၂၃။ နွေရင်ခွင်မှာထွန်းလင်းဖူးတဲ့လမင်း

နွေရင်ခွင်မှာထွန်းလင်းဖူးတဲ့လမင်း


မှောင်မိုက်နေတဲ့ညတံတိုင်းတွေရဲ့အလယ်မှာ
မောင်တစ်ယောက်ကြယ်ကြွေတွေ
လိုက်ကောက်နေမိပြီ
လမင်းငယ်ရေ........

ဝေးကွာခြင်းနဲ့စွန့်ခွါခြင်းဆိုတဲ့
လမ်းချိုးနှစ်ခုဟာ...........
အတိမ်အနက်၊ အလင်းအမှောင်တူသယောင်ရှိပေမဲ့
အချစ်ငတ်ခဲ့သူရဲ့ရင်ဘက်မှာ
သံသရာပွင့်ဖတ်တွေခြွေတိုင်း
အလွမ်းဝတ်မှုန်တို့ဂုဏ်သတ္တိမဲ့ခဲ့ရပြီလေ

ဘယ်ရက်ပြန်လာမလဲရယ်လို့
လက်ရေချိုးနေခဲ့တာ
ရက်တွေတောင်မောင့်ကိုညှိုးနေခဲ့ပါပြီ

လမင်းငယ်ရေ.............
မောင်ဟာရမ္မက်နွံ၊ အချစ်နွံ ကျွံနေတဲ့
ဘီလူးကြီးကွဲ့

သွေးဆာနေတဲ့ရင်ဘက်ကနှလုံးသားအတွက်
ကိုယ့်အစွယ်ကိုယ်ရိုးရိုးသားသား
ပြန်မဖြတ်နိုင်တဲ့ကောင်ပါ

အနက်ရောင်ကတ္တီပါခင်းထားတဲ့မောင့်ရင်ထဲမှာ
လမင်းငယ်ဆိုတဲ့ပုံရိပ်တွေ
ခဏတာခိုဝင်ခဲ့ပေမဲ့
ဗီးနပ်စ်တို့ဖန်ဆင်းတဲ့မှော်ဝင်အိမ်မက်တွေထဲမှာ
မောင်တစ်ယောက်..........
ရှာပုံတော်ဖွင့်ခဲ့ရပေါင်းလဲများလှပါပြီကွယ်.....

လမင်းငယ်ရေ...........
အလွမ်းဆိုတာ
အချစ်ရဲ့ရသချိုချိုကို
ဆန္ဒတို့ကလက်ခတ်တစုံနဲ့တီးစဉ်
လျှံထွက်လာတဲ့သံစဉ်အိုပါကွာ

တစ်ခါကခဲ့ဖူးတဲ့
နွေရဲ့ရင်ခွင်ဟာ...........
ပူ.........လင်း...........ပြင်း............ခြောက်
လို့
ခုဆို..................သစ်ရွက်ခြောက်တွေတောင်
လှဲလျောင်းရာအရပ်ဖြစ်နေပြီ

မောင့်ကိုချည်ထုံးပြီးရုန်းဖြတ်သွားတဲ့
သံယောဇဉ်ကြိုးစတဖက်နဲ့
လမင်းငယ်ပြောဖူးတဲ့အိပ်ယာဝင်ပုံပြင်တွေလင်းလက်ဖို့
အဲဒီ........ပဲ့ကြွေနေတဲ့ကြယ်စတွေကို
မောင်............ပြန်သီကုံးရဦးမယ်..............လမင်းငယ်ရေ

လမင်းငယ်ရေ..........
ဘယ်ကောင်းကင်မှာပဲသာနေသာနေ
နွေရင်ခွင်ရဲ့အသက်ရှုသံကို
ကြားယောင်နေခဲ့ရင်
တရံခါလောက်တော့ထွန်းလင်းပြပေးပါ။

Posted in: ကဗျာ