း ၊ ယန္တယားဆန်ဆန်ထပ်မံထပ်မံပြန်လည်ပြုလုပ်ခြင်းများ။ အစွဲအလန်းကြီးကြီးနဲ့ မှတ်တမ်းတင် စာရင်းသွင်းခြင်း ၊ မီဒီယာနဲ့ ကြော်ငြာရဲ့ တန်ဘိုးဖျက်/ပျက်ဘာသာစကား ၊အရည်အသွေးထက် အရေအတွက်ကို ပိုဦးစားပေး တဲ့ဘာသာစကား။

ယူငင်သုံးစွဲတဲ့ ဘာသာစကားကို သူ့ကိုသူပဲပြန်ထင်ဟပ်ဖို့အတွက် သုံးစွဲရာမှာ CP သမားတွေဟာ အဆိုပါ ယူငင်သုံးစွဲတဲ့ စကားလုံးတွေမှာ နဂိုမူလအားဖြင့် ပါရှိပြီးသား politics အားပြိုင်ဖိနှိပ်မှုတွေကို ပွေ့ဖက်တယ်။ သူတို့ရဲ့ ကိုယ်ပိုင်တွေ မဟုတ် တဲ့ စကားလုံးတွေကို ကိုယ်ကျင့်တရားဆိုင်ရာဖြစ်ဖြစ် နိုင်ငံရေးဆိုင်ရာဖြစ်ဖြစ် သတ်မှတ်ချပြဖို့ CP သမားတွေရှောင်ကျဉ်ကြ တယ်။ ရွေးချယ်မှုအားဖြင့်သော်၎င်း စက်သုံးစွဲမှုအားဖြင့်သော်၎င်းကနေ ပြုလုပ်ရရှိတဲ့ ကဗျာကပဲ နိုင်ငံရေးအယူအဆ/အစီ အစဉ်ကို စတင်လိုက်စေတာဖြစ်တယ်။ ဒီ နိုင်ငံရေးအယူအဆ/အစီအစဉ်ဟာ ကဗျာဆရာ ကိုယ်တိုင်ပြစ်တင်ရှုတ်ချတာမျိုး လည်းဖြစ်ဖို့များတယ်။ appropriation အခြေပြု စာပေအရေးအသားပြုလုပ်မှုထွန်းကားလာတာနဲ့အမျှ နေ့စဉ်သိမြင်တွေ့ကြုံ နေကျအရာတွေဟာ ဆန်းကြယ်လာကြတယ်။ အဓိပ္ပါယ်အားဖြင့် မပြောင်းလဲစေပဲ သူ့ချည့်သက်သက်ယူငင်သုံးစွဲလိုက်တဲ့အခါ မှာပေါ့။ ၀ါကျဖွဲ့ထုံးကို ဖေါက်ခွဲဖျက်ဆီးပစ်လိုက်စရာလည်းမလိုဘူး။ CP ဟာ ဖတ်သူထက် တွေးခေါ်/တွေးတောသူကို ပို စိတ်ဝင်စားတယ်။ ဒီကဗျာ စိတ်မ၀င်စားဆုံးဟာ ဖတ်ရှုနိုင်မှုပဲဖြစ်တယ်။ idea ကောင်းမှ CP ကောင်းမှာဖြစ်တယ်။ အကျိုးရ လာဒ်ဖြစ်တဲ့ စာသားထက် မူလ idea ဟာ ပိုစိတ်ဝင်စားစရာဖြစ်တယ်။

( Conceptual Poetics : Kenneth Goldsmith မှ )

- – - – - – - – - – - – - – - – - – - – - – - – - – - – - – - – - – - – - – - – - — – - – - – - – - – - – - – - – - – - – -

၃။ ။Poets .org –– CP ကိုနားမလည်တဲ့ လူငယ်ပရိသတ်တွေကို ခင်္ဗျားဘယ်လိုရှင်းပြမလဲ။

KG –– CP ဟာ ဖတ်စရာမလို တဲ့ ကဗျာပါပဲ ။. . . ။ ကျွန်တော့်စာအုပ်တွေဆို ဖတ်လို့ကိုရမှာမဟုတ်ဘူး။ အဲဒီ စာအုပ်တွေရဲ့ နောက်ကျောက concept အတွေးထည်ကို သိရင်ပြီးပြီ။ . . . ။ concept ရရင်စာအုပ်ရတယ် ၊ ဒါပေမယ့် အဲဒီ စာအုပ်ကိုဖတ်စရာမလိုဘူး။ ဖတ်ရှုဖို့ထက် အဲဒီစာအုပ်အကြောင်းပြောတာကမှ ပိုကောင်းလိမ့်မယ်။ ဘာအသစ်မှ ဆန်းသစ် တီထွင်တာလည်း မဟုတ်ဘူး။ ရှိပြီးသားတွေကိုပဲ နဂိုမူလစာသားတွေမျိုးလိုပြန်စီတာ ၊ ပြန်ဖေါ်ပြတာပဲဖြစ်တယ်။ ဖေါ်ပြတဲ့ ပစ္စည်းထက် ဘာပစ္စည်းကို ဖေါ်ပြဖို့ရွေးချယ်တယ်ဆိုတာ ပိုစိတ်ဝင်စားစရာကောင်းတယ်။ အရေးအသားပေါ်မူတည်ပြီး ကိုယ့် ကိုတန်ဘိုးဖြတ် မှာမဟုတ်ဘူး ၊ ဘာမှမရေးသားခင်ဖြစ်ပေါ်တဲ့ စဉ်းစားတွေးတောကြံဆမှုဖြစ်စဉ်ပေါ်မှာ ကိုယ့်ကိုတန်ဘိုးဖြတ် မှာဖြစ်တယ်။ . . . ဟိုကတစ်လိုင်း ၊ ဒီကတစ်လိုင်းယူပြီးကဗျာတွေပြုလုပ်ကြတာရှိခဲ့ပြီးပြီ။ ဒါပေမယ့် ရှိပြီးသား အရေးအသား တစ်ခုခုကိုကောက်ယူ ၊ ၅လက္မလောက် နေရာရွှေ့ ၊ ကိုယ်ကိုယ်တိုင်ရေးတာ မဟုတ်ပေမယ့် ဒါဟာကိုယ်ပြုလုပ်တာလို့ပြော ပြီး ဒါဟာစာသား အသစ်ဖြစ်ကြောင်း အခိုင်အမာပြောဆိုတာမျိုးတစ်ခါမှမရှိခဲ့ဖူးဘူး။

Poets .org –– CP ရဲ့ ပုံစံတွေကို ဂန္တ၀င်ကဗျာတွေမှာ တွေ့နိုင်မလား။ ဥပမာ ၊ Homer ၊ Sappho ၊ Shakespeare ၊ Keats။ ဒါမှမဟုတ် CP ဟာ ပို့စ်မော်ဒန်သမားတွေဖြစ်ကြတဲ့ John Cage ၊ Jackson Maclow ၊ Andy Warhol တို့ရဲ့ လက်ရာတွေကို အခြေပြုသလား။

KG –– မကြာသေးခင်ကပဲ Craig Dworkin နဲ့ ကျွန်တော်ကဗျာပေါင်းချုပ်တစ်အုပ်ထုတ်လိုက်ကြသေးတယ်။ ´Against Expression ´။ CP အရေးအသားပေါင်းချုပ်ပေါ့။ Steve Mc Caffery လိုစာပေပညာရှင်စစ်စစ်ဆိုရင် ဥရောပ အလယ်ခေတ်စာပေထဲမှာ CPရဲ့ သာဓကတွေ ရှာတွေ့ကောင်းရှာတွေ့မယ်ထင်တယ်။ ဒါပေမယ့် ကျွန်တော်က အဲလိုပညာ ရှင်မဟုတ်ဘူး။ Craig ကလည်း တကယ့် modernist ပဲ။

အဲဒီတော့ ၊ မာလာမေ။ (ပြင်သစ်သင်္ကေတ ၀ါဒီကဗျာဆရာ Mallarme)။ မာလာမေ လိမ်ရေးခဲ့တဲ့ ဖက်ရှင်ဆိုင်ရာ အရေး အသားတွေ။ သူဟာ နာမည်ဝှက်အမျိုးမျိုးနဲ့ ဖက်ရှင်မဂ္ဂဇင်းတစ်အုပ်လုံးရေးသားထုတ်ဝေခဲ့တယ်ဗျာ။ သူတစ်ယောက်တည်း လုပ်တာ။ ဖက်ရှင်ကျကျ ဘယ်လိုဝတ်ဆင်ရမယ်တို့ ၊ ညစာစားပွဲကြီးဘယ်လိုတခမ်းတနားကျင်းပရမယ်တို့ဘာတို့ပေါ့လေ။ အဲဒီ Vogue မဂ္ဂဇင်းတစ်အုပ်လုံးသူတစ်ယောက်တည်းရေးခဲ့တာ။ လူကြိုက်များတဲ့ မဂ္ဂဇင်းလည်းဖြစ်ခဲ့သေးတယ်။ ဒါပေမယ့် ၊ တစ်အုပ်လုံးမုသားချည့်ပဲဗျ။ အိုင်ဒင်တတီကို လိမ်လိုက်တာ။ အဲဒါ မဟာလက်ရာကြီးပဲ ။ . . . . ကျွန်တော်တို့ရဲ့ CP ပေါင်းချုပ် ဆိုရင် modernism ရဲ့ ကနဦးအစဆီပြန်သွားတာဖြစ်ပါတယ်။ အဲဒီကနေ ဒီနေ့ခေတ်ပြိုင်ဆီတည့်တည့်မတ်မတ်လမ်းကြောင်း ထွင်လိုက်တာဖြစ်တယ်။

. . . .

Poets .org –– ခင်္ဗျားကို လွှမ်းမိုးတဲ့ စာသားတွေ ၊ လူပုဂ္ဂိုလ်တွေရှိသလား။

KG –– စမ်းသပ်မှုအားလုံးရဲ့ မျိုးရိုးစဉ်ဆက်အတိုင်းပါပဲ။ ကျွန်တော်တို့ရဲ့ မူလဇစ်မြစ်ဟာ Language Poetry နဲ့ မကွာခြားပါဘူး။ ဂါးထရု(ဒ်)စတိုင်းန်ကို ကျွန်တော်တို့ချစ်တယ်။ အက်ဇရာ ပေါင်းန်(ဒ်) ကို ကျွန်တော်တို့ချစ်တယ်။ ဂျေးမ်စ် ဂျွိုက်စ်ကို ကျွန်တော်တို့ချစ်တယ်။ အဲဒီမျိုးရိုးစဉ်ဆက်။ ပြီးတော့ ပြတ်တောက်သွားတာတွေ။ အဲဒီတုန်းက အရေးကြီးခဲ့တာ တွေက Fluxus ၊ Pop Art ၊ Sound Poetry ၊ Visual နဲ့ Concrete Poetry ။ sampling နဲ့ hip hop တို့လည်းအရေးပါကြ တယ်။ Situationism ဟာ (ကျွန်တော်တို့အပေါ်) တကယ့်ကိုကြီးမားတယ်။ LP ဟာလည်း တကယ့်လွှမ်မိုးမှုပဲပေါ့။

ကျွန်တော့်အတွက်ပဲ ပြောရရင်တော့ John Cage နဲ့ Ardy Warhol တို့ဟာမှတ်ကျောက်တွေပဲ။

Poets .org –– Conceptual poet ဆိုတဲ့ အသုံးအနှုံးဟာ ဘောင်ကျဉ်းတယ်/အကန့်အသတ်ဖြစ်တယ်လို့မြင်သလား။

KG –– အရာရာကို ဘောင်ခတ်/ကန့်သတ်တာ ကျွန်တော်ကြိုက်ပါတယ်။ ဒီနေ့ လူတော်တော်များများလုပ်နေကြတဲ့ လုပ်ပုံလုပ်နည်းတစ်ခုကို တစ်နည်းအားဖြင့် ဖေါ်ပြတာလည်းဖြစ်တယ်။ မတူကွဲပြားတဲ့ ဟန်အမျိုးမျိုးကို အမည်တစ်ခုတပ်ပေး တာဖြစ်တယ်။ ကျွန်တော်ကိုယ်တိုင်ပြောရရင် Flarf ဟာ Conceptualism ထဲအကျုံးဝင်တဲ့ နည်းပညာတစ်ခုဖြစ်တယ်။ ကျွန်တော်တို့ ပေါင်းချုပ်မှာ Flarfကိုလည်းထည့်သွင်းဖေါ်ပြထားပါတယ်။

ဒစ်ဂျစ်တလ် ပတ်ဝန်းကျင်ကြောင့် လူတွေဟာ ကွဲပြားခြားနားစွာ လုပ်ဆောင်နေကြတာဖြစ်ပါတယ်။ ဒစ်ဂျစ်တလ် ကဗျာဗေဒ digital poetics လို့ခေါ်ချင်လည်း ခေါ်နိုင်တာပေါ့။ ဒါပေမယ့် တော်တော်များများဟာ ကွန်ပြူတာစကရင်ပေါ်မှာထက် စာမျက် နှာပေါ်မှာ ဖြစ်နေတာပိုများတယ်။ အင်တာနက်တစ်ခုလုံးကို ဖြတ်ညှပ်ကပ်လို့ရတယ်ဆိုတဲ့ နောက်ခံ အယူအဆတော့ရှိတာ ပေါ့။ အဲသလိုဖြတ်ညှပ်ကပ်ပြီးရင် ဘာလုပ်လို့ရသလဲ။ ကိုယ့်ဟာလို့ပဲပြောလိုက်ပေါ့။ ဘာကြောင့်လည်းဆိုတော့ ကိုယ် copy လုပ်လို့ရတယ် ၊ ညှပ်လို့ရတယ် ၊ ကပ်လို့ရတယ်။ အဲဒီတော့ CP လို့ သုံးနှုံးခေါ်ဝေါ်တာ ကောင်းပါတယ်။ အသုံးလည်းတည့် တယ်။ ခြုံငုံလည်းပြောလို့ရတယ် . . . . ဒစ်ဂျစ်တလ်ဖြစ်ပေါ်လာတော့ ဘာသာစကားကို ကျွန်တော်တို့ အရင်ကနဲ့ မတူပဲ တစ်မျိုးတွေးတောလာကြတယ်။ အဲဒီ ဒစ်ဂျစ်တလ်နဲ့ ပတ်သက်တဲ့ ဖြစ်တတ်တဲ့ သဘောတွေ ၊ ဖြစ်နိုင်ချေတွေကို ဖေါ်ပြဖို့ conceptualism ဟာ အသုံးဝင်လာတာပဲဖြစ်တယ်။

Poets .org –– ခင်္ဗျားရဲ့ လက်ရာတွေနဲ့ ပတ်သက်လို့ ဘယ်လိုတုန့်ပြန်မှုတွေတွေ့ကြုံရသလဲ။

KG –– ၀ိုင်းဆဲကြတာပေါ့။ လက်ဝဲဘက်ကရော ၊ လက်ယာဘက်ကရောပေါ့။ ကျွန်တော့်အရေးအသားတွေဖတ်ကြား ပြဖို့ အိမ်ဖြူတော်က ဖိတ်ခေါ်တော့ လက်ဝဲဘက်ကနေ Linn Dinh `လင်းဒင်းန်´ ဟာ လူအုပ်စုလိုက်သတ်ဖြတ်တဲ့ သမ္မတ အိုဘားမားကို ဖျော်ဖြေရကောင်းလားဆိုပြီး စွပ်စွဲတယ်။ လက်ယာဘက်ကဆိုရင် ရေဒီယို talk –show တင်ဆက်တဲ့ Michael Savage ဟာ အိမ်ဖြူတော်က ကျွန်တော့်ကို ဖိတ်ကြားတာနဲ့ ပတ်သက်ပြီး `အနောက်တိုင်းယဉ်ကျေးမှုကြီးကျဆုံးသွားပါင်္ပြီ´ တဲ့။ `မာ့က်ဆစ် လူတန်းစားစစ်ပွဲပေါ်ပေါက်လာပြီ´တဲ့။ . . . . အိမ်ဖြူတော်လို အထင်ကရနေရာမျိုးးမှာ Conceptualism ရောက်သွားပုံနဲ့ ပတ်သက်ပြီး အစွန်းနှစ်ဘက်စလုံးရဲ့ စကားအသုံးအနှုံးတွေ ဘယ်လောက်တူကြတယ်ဆိုတာ စိတ်ဝင်စား ဘွယ်သိရတာပေါ့။ ဒါပေမယ့်အဲသလောက်ရှော့ခ်ဖြစ်စရာလည်းမဟုတ်လောက်ပါဘူး။

Poets .org –– အဲသလိုအစွန်းရောက်တာတွေ ခင်္ဗျားတမင်လိုက်ရှာသလား။

KG –– ကျွန်တော်တော့ကြိုက်တယ်။ အနုပညာလောကမှာ အဲသလိုတုန့်ပြန်မှုတွေမရဘူးလေ။ အနုပညာဟာ ပရိတ် သတ်ကို ရှော့ခ်မဖြစ်စေတော့တာကြာပါပြီ။ ကဗျာလောကဆိုရင် တကယ့်ကို ကွန်ဆာဗေးတစ်ပဲ။ ကဗျာကြောင့် လူတွေစိတ် အနှောင့်အယှက်ဖြစ်ရတယ်လို့။ တစ်နည်းအားဖြင့်တော့ ကောင်းတာပေါ့ဗျာ။ အနုပညာလောကမှာ ဘာလေးတစ်ခုခုလုပ် လိုက်ပြီး `အနုပညာ´လို့ခေါ်လိုက်ရင် လူတွေက `ဟာ ၊ မိုက်တယ်´ လို့ ထောပနာပြုပြီး အဲဒီအရာကို ဈေးကြီးကြီးနဲ့ ရောင်း စားလိုက်လို့ရတယ်။ ကဗျာလောကမှာတော့ တစ်ယောက်ယောက်က `ငါပင်ကိုယ်ရေးတာတွေရှောင်တော့မယ်။ ငါဟာ တမင် မဖန်တီးပဲ ရှိတာကိုပဲပြန်လုပ်မယ်´ လို့သာပြောလိုက်ရင် လူတော်တော်များများဟာ မျက်စိမျက်နှာတွေသိသိသာသာပျက် သွားကြလိမ့်မယ်။

Poets .org –– ခင်္ဗျားရဲ့ လုပ်ရပ်/လက်ရာတွေဟာ ခင်္ဗျားရဲ့ ခေတ်ပြိုင်/မိတ်ဆွေတွေ ဖြစ်ကြတဲ့ Christian Bok ၊ Vanessa Place ၊ Robert Fitterman ၊ Catheline Bergvall နဲ့ အခြားသူတွေနဲ့ ဘယ်လိုပတ်သက်လဲ။

KG –– ဒီကိစ္စကို ပြောခဲ့ကြတာစကားအရှည်ကြီးပါပဲ။ အခုဆိုပေါင်းချုပ်တောင်ထွက်လာပြီ။ ပြောရရင်တော့ အခုဆို ၁၅နှစ်ရှိပြီပေါ့။ စခဲ့တုန်းက Darren Wershler ရယ် ၊ ကျွန်တော်ရယ် ၊ Christian Bok ရယ်။ ဒစ်ဂျစ်တလ်ပေါ်လာလို့လေထဲ အနံ့သစ်တစ်ခုရလိုက်သလိုပေါ့။ ၁၉၉၀ ခုနှစ်နှောင်းပိုင်းတွေတုန်းက။ အခုလူတိုင်းဟာ CP အကြောင်းပြောနေကြပြီ။ တက္ကနို လော်ဂျီကြောင့် ရနံ့သစ်ရပြီးကတည်းက အခြားသူတွေလည်း ဒီထဲပါဝင်လာကြတယ်။ ဥပမာ ၊ Vanessa ။ လွန်ခဲ့တဲ့ ၅ နှစ် တုန်းက သူ့ကိုဘယ်သူမှမသိကြဘူး။ သူရုတ်တရက်ရောက်လာပြီး ကြီးမားတဲ့ အင်အားကြီး တစ်ခုဖြစ်လာခဲ့တယ်။ ပြီးတော့ Catherine Bergvall ။ ပြီးတော့ Kim Rosenfield ၊ Nada Gordan ၊ Katie Dagentesh ။

CP နဲ့ ပတ်သက်လို့နောက်တစ်ခုပြောချင်တာကတော့ Concrete Poetry ပြီးရင် CP ဟာ နိုင်ငံတကာ ကဗျာလှုပ်ရှားမှု international poetry movement ဖြစ်တယ်ဆိုတာပါပဲ။ LP ဟာ internationalမဖြစ်ခဲ့ဘူး။ LP ကို ကမ္ဘာအနှံ့ကသိကြတယ်။ ဒါပေမယ့် အမေရိကန် ၊ အင်္ဂလန်နဲ့ ကနေဒါမှာကလွဲလို့ နိုင်ငံတကာမဖြစ်ခဲ့ဘူး။ Concrete Poetryရဲ့ နိုင်ငံတကာ ကဗျာလှုပ် ရှားမှုဖြစ်ခဲ့ရတဲ့ အကြောင်းရင်းတစ်ခုဟာ ဘာလဲဆိုတော့ ဘာသာစကားတစ်ခုခုကို သိမှ အဲဒီကဗျာကို ဖတ်လို့ရတာမျိုး မဟုတ်ဘူး။ Concrete Poetryရဲ့ အခြေခံကိုယ်တိုင်က အမြင်ဆိုင်ရာ Visual ပဲလေ။ သော့သေးသေးလေးတစ်ချောင်းရရင် အဲဒီကဗျာတွေကို နားလည်လို့ရသွားနိုင်တယ်။ အဲတော့ ဒီကဗျာမျိုးရေးသားခြင်းမှာ ပါဝင်လာကြတဲ့ သူတွေ ကမ္ဘာအနှံ့မှာ ရှိတယ်။ နိုင်ငံတကာပေါင်းချုပ်တွေလည်းထွက်လာတယ်။ ကျွန်တော်တို့စာအုပ်ကလည်း အဲသလို global anthology ပဲလေ။ ဘာကြောင့်လဲဆိုတော့ လက်ရာတွေကို ဖတ်စရာမလိုဘူး။ ဘာသာစကားတစ်မျိုးမျိုးကို သိဖို့ထက် Concept ကို သိဖို့ပဲ။ ကိုယ့်ရှေ့မှောက်မှာ Concept တစ်ခုခုရောက်လာပြီးရင် ဘာဆက်ဖြစ်မယ်ဆိုတာ ဘယ်သူမှ ဂရုမစိုက်ဘူး။ ဘာဖြစ်ဖြစ်ပေါ့။

လူတွေဟာ ဒီလိုမျိုးလုပ်နေကြပြီ။ ကျွန်တော်တို့မှာ နိုင်ငံတကာမိတ်ဆွေတွေရှိတယ်၊ ပြင်သစ်၊ အင်္ဂလန် ၊ ဘရာဇီး ၊ အာဂျင်တီးနား ၊ ကနေဒါ။ စကဲန်ဒီနေးဗီးယားမှာဆိုရင် CP အရေးအသားတွေအုံလိုက်ပဲ။

Poets .org –– ခင်္ဗျားလုပ်နေတာတွေကို လှုပ်ရှားမှုတစ်ခုဖြစ်လာစေမယ့် အရေးအသားမျိုးတွေ ဘက်လှည့်လိုက်တဲ့အခါ ရှိခဲ့သလား။

KG –– ကျွန်တော်တို့မလုပ်ရင်လုပ်မယ့်သူမရှိခဲ့ပါဘူး။ ကျွန်တော်တို့ CP စတင်တဲ့ အချိန်ကနေ သိပ်မကြာသေးတဲ့ ကာလအတွင်းအထိ လူတွေဟာ LP အကြောင်းပဲ ပြောတတ်ခဲ့ကြတယ်။ အဲဒါကိုလည်း ၁၉၇၃ လောက်ကတည်းက ပြောခဲ့ တာ။ Buffalo တက္ကသိုလ်ကထွက်လာတဲ့ ကျောင်းသားတွေဆိုလည်း LP အကြောင်းပဲပြောကြတယ်။ LP ရဲ့ မရေတွက်နိုင်တဲ့ မျိုးဆက်ပေါ့။ ချားလ်စ်ဘန်းစတိုင်းန်ရဲ့ တပည့်တပန်းတွေပေါ့။ ဒါမှမဟုတ်လည်း အဆွယ်အပွားတွေပေါ့။ အလေးအနက်ထား တဲ့ အရေးအသားတွေဟာလည်း LP ဗဟိုပြုတွေပဲ။ ကြာတော့ငြီးငွေ့စရာဖြစ်လာတာပေါ့ဗျာ။ LP ကို ကျွန်တော်ကြိုက်ပါတယ်။ LP ကနေ ဘာရလိုက်လဲဆိုတော့ အကြောင်းတစ်ခုခုကို တစ်ယောက်ယောက်ရေးဖို့ စောင့်နေရင် ဘယ်သူမှရေးကြမှာမဟုတ် ဘူး။ ကိုယ်ကိုယ်တိုင် ၀င်ပြီးရေးဖို့ပဲရှိတော့တယ်။ ကိုယ်ကိုယ်တိုင်စ ပြီးရေးမှ ဖြစ်လာတော့မှာ ဖြစ်တယ်။ အဲတော့မှပဲ ဖြစ်လာတော့ တယ်။

(Poets .org ၀န်ထမ်းများနဲ့ Kenneth Goldsmith အမေးအဖြေမှ)

- – - – - – - – - – - – - – - – - – - – - – - – - – - – - – - – - – - – - – - – - — – - – - – - – - – - – - – - – - – - – -

၎။ ။ဘာသာပြန်သူထံမှ ။ အထက်ပါဘာသာပြန်အရေးအသားတွေကို အင်တာနက်မှာ ကိုယ်တိုင်အလွယ်တကူရှာဖတ်လို့ရပါ တယ်။ စိတ်ဝင်စားရင် လေ့လာစရာပေါ့။ စိတ်မ၀င်စားလည်း ဘာမှ ကြီးကြီးကျယ်ကျယ် ထိခိုက်စရာအကြောင်းမရှိပါဘူး။

ဇေယျာလင်း

Read more »

LP ဆိုတာ ဘာလဲ ? (၂)

နီယိုမော်ဒန်နဲ့ပတ်သက်ပြီး လူငယ်ကဗျာဆရာတချို့ဆီက မေးခွန်းတွေထွက်လာတာကြုံရပါတယ်။ နီယိုမော်ဒန်ဆိုတာ အနာဂတ်အတွက်ကဗျာလား။ နီယိုမော်ဒန်ဆိုတာကို စကားလုံးဝေါဟာရအနေနဲ့ပဲ ယူတာဆိုတော့ သူတို့ဆီက နီယိုမော်ဒန်နဲ့မတူဘူး လား။ မြန်မာနီယိုမော်ဒန်ဆိုတာကရော ဘယ်လိုကဗျာအမျိုးအစားတွေလဲ။ နီယိုမော်ဒန်ကဗျာရဲ့သွင်ပြင်လက္ခဏာတွေက ဘာတွေလဲ။ နီယိုမော်ဒန်မှာ Ideology ကအရင်လား၊ Artifacts ကအရင်ဖြစ်တာလား၊ မြန်မာနီယိုမော်ဒန်ကဗျာဆိုတာကရောရှိနေလို့လား။ တကယ် လို့ရှိနေပြီဆိုရင် အဲဒီကဗျာတွေကိုဖော်ထုတ်ဝေဖန်သုံးသပ်ပြသလို နောက်ခံသဘောတရားရေးရာ၊ ကဗျာအယူအဆတွေကိုပါ တည်ဆောက်ပြရင် ပိုအကျိုးရှိမယ်။

ဒါတွေက မြန်မာကဗျာယဉ်ကျေးမှုအသစ် ပြောင်းလဲဖြစ်ထွန်းဖို့အတွက် မေးသင့်မေးထိုက်တဲ့မေးခွန်းတွေပါပဲ။ တချို့ ၀ါရင့်ကဗျာ ဆရာတွေကတော့ ဆောင်းပါးတွေရေးမနေပါနဲ့ကွာ၊ အလုပ်ရှုပ်ပါတယ်၊ ကဗျာပဲရေးစမ်းပါတဲ့။ ကိုယ်ယုံကြည်ရာလမ်းကို လျှောက်နေကြ တဲ့လူတွေပဲလေ။ ကိုယ့်ရွေးချယ်ခွင့်နဲ့ကိုယ်မဟုတ်လား။ အမှားအမှန်ကိစ္စတွေက သိပ်တော့အရေးမကြီးလှဘူး။

နီယိုမော်ဒန်ကို စိတ်ဝင်စားယူတချို့ရဲ့ မေးခွန်းတွေကများပါတယ်။ ဒီလိုပဲအရေးအသားအသစ်တွေစမ်းသပ်တည်ဆောက်ရင်းနဲ့၊ ကဗျာသဘောတရားတွေစဉ်းစားဆင်ခြင်ရင်းနဲ့၊ သဘောထားအမြင်တွေဆွေးနွေးငြင်းခုံကြရင်းနဲ့ ကဗျာသစ်ယဉ်ကျေးမှုကိုတဖြည်းဖြည်း တည်ဆောက်သွားကြရမှာပါ။ ခေတ်ပေါ်ကဗျာကနေ နီယိုမော်ဒန်ဆီအရွေ့မှာ အယူအဆ/အရေးအသားတွေဟာ အယူဝါဒတစ်ခုအဖြစ် မတည်ရှိ၊ ပြီးပြည့်စုံမှုမရှိသေးဘဲ အခုမှစတင်၊ သန္ဓေတည်၊ ကြီးပြင်းဖို့ဟန်ပြင်ဆဲအခြေအနေမှာပဲ ရှိသေးတယ်ဆိုတာတော့နားလည်ပေး ထားကြဖို့လိုပါတယ်။

နီယိုမော်ဒန်မိတ်ဆက်အဖြစ် ရုပ်ရှင်တေးကဗျာမှာ ဆောင်းပါးတစ်ပုဒ်ရေးခဲ့ဖူးပါတယ်။ သဘောထားတိုက်ဆိုင်မှု၊ အမြင်ကွဲလွဲမှု ဆိုတာကတော့ အထွေအထူးပြောနေစရာမလိုတော့တဲ့ အတွေးအခေါ်လွတ်လပ်ခွင့်ကိစ္စပါပဲ။ အခုဆက်လက်ပြီး နီယိုမော်ဒန်ရဲ့သွင်ပြင် လက္ခဏာတစ်ချို့ကိုဆွေးနွေးတင်ပြလိုပါတယ်။ ဒီလက္ခဏာတွေကို အခုနောက်ပိုင်းရေးဟန်ပြောင်းလဲလာတဲ့ကဗျာဆရာတချို့ရဲ့ကဗျာ အရေးအသားတွေအပေါ် လေ့လာမှုနဲ့ကျွန်တော့်စိတ်ကူးအချက်အလက်တွေပေါင်းစပ်ပြီး တည်ဆောက်ထားတာဖြစ်ပါတယ်။

အနုပညာတွေနဲ့ပတ်သက်ရင် ကြွင်းမဲ့ခိုင်မာပြီး ပြည့်စုံတဲ့ပကတိအမှန်အမှားဆိုတာတွေမရှိပါဘူး။ တကယ်လို့ရှိတယ်လို့တစ်ဦး တစ်ယောက်ကအမြင်ကျဉ်းကျဉ်းနဲ့ပြောလာရင်လည်း အဲဒီအမှန်အမှားကိစ္စတွေကိုကျွန်တော်တို့စိတ်မ၀င်စားပါဘူး။ လူ့ဘ၀မှာ ကိုယ် ယုံကြည်ရာ ကိုယ်လုပ်ဖို့၊ ကိုယ်တည်ဆောက်ချင်ရာတည်ဆောက်ဖို့အတွက် ကျွန်တော်တို့ကဗျာဆရာဘ၀ကိုရွေးချယ်ထားကြတာပါ။ အယူအဆမှန်သည်ဖြစ်စေ၊ မှားသည်ဖြစ်စေ ကိုယ်ယုံကြည်ရာကိုင်စွဲ၊ လုပ်ခဲ့တယ်လို့တာဝန်ယူပါတယ်။



(၁) ခေတ်ကိုကိုယ်စားပြုခြင်း/ခေတ်ရဲ့ပုံရိပ်ထင်စပ်ခြင်း

ဒီအချက်ဟာ ခေတ်ပေါ်ကဗျာရေသောက်မြစ်ကနေ ဆင်းသက်လာတဲ့လက္ခဏာတစ်ရပ်ဖြစ်ပါတယ်။ ခေတ်ပေါ်ကဗျာခေတ်ဦး ပိုင်းမှာ ကျွန်တော်တို့ရှေ့ကကဗျာဆရာတွေက ခေတ်ပေါ်အာရုံခံစားမှု/ခေတ်ပေါ်အာရုံခံစားပုံ/ခေတ်ပြိုင်အကြောင်းအခြင်းအရာဆိုတဲ့ စကားရပ်တွေ၊ အဓိပ္ပါယ်တွေကို ကိုယ်တွယ်သုံးစွဲခဲ့ကြတယ်။ ခေတ်ပြိုင်လူမှုအကြောင်းခြင်းရာတွေကို မျက်ခြည်မပြတ်ဘူးဆိုရင်၊ ခေတ် ပေါ်ကဗျာနဲ့မဝေးဘူးဆိုရင် အားလုံးနားလည်ရှင်းလင်းပြီးသားအကြောင်းအရာပါ။ ကျွန်တော်တို့ဖြတ်သန်းနေရတဲ့ခေတ်ရဲ့အရိပ်အရောင်/ သြဇာလွှမ်းမိုးမှု/ရိုက်ခတ်မှုတွေမပါဘူးဆိုရင် အဲဒီလိုကဗျာအရေးအသားတွေကို ဘာလုပ်မှာလဲ။ ခေတ်ပြိုင်ထဲကပုဂ္ဂလိကလူသား/လူသား အစုအဝေးရဲ့အာရုံခံစားမှု၊ သဘောထားအမြင်တွေကို မျက်ကွယ်ပြုထားတဲ့အရေးအသားတွေဆိုရင် အမှိုက်ပုံမှာစွန့်ပစ်ပြီးရေနုတ်မြောင်း ထဲ ပစ်ချလိုက်ဖို့ပဲရှိပါတယ်။



(၂) ကဗျာဆရာရဲ့ခံစားမှု/ဘ၀အမြင်ကိုအခြေခံခြင်း/ဘာသာစကားကိုမီဒီယမ်အဖြစ်သာအသုံးပြုခြင်း

နီယိုမော်ဒန်ဟာ ကဗျာဆရာရဲ့အာရုံခံစားမှုနဲ့ ဘ၀အမြင်တွေကို အခြေခံသန္ဓေသားအဖြစ် သွေးသားဖွဲ့စည်းပြီးမှ “ကဗျာ”ဆိုတဲ့ အနုပညာလက်ရာပစ္စည်းကို ရေးသားဖန်တီးပါတယ်။ နီယိုမော်ဒန်ဟာ လူသားရဲ့အာရုံခံစားမှုကိုအလေးထားပြီး ဘာသာစကားကို အနု ပညာဖန်တီးရာမှာ မီဒီယမ်/ကြားခံပစ္စည်းအဖြစ်သာသုံးစွဲတယ်။ ဒါဟာ ကဗျာအနုပညာမှာ Foreground နဲ့ Background ကိုခွဲခြားထား ခြင်းဖြစ်ပါတယ်။ တချို့သူတွေအနေနဲ့ အရေးကြီးတဲ့အရာကို နောက်မှာထားပြီး ဘာမှအရေးမပါတဲ့သက်မဲ့သင်္ကေတအဆောက်အအုံတွေ ကို ရှေ့တန်းတင်နေရင် ပညာတတ်တလွဲဆံပင်ကောင်းသလိုအဖြစ်မျိုးဆိုက်နေပါလိမ့်မယ်။



(၃) လူသားရဲ့ကိုယ်ရည်ကိုယ်သွေးပေါ်လွင်ခြင်း/လူရဲ့ပုဂ္ဂလိကသဘောကိုပြန်လည်ဖော်ထုတ်ခြင်း

သိပ္ပံပညာ၊ ဈေးကွက်စီးပွားရေး၊ ဒစ်ဂျစ်တယ်နည်းပညာ၊ နောက်ဆုံးပေါ်ဇိမ်ခံကား၊ အကြမ်းဖက်စစ်ပွဲ၊ လူသုံးကုန်ပစ္စည်းအသစ် အဆန်းများစတဲ့ ရုပ်ပိုင်ဆိုင်ရာယဉ်ကျေးမှုတွေ တိုးတက်ထွန်းကားလာတာနဲ့အပြိုင် လူသားရဲ့စိတ်ပိုင်းဆိုင်ရာတန်ဖိုးတွေ ယုတ်လျော့ ကျဆင်းလာနေပါတယ်။ ရုပ်ဝတ္တုယဉ်ကျေးမှုနဲ့လူဦးရေပေါက်ကွဲနှုန်းအောက်မှာ လူသားရဲ့တစ်သီးပုဂ္ဂလအခန်းကဏ္ဍဟာ မှိန်ဖျော့လာပြီး လူအုပ်ကြီးထဲမှာ ရောနှောပျောက်ကွယ်နေတဲ့အဖြစ်ကို အထိတ်တလန့်မြင်တွေ့နေရပါတယ်။ ပို့စ်မော်ဒန်ခေတ်ကြီးထဲမှာ ရုပ်ဝတ္ထုတွေရဲ့ လွှမ်းမိုးမှုကြောင့်ပင်ကိုတန်ဖိုးတွေပျောက်ဆုံးေ၀၀ါးနေတဲ့လူသားရဲ့ပုဂ္ဂလိကသဘောကိုပြန်လည်ဖော်ထုတ်ဖို့ နီယိုမော်ဒန်ကအလေးထား ပါတယ်။ အဲဒီလိုနဲ့ နီယိုမော်ဒန်မှာလူသားရဲ့ပုဂ္ဂလိကကိုယ်ရည်ကိုယ်သွေးပေါ်လွင်ထင်ရှားလာပါတယ်။

(၄) ခေတ်ပြိုင်ထဲက Modern & Postmodern sensibility ပေါ်လွင်ထင်ရှားခြင်း

ခေတ်ပြိုင်ထဲက လူမှုဖြစ်ရပ်တွေကို အကြောင်းခြင်းရာအဖြစ်ရွေးချယ်ပြီးပြီဆိုရင် သူ့ကိုဖော်ကျူးတင်ပြမယ့်အာရုံခံစားပုံ/ဟန်ပန် တွေကို ခေတ်နဲ့အညီ ပြောင်းလဲတင်ပြဖို့လိုအပ်လာပါတယ်။ စကားလုံး/ဘာသာစကားကို ကဗျာဆန်ဆန်၊ လှလှပပ၊ ဆော့ကစားတည် ဆောက်ရုံနဲ့ ခေတ်ပေါ်/နှောင်းခေတ်ပေါ်အာရုံခံစားမှုဆီ ဆိုက်ရောက်နိုင်တာမဟုတ်သေးပါဘူး။ ဒီနေ့ခေတ်လူသားတွေရဲ့ခံစားမှု/အမြင် တွေဟာ ဘယ်လိုရှိသလဲ။ ဥာဏ်ပညာ၊ ငွေကြေး၊ ချစ်ခြင်းမေတ္တာ၊ ဖက်ရှင်၊ နည်းပညာတွေအပေါ်မှာ လူသားရဲ့သဘောထားကဘယ်လို လဲ။ ပို့စ်မော်ဒန်ခေတ်လူသားရဲ့အသိအမြင်၊ သဘောထားတွေဟာ ဘယ်လိုပြောင်းလဲနေသလဲ။ ပို့စ်မော်ဒန်လူသားဟာ ဥာဏ်ပညာကို လက်နက်တစ်ခုအဖြစ်ကိုင်စွဲရင်ကိုင်စွဲထားမယ်။ ချစ်ခြင်းမေတ္တာကို အမှိုက်လို့မြင်ရင်မြင်မယ်။ အမှန်တရားလို့လူတွေပြောနေကြတဲ့အရာ ကို စက်ဆုပ်ရွံရှာစရာအဖြစ်မြင်ရင်လည်းမြင်လိမ့်မယ်။ ဒါဟာ သူ့ရဲ့အာရုံခံစားပုံအပြောင်းအလဲဖြစ်ပါတယ်။ ဒီလိုမော်ဒန်/ပို့စ်မော်ဒန်အာရုံ ခံစားပုံအပြောင်းအလဲတွေ ဒီနေ့ခေတ်လူငယ်အဖွဲ့အစည်းထဲမှာ အများအပြားဖြစ်ပျက်နေတာကို ခေတ်ပေါ်ကဗျာသစ်ကပေါ်လွင်အောင် ဖော်ပြနိုင်ဖို့မလိုဘူးလားလို့ စဉ်းစားစရာဖြစ်လာပါတယ်။



(၅) လူအုပ်ကြီးထဲရောနှောပျောက်ဆုံးနေတဲ့ Identity ကိုရှာဖွေတည်ဆောက်ခြင်း

ပို့စ်မော်ဒန်ခေတ်ကြီးထဲမှာ တစ်သီးပုဂ္ဂလလူသားရဲ့ Identity ဟာ လူအုပ်ကြီးထဲရောနှောပျောက်ဆုံးနေသလို ကိုယ့်ရဲ့ Identity ကိုတည်ဆောက်ရတာလည်းခက်ခဲနက်နဲလာပါတယ်။ လူတစ်ဦးချင်းစီရဲ့ Identity ဟာ လူအုပ်ကြီးထဲမထင်မရှား ဖြစ်ရသလို အတွေးအခေါ်၊ အသိပညာအရ Identity ရဲ့သဘောလက္ခဏာတွေကလည်း အချိန်ကာလပယောဂနဲ့အမျှ အတည်မငြိမ်၊ မသေမချာ၊ အစိုမရ၊ ပြိုကွဲလေလွင့်၊ ပျောက်ဆုံးကွယ်လွန်နေကြတာကိုတွေ့မြင်လာရတယ်။ ဒီအခြေအနေမှာ ပို့စ်မော်ဒန်နစ်တွေက Identity ရဲ့ မရေရာမှု/ရောထွေးေ၀၀ါးနေမှုကို သူ့သဘာဝအတိုင်း လက်လွတ်စပယ်ပစ်ပယ်ထားလိုက်ကြတယ်။ နီယိုမော်ဒန်ကတော့ ဒါဟာ ဘယ်လို ပဲမသေချာ၊ မရေရာ၊ ယိမ်းယိုင်လှုပ်ရှားနေသည်ဖြစ်စေ၊ လူသားတစ်ယောက်အနေနဲ့ပြန်လည်ဆက်စပ်တည်ဆောက်ရမယ့်သဘောတွေ လို့ မှတ်ယူပါတယ်။ လူအုပ်ကြီးထဲရောနှောပျောက်ဆုံးနေတဲ့တစ်သီးပုဂ္ဂလလူသားရဲ့ Identity သဘောကို ပြန်လည်ရှာဖွေတည်ဆောက် ဖို့ ကြိုးပမ်းပါတယ်။ လူသားရဲ့တစ်သီးပုဂ္ဂလသဘောကို ရှာဖွေတည်ဆောက်တာ၊ အာရုံခံစားမှု၊ လောကအမြင်စတဲ့လူသားဆန်မှုတွေကို ဗဟိုပြုပြီး ကဗျာရေးသားခြင်းဆိုတာကို အတ္တကြီးမားတယ်/ငါစွဲထားတယ်/သက္ကာယဒိဌိဖြစ်တယ်/အနတ္တကို အတ္တလို့မြင်တဲ့အမြင်မှား ဖြစ်တယ်ဆိုပြီး ဘာသာရေးစံနှုန်းပေတံတွေနဲ့တိုင်းတာစွပ်စွဲလို့တော့မရနိုင်ပါဘူး။ ကဗျာဆရာ ကဗျာရေးခြင်းဆိုတာ လောကသံသရာက လွတ်မြောက်ရာအလုပ်ကို ကျင့်ကြံအားထုတ်နေတာမဟုတ်ဘဲ လူသားဆန်တဲ့ဖန်တီးမှုအနုပညာယဉ်ကျေးမှုကိုတည်ဆောက်နေတာဖြစ် လို့ပါပဲ။



(၆) ရေးဟန်နှင့် တင်ပြပုံပြောင်းလဲခြင်း

မော်ဒန်ကနေ နီယိုမော်ဒန်ကိုအရွေ့မှာ ကဗျာဆရာရဲ့ရေးဟန်နဲ့တင်ပြပုံအပြောင်းအလဲဟာ အဓိကအရေးကြီးတဲ့ပုံသဏ္ဍာန်ပိုင်း ဆိုင်ရာ ရွေ့လျားမှုဖြစ်ပါတယ်။ ကိုယ် ကိုင်တွယ်သုံးစွဲနေကျစကားလုံး၊ နိမိတ်ပုံ၊ သင်္ကေတ၊ အသံအသွားအလာ၊ ကိုယ်တည်ဆောက်နေ ကျ ၀ါကျ၊ ပါဒဖွဲ့စည်းပုံ၊ ကိုယ်အရိုးစွဲနေတဲ့ကဗျာ စီစဉ်တင်ပြပုံ၊ တွေးထောင့်တွေကို အသစ်ပြောင်းလဲပစ်ဖို့ကိစ္စက တကယ်တမ်းမှာလွယ် မယောင်နဲ့ခက်ပါတယ်။ တိမ်မယောင်နဲ့နက်ပါတယ်။ ကိုယ့်ရဲ့အစွဲအလမ်း/ဟန်ပန်တွေကိုဖယ်ရှားစွန့်ပစ်လိုက်ရမှာဖြစ်လို့ ကိုယ့်အတ္တရဲ့ ဆန့်ကျင်မှု၊ အများလက်မခံနိုင်မှာစိုးရိမ်ထိတ်လန့်မှုတွေကို ရင်ဆိုင်ရနိုင်ပါတယ်။ ဒါပေမယ့် ဒါကိုကျွန်တော်တို့စွန့်စားလုပ်ရမှာပဲ။ ဒီလို မလုပ်ရင် ကျွန်တော်တို့ခေတ်ပေါ်ကဗျာလမ်းဟောင်းထဲမှာပဲ တစ်လည်လည်ဖြစ်နေကြရပါလိမ့်မယ်။



(၇) ရသအပြောင်းအလဲ

နီယိုမော်ဒန်မှာ အာရုံခံစားပုံ/ရေးဟန်နဲ့တင်ပြပုံတွေကိုအပြောင်းအလဲလုပ်လိုက်ရင် ကဗျာစာသားတွေဆီကရတဲ့ ရသဟာလည်း အလိုအလျှောက်ပြောင်းလဲသွားပါလိမ့်မယ်။ ခေတ်ပေါ်ကဗျာဟာ ဘယ်လိုအရသာ/ရသမျိုးရှိတယ်ဆိုတာ ကျွန်တော်တို့ကဗျာ ရေး၊ ဖတ်၊ လေ့လာတဲ့အတွေ့အကြုံတွေအရသိရှိခဲ့ကြပြီးပါပြီ။ ခေတ်ပေါ်ကဗျာရဲ့ရသပုံစံအဟောင်းကိုစွန့်လွှတ်ပြီး ရသအသစ်စမ်းသပ်ဖော်စပ်ရာမှာ အနုပညာရသပျက်မသွားအောင်၊ အရသာအသစ်အမှန်တကယ်ဖြစ်လာအောင်လုပ်ကြရမှာပါ။ နီယိုမော်ဒန်ရဲ့ရသအသစ်ဟာ ဘယ်လို ဘယ်ပုံ အရသာမျိုးလဲဆိုတာတော့ ကဗျာဆရာရဲ့ရသဖန်တီးနိုင်မှုစွမ်းရည်/ပရိတ်သတ်ရဲ့ရသခံစာနိုင်မှုစွမ်းရည်တွေအပေါ်လည်းမူတည် နေပါသေးတယ်။ ဒီနေရာမှာ အရင်ခေတ်တွေကလို “ရသ”ဆိုတာဘာလဲမေးခွန်းထုတ်နေဖို့၊ စဉ်းစားအဖြေရှာနေဖို့အချိန်မရှိပါဘူး။ ရသ အပြောင်းအလဲ Aesthetic Shift လုပ်ဖို့ကိုပဲ ခေါင်းထဲထည့်ထားကြရမှာဖြစ်ပါတယ်။ ကိုယ့်အနုပညာအတွေ့အကြုံနဲ့ကိုယ် ရသအသစ် ပြောင်းလဲနိုင်ဖို့အားထုတ်ကြရမှာပဲပေါ့။



(၈) အဇ္ဈတ္တခံစားမှု ပိုင်းစစိတ်မြွှာခြင်း

ပို့စ်မော်ဒန်အတွေးအခေါ်တွေထဲက Theory of Fragmentation ဒီအတွေးအမြင်ကို အနုပညာလက်ရာတွေထဲ သွန်းလောင်း ထည့်လိုက်တဲ့အခါ ၀ါကျအပိုင်းအစတွေ၊ စကားစုအပိုင်းအဖြတ်တွေဖြစ်သွားကြပါတယ်။ ဒါပေမယ့် ၀တ္ထု/ကဗျာထဲမှာ ပို့စ်မော်ဒန်လူသား ရဲ့အာရုံခံစားမှုအကျိုးအကြေ/အပိုင်းအစတွေပါမလာဘဲ အတွေးအခေါ်ထဲမှာအနည်ထိုင်ကျန်ရစ်နေခဲ့ကြတယ်။ ပို့စ်မော်ဒန်နစ်တွေရဲ့ အဲဒီအားနည်းချက်ကို နီယိုမော်ဒန်ကသတိပြုမိပြီး အနုပညာလက်ရာတွေထဲမှာ ကျိုးကြေစိတ်မြွှာနေတဲ့ အဇ္ဈတ္တအာရုံခံစားမှုတွေ ထည့်သွင်းနိုင်အောင်ကြိုးစားဖို့ဆင်ခြင်မိပါတယ်။ စကားစု / ပါဒ / ၀ါကျအပိုင်းအစတွေနဲ့အတူ ပို့စ်မော်ဒန်လူသားရဲ့စိတ်ခံစားမှု အကျိုး အကြေ၊ အနည်အဖတ်တွေပါဝင်လာရင် နီယိုမော်ဒန်ရဲ့ထူးကဲတဲ့အရသာကို စမ်းသပ်မြည်းစမ်းမိနိုင်မယ်ထင်ပါတယ်။



(၉) အတွေးအမြင်များ အချိုးပျက်ခြင်း

“အဇ္ဈတ္တခံစားမှု ပိုင်းစစိတ်မြွှာခြင်း”မှာ ဆွေးနွေးခဲ့သလိုပါပဲ။ နီယိုမော်ဒန်က ကဗျာရဲ့မျက်မြင်ပုံသဏ္ဍာန်အချိုးပျက်ခြင်းထက် ကဗျာဆရာရဲ့အတွးအခေါ်/အာရုံခံစားပုံ အချိုးပျက်ခြင်းကို ပိုအလေးထားပါတယ်။ လူ့အဖွဲ့အစည်း/အနာဂတ်/ယဉ်ကျေးမှု/လူ့ဘ၀ အဓိပ္ပါယ်ဆိုတာတွေကို ဘယ်လိုဖွင့်ဆိုလို့ဖွင့်ဆိုရမှန်းမသိအောင် ရှုပ်ထွေး/ထွေပြား/ပွေလီလှတဲ့ ပို့စ်မော်ဒန်ခေတ်ကာလကြီးထဲမှာ ကျွန်တော်တို့ရဲ့သဘောထား/အတွေးအမြင်တွေ အချိုးပျက်တွန့်လိမ်နေပုံကကြောက်မက်ဖွယ်ရာ/အံ့သြတုန်လှုပ်ဖွယ်ရာဖြစ်ပါတယ်။ ကျွန်တော်တို့ခေတ်ရဲ့လူငယ်တွေမှာ ကိုးကွယ်ယုံကြည်ရာအယူဝါဒမရှိတော့ဘူး။ တန်ဖိုးထားယုံကြည်ရာအနှစ်သာရတွေပျောက်ဆုံးနေ ကြပြီ။ ခေတ်အဆက်ဆက်ကိုးကွယ်ယုံကြည်ခဲ့ကြတဲ့အမှန်တရားဆိုတဲ့အရာဟာ သံသယဖြစ်ဖွယ်ရာ၊ မေးခွန်းထုတ်ဖွယ်ရာ အသိခံအရာ တစ်ခုဖြစ်နေပြီ။ တချို့ဝေဖန်သုံးသပ်သူတွေပြောသလို ခေတ်ပေါ်ကဗျာဟာ နတ္ထိဝါဒဆီဦးတည်ရွေ့လျားနေတယ်ဆိုတာကလည်း ဒီလို အတွေးအမြင်တွေ အချိုးပျက်ရာက စတင်မြစ်ဖျားခံခဲ့တာဖြစ်ပါတယ်။ ဒီနေ့ခေတ်ရဲ့ဂီတက ၁၉၆၀ခုနှစ်တွေဆီက ရော့ခ်ဂီတမဟုတ်တော့ ပါဘူး။ ဒီနေ့ခေတ်ရဲ့ဂီတက Hip-Hop, Alternative, Punk-Metal နဲ့ Nu-Metal.



(၁၀) အကြောင်းအရာများ ရောထွေးထားခြင်း

ခေတ်ပြိုင်အနုပညာလက်ရာတချို့ကိုလေ့လာကြည့်တဲ့အခါ အကြောင်းအရာအရ ဗဟိုချက်ကင်းမဲ့နေတဲ့ အရေးအသားတွေကို တွေ့မြင်ကြရမှာပါ။ ကဗျာစာသားတွေထဲမှာ ၀ါကျတစ်ကြောင်းဟာ အကြောင်းအရာတစ်ခုကိုသယ်ဆောင်လာတယ်။ အကြောင်းအရာ တစ်ခုမပြီးဆုံးခင်မှာ တခြားအကြောင်းအရာအသစ်တစ်ခုဖြတ်ဝင်လာတယ်။ လက်ရာ/စာသားတစ်ခုလုံးလွှမ်းခြုံကြည့်လိုက်တော့ အကြောင်းအ၇ာအပိုင်းအစတွေဆက်စပ်စီစဉ်ထားတဲ့အတွက် တိကျသေချာတဲ့ဗဟိုချက်ပျောက်ဆုံးသွားတာတွေ့ရပါတယ်။



(၁၁) အာရုံခံစားမှုဗဟိုချက်ကင်းမဲ့ခြင်း

နီယိုမော်ဒန်မှာ အကြောင်းအရာဗဟိုချက်ကင်းမဲ့ခြင်းနဲ့အတူ အာရုံခံစားမှုဗဟိုချက်ကင်းမဲ့ခြင်းကို ပေါ်လွင်ထင်ရှားအောင်လုပ်ဖို့ အရေးကြီးပါတယ်။ အာရုံခံစားမှုဗဟိုချက်ကင်းမဲ့ခြင်းဟာ ကျွန်တော်တို့ရဲ့မရေရာမသေချာတဲ့ လူ့ဘ၀စီမံကိန်းတွေဆီကနေ မြစ်ဖျားခံလာ ပါတယ်။ လက်ရှိပစ္စုပ္ပန်ဘ၀ဖြစ်တည်မှု၊ အနာဂတ်အလားအလာ၊ အတွေးအခေါ်အယူဝါဒ၊ ငွေကြေးနဲ့ဖက်ရှင်ပစ္စည်းစသဖြင့် ကျွန်တော်တို့ ရဲ့လူ့ဘ၀မှာ အမှန်တကယ်ဗဟိုပြု/စွဲလမ်းဆုပ်ကိုင်ထားရမယ့်အရာဆိုလို့ ဘာဆိုဘာမှမရှိပါဘူး။ လူသားဟာ သူ့ဘ၀မှာဗဟိုပြုတွေးခေါ်/ အာရုံခံစားရာ ဘာဆိုဘာမှမရှိတဲ့အဖြစ်မှန်ကို မျက်မှောက်ပြုနေရတယ်။ ဗဟိုပြုစရာအကြောင်းအရာပျောက်ဆုံးသွားတာနဲ့အမျှ သူ့အာရုံ ခံစားပုံ/လောကအမြင်တွေဟာလည်းChaos/Alternativeဖြစ်လာပါတယ်။ ဒါကိုအထင်မှားပြောခဲ့တဲ့ “အကြောင်းအရာဗဟိုချက်ကင်းမဲ့မှု” လောက်နဲ့ချဉ်းကပ်တင်ပြလို့မပြည့်စုံနိုင်ပါဘူး။ ကဗျာဆရာဟာ ခေတ်ပြိုင်လူသားနဲ့ သူ့ရဲ့အာရုံခံစားမှုဗဟိုချက်ကင်းမဲ့မှုကို ထိရောက်ပီပြင် တင်ဆက်ဟောပြောဖို့ ခေတ်လူသားရဲ့ အဇ္ဈတ္တအတွင်းလွှာထဲထိ ထိုးထွင်းသိမြင်ကြည့်နိုင်မှဖြစ်လိမ့်မယ်။ လူသားရဲ့ဘ၀မှာ အာရုံခံစားမှု တွေ ပိုင်းစစိတ်မြွှာနေတာ၊ ဗဟိုချက်ကင်းမဲ့နေတာမြင်ရင် နောက်တစ်ဆင့်အနေနဲ့ အဲဒီလိုအဓိပ္ပါယ်ထွက်တဲ့စကားလုံးရဝေါဟာရတွေကို ရှာဖွေဆက်စပ်တည်ဆောက်ကြည့်ဖို့စိတ်တိမ်းညွတ်လာပါလိမ့်မယ်။



(၁၂) လူ/လူအများရဲ့အမြင်နဲ့ အာရုံခံစားမှုများ ရောထွေးနေခြင်း/ပေါင်းစပ်ရေးဖွဲ့ခြင်း

ကဗျာဆရာဟာ ခေတ်ပြိုင်လူ့အဖွဲ့အစည်းထဲမှာ/လူအုပ်ကြီးထဲမှာ ရောနှောနေထိုင်ရှင်သန်နေရတဲ့ ပုဂ္ဂလိကလူသား တစ်ယောက်သာဖြစ်ပါတယ်။ သူ့ဘ၀ကို သူ့ကိုယ်ပိုင်လောကအမြင်တွေနဲ့လုံခြုံအောင်တည်ဆောက်ထားသည်ဖြစ်စေ၊ ခေတ်/လူ့အဖွဲ့ အစည်းရဲ့သဘောထားအမြင်/တန်ဖိုးတွေရဲ့ရိုက်ခတ်မှုကို မလွဲမသွေရိုက်ခတ်ခံရစမြဲဖြစ်တယ်။ သူ့ရဲ့လောကအမြင်/အာရုံခံစားမှု/အယူ အဆတွေဟာလည်း ခေတ်ထဲမှာရှိနှင့်နေပြီးသားဖြစ်တဲ့၊ တည်ဆောက်ပြီး/ဆဲ ယဉ်ကျေးမှုက သွန်သင်ပြဌာန်းထားတဲ့အရာတွေနဲ့ ရောထွေးနေပါတယ်။ အဲဒီအခြေအနေဟာ နီယိုမော်ဒန်မှာ အရေးကြီးတဲ့လက္ခဏာတစ်ရပ်ဖြစ်လာတယ်။ နီယိုမော်ဒန်မျာ ကဗျာဆရာရဲ့ အာရုံခံစားမှု/လောကအမြင်တွေအပြင် တခြားသူ/ပုဂ္ဂိုလ်တွေရဲ့အမြင်ခံစားမှုတွေပါ ရောနှောတင်ပြဖို့စဉ်းစားလာကြတယ်။ ဒါဟာ ခေတ်ပြိုင်လူအုပ်ကြီးထဲက အခြားသူတွေရဲ့ Identity ကို Imitate လုပ်ဖို့ကြိုးစားကြည့်ခြင်းပါပဲ။



(၁၃) နိမိတ်ပုံ/သင်္ကေတများလျှော့ချခြင်း

ခေတ်ပြိုင်ကဗျာသမိုင်းတစ်လျှောက်လုံးမှာ ကဗျာဆရာတွေက နိမိတ်ပုံ/သင်္ကေတတွေကို အစွမ်းကုန်ရှာဖွေသုံးစွဲခဲ့ကြပါတယ်။ ဒီလိုအားထုတ်ကြရာမှာ သန်မာလတ်ဆတ်တဲ့နိမိတ်ပုံ/သင်္ကေတတွေရခဲ့ကြသလို ကဗျာဖတ်သူနဲ့ဝေးကွာနေတဲ့နိမိတ်ပုံ/သင်္ကေတတွေကို လည်း မလွဲမသွေတွေ့ခဲ့ကြပါတယ်။ ခေတ်ပေါ်ကဗျာနှောင်းပိုင်း (၂၀၀၀-၂၀၀၅)နောက်မှာတော့ ကဗျာဆရာတချို့က နိမိတ်ပုံ/သင်္ကေတ တွေလျှော့ချဖို့ ဟန်ပြင်လာကြတာသတိပြုမိကြပါလိမ့်မယ်။ နီယိုမော်ဒန်မှာ အထူးပြုလုပ်ဖန်တီးထားတဲ့ နိမိတ်ပုံ/သင်္ကေတတွေရဲ့အခန်း ကဏ္ဍဟာ မိန်ဖျော့လာပါတယ်။ ဒါဟာ ခေတ်ပေါ်ကဗျာသမိုင်းတစ်လျှောက်လုံး အားပြုသုံးစွဲလာတဲ့ အလင်္ကာအသုံးအနှုန်းတွေကို ရိုးအီ ငြီးငွေ့လာတာကတစ်ကြောင်း၊ ကဗျာဖတ်သူပရိတ်သတ်နဲ့နီးကပ်အောင် တိုးရွေ့လိုတာကတစ်ကြောင်းကြောင့်ဖြစ်ပါတယ်။



(၁၄) အရပ်သုံးဘာသာစကားများ ရောနှောသုံးစွဲခြင်း

နိမိတ်ပုံ/သင်္ကေတတွေကို လျှော့ချလိုက်တာနဲ့အမျှ ကဗျာဘာသာစကား (အလင်္ကာတန်ဆာဆင်မှု/ကဗျာဆန်ဆန်လှပနူးညံ့မှု) ရဲ့ ရွှေရည်ရွှေသွေးက စံနှုန်းလျော့ကျသွားမှာပါပဲ။ ကဗျာဘာသာစကားရဲ့တချို့အစိတ်အပိုင်းတွေမှာ အရပ်သုံးဘာသာစကားက ၀င်ရောက်နေရာယူလာမယ်။ ကဗျာဘာသာစကားနဲ့ အရပ်သုံးဘာသာစကား အရောအနှော၊ စပ်ဟပ်ပုံရာခိုင်နှုန်းကတော့ ကဗျာဆရာ တစ်ဦးချင်းစီရဲ့ စိတ်တိမ်းညွတ်မှုအပေါ်မူတည်ပါတယ်။ ကဗျာဘာသာစကားနေရာမှာ အရပ်သုံးဘာသာစကားဝင်ရောက်လာတာဟာ ခေတ်ပေါ်ကဗျာသစ်နဲ့ ကဗျာဖတ်သူကြားက အကွာအဝေးကို ဆွဲချုံ့ပစ်နိုင်လိမ့်မယ်လို့မျှော်လင့်ရပါတယ်။



(၁၅) ရိုးရှင်းလွယ်ကူသော အဓိပ္ပါယ်/အနက်ဖွင့်စံနစ်များတည်ဆောက်ခြင်း

ခေတ်ပေါ်ကဗျာသမိုင်းတစ်လျှောက်လုံးမှာ ကျွန်တော်တို့ရှေ့ကကဗျာသုတေသီ(မြဇင်၊ မင်းလှညွန့်ကြူး၊ မောင်သာနိုး၊ မျိုးသန့်) တွေ ပြောဆိုခံယူခဲ့ကြတဲ့ ခေတ်ပေါ်ကဗျာရဲ့လက္ခဏာတစ်ခုက သွယ်ဝိုက်ဖွဲ့ဆိုတဲ့ ၀င်္က၀ုတ္တိသဘော၊ မှန်ကူကွက်သဘောတွေဖြစ်ပါ တယ်။ အဲဒီလက္ခဏာဟာ ခေတ်အခြေအနေအရ ပေါ်ထွက်လာခဲ့တာမှန်ပေမယ့် ကဗျာသဘောတရား စူးစမ်းလေ့လာမှုအားနည်းတဲ့၊ ကဗျာဖတ်ကျင့်အလေ့အထသိမ့်မရှိတဲ့ ကဗျာဖတ်သူတွေနဲ့အတိုင်းအတာတစ်ခုအထိ အလှမ်းကွာခဲ့ပါတယ်။ နီယိုမော်ဒန်မှာ ခေတ်ပေါ် ကဗျာရဲ့ ၀င်္က၀ုတ္တိသဘော၊ မှန်ကူကွက်သဘောတွေကိုစွန့်လွှတ်ပြီး ရိုးရှင်းလွယ်ကူတဲ့ အဓိပ္ပါယ်/အနက်ဖွင့်စံနစ်တွေဆီ ပြောင်းလဲရွေ့ လျားသွားပါတယ်။ ကဗျာဆရာဟာ သူပြောလိုတဲ့ဆိုလိုရင်းရောက်အောင် တိုက်ရိုက်/ဒဲ့ဒိုးပဲပြောတယ်။ ခေတ်ပေါ်ကဗျာခေတ်ကလို သွယ်ဝိုက်တာတွေ၊ မူယာမာယာများတာတွေလုပ်မရတော့ဘူး။ ဒါဟာ ခေတ်ပြိုင်ထဲမှာ ပေါ်ထွန်းနေတဲ့ဟစ်ဟော့ပ်ဂီတ၊ ပန့်ခ်ဂီတာတွေရဲ့ ရိုးသားပွင့်လင်းမှုတွေနဲ့ဆက်နွယ်နေပါတယ်။



(၁၆) ကဗျာအတွင်းသားအပျော့ထည် (Soft-ware) များပြောင်းလဲခြင်း

ကဗျာရဲ့အတွင်းသားအပျော့ထည် (Soft-ware) ဆိုတာ အာရုံခံစားပုံ၊ နိမိတ်ပုံသင်္ကေတ၊ အသံအသွားအလာတွေကိုဆိုလိုပါ တယ်။ နီယိုမော်ဒန်မှာ အာရုံခံစားပုံ/စိတ်ကူးစိတ်သန်း/အသိပညာအပြောင်းအလဲအပြင် နိမိတ်ပုံ၊ သင်္ကေတ၊ အသံအသွားအလာအသစ် တွေကိုလည်း ရှာဖွေဖို့လိုပါတယ်။ ကဗျာဆရာတစ်ဦးချင်းစီမှာ ကိုယ်ပိုင်ဟန်လိုပုံသေဖြစ်နေတဲ့ စကားလုံး/အသံ/ဘာသာစကားအကွက် အဆင်တွေရှိနေတတ်ကြပါတယ်။ နီယိုမောဒန်မျာကဗျာဆရာရဲ့ Concept ကို ပထမအဆင့်ပြောင်းလဲပြီးတာနဲ့ ပုံသေဖြစ်နေတဲ့ ကိုယ်ပိုင် အရေးအသားဟန်ပန်တွေကို စွန့်လွှတ်ဖို့၊ စမ်းသပ်ချဲ့ထွင်ဖို့အရေးကြီးလာပါတယ်။ အာရုံတိမ်းညွတ်နေကျအကြောင်းအရာတွေကို သွေဖီ၊ အသုံးပြုနေကျစကားလုံးအဟောင်းတွေကို စွန့်လွှတ်၊ ကိုယ်ပိုင်ဟန် အသံအသွားအလာတွေကို ရှောင်ကြဉ်၊ စကားလုံးအစပ်အသစ်တွေ ရှာဖွေနိုင်ဖို့ဟာ ကဗျာသစ်အသွင်ပြောင်းလဲမှုအတွက် အေ၇းကြီးတဲ့စဉ်းစားစရာအချက်အလက်တွေပါပဲ။



(၁၇) ပေါ်ပြူလာဖြစ်နေတဲ့ အရေးအသား/ဟန်ပန်များကို ရှောင်ကြဉ်ခြင်း

ခေတ်ပေါ်ကဗျာသမိုင်းကိုအပေါ်စီးကကြည့်ရင် အများကြိုက်ပေါ်ပြူလာဖြစ်တဲ့အရေးအသား၊ ဟန်ပန်မျိုးတွေမကြာခဏဆိုသလို ခေါင်းထောင်ထွက်ပေါ်လာတတ်ကြတာကိုသတိပြုမိကြပါလိမ့်မယ်။ အဲဒီလိုပေါ်ပြူလာ/ပေါ်ပင် အရေးအသားမျိုးတွေဟာ ဖက်ရှင်အသစ် အဆန်းတွေလိုပဲ အတွေးအခေါ်နုနယ်တဲ့ကဗျာဆရာတချို့ကို ဖြားယောင်းဆွဲဆောင်တတ်ကြပါတယ်။ ဒါပေမယ့် အချိန်တန်လို့တစ်နှစ် လောက်ကြာပြီးဆိုရင် ပေါ်ပြူလာဖြစ်ခြင်း၊ လတ်တလောဖက်ရှင်ဖြစ်ခြင်းရဲ့ သဘာဝအတိုင်းပြန်တိမ်မြုပ်မှေးမှိန်သွားကြတာပါပဲ။ ဥပမာ နိုင်ငံတကာသတင်းဂျာနယ်ထဲက သတင်းခေါင်းစဉ်တွေချည်းသက်သက် ဆက်စပ်ဖွဲ့စည်းပြီး ကဗျာရေးတာမျိုး၊ တစ်ယောက်ကစစ်ပွဲ ကဗျာဆိုရင် နောက်တစ်ယောက်ရဲ့ကဗျာထဲမှာ မီးခိုးနံ့ယမ်းနံ့တွေဆူဝေသွားတာမျိုး၊ တစ်ယောက်က ဘာသာစကားဆိုရင် တစ်ယောက် က စကားဘာသာဆိုတာမျိုး၊ ပြီးတော့ ကဗျာကိုဘယ်လိုစပြီးဘယ်ပုံသယ်ဆောင်၊ ဘယ်လိုအဆုံးသတ်ပြီးပြီမို့ ကဗျာဖတ်သူက ခေါင်းစဉ် ကြည့်တပ်လိုက်ပါဆိုတာမျိုးတွေပေါ့။

အခု ဥပမာပေးခဲ့တဲ့သဘောတွေဟာ မြန်မာကဗျာသမိုင်းမှာ ရေပွက်ပမာ သွေးရူးသွေးတန်းထပွက်ပြီး ပြန်ပျောက်ကွယ်သွားမယ့် ဖက်ရှင်တွေဆိုတာ နီယိုမော်ဒန်တွေက သဘောပေါက်ထားကြပါတယ်။ နီယိုမော်ဒန်တွေက အဲဒီလိုပေါ်ပြူလာ/ဖက်ရှင်ဖြစ်တဲ့ အရေး အသားမျိုးတွေကို ဂရုစိုက်ရှောင်ကြဉ်ပါတယ်။ သူတို့က လတ်တလော လူကြိုက်များ၊ ခေတ်စားနေတဲ့ကဗျာဖက်ရှင်ဒီဇိုင်းကိစ္စတွေကို သိပ်စိတ်မ၀င်စားဘဲ သမိုင်းခေတ်ရဲ့တောင်းဆိုမှုနဲ့အညီသွားရမယ့် ခေတ်၏ကဗျာသစ်ရဲ့ရေရှည်ခြေလှမ်းအလားအလာကို လေးနက်တဲ့ သဘောထားနဲ့ရှုမျှော်ကြပါတယ်။



နီယိုမော်ဒန်ရဲ့နောက်ခံအယူအဆနဲ့ သွင်ပြင်လက္ခဏာတချို့နဲ့ပတ်သက်ပြီး ကျွန်တော်တတ်နိုင်သမျှဆွေးနွေးတင်ပြပြီးပါပြီ။ ဒါတွေဟာ သံမဏိစည်းမျဉ်းတွေမဟုတ်သလို အလွတ်ကျက်ကိုးကားရမယ့် အဆိုအမိန့်တွေ၊ စံပြအဖြေလွှာတွေလည်းမဟုတ်ပါဘူး။ အရပ်စကားနဲ့ပြောရရင် ကြိုက်တာရွေးယူ၊ မကြိုက်တာလွှင့်ပစ်လိုက်ပေါ့ဗျာ။

ကျွန်တော့်အမြင်တစ်ခုရှိပါတယ်။

အနုပညာရပ်တွေနဲ့ပတ်သက်လာရင် အကြွင်းမဲ့ခိုင်မာပြီး ပြည့်စုံတဲ့ပကတိအမှန်အမှားဆိုတာတွေမရှိပါဘူး။ တကယ်လို့ရှိတယ် လို့ တစ်ဦးတစ်ယောက်ကအမြင်ကျဉ်းကျဉ်းနဲ့ပြောလာရင်လည်း အဲဒီအမှန်အမှားကိစ္စတွေကိုစိတ်မ၀င်စားပါဘူး။ လူ့ဘ၀မှာကိုယ်ယုံကြည် ရာကိုယ်လုပ်ဖို့၊ ကိုယ်တည်ဆောက်ချင်ရာတည်ဆောက်ဖို့အတွက် ကျွန်တော်တို့ကဗျာဆရာဘ၀ကို ရွေးချယ်ထားကြတာပါ။ အယူအဆ မှန်သည်ဖြစ်စေ၊ မှားသည်ဖြစ်စေ ကိုယ်ယုံကြည်ရာ ကိုင်စွဲ လုပ်ခဲ့တယ်လို့ တာဝန်ယူပါတယ်။



အောင်ရင်ငြိမ်း

Read more »