Sunday, October 30, 2011
Admin
ကြယ်စင်…….မနမ်းတဲ့နံနက်ခင်း
တိတ်ဆိတဗ်ဆွံအခဲ့ရတဲ့
နှလုံးခုန်သံတွေ
စမ်းရေတို့သယ်ဆောင်သွားတဲ့
ရွက်ကြွေတချို့
အားကိုးခုံမင်ခဲ့ဘူးတဲ့
ကျေးငှက်တို့ရဲ့ဂီတသံစဉ်တွေ………..
………………………………………………………………………………………………………………………………
သိပ်မကြာသေးတဲ့ကာလတစ်ခုကိုပြန်တွေးရင်းမှတ်မှတ်ရရရှိနေခဲ့ပါတယ်။ ”ကြယ်စင်” သူကျွန်တော်ကိုမေးခဲ့တယ်…..။
”စိုင်း…ဘာကိုတွေဝေနေတာလဲ”
”ကိုယ့်ဘ၀ရဲ့စာမျက်နှာကို..ရင်ခွင်ရှိန်း..ကရွေးချယ်ပေးမှာလား”
ကျွန်တော်တွေဝေနေခဲ့တယ်။.
ရင်ထဲမှာထောင်သောင်းများစွာသောစကားတွေပြည့်သိပ်နေခဲ့တယ်။မြင်ယောင်
နေစဲမျက်လွှာနှစ်ခု..
”ရင်ခွင်ရှိန်း”ဆိုတဲ့ကျွန်တော့အနာဂတ်တစ်ချို့တစ်ဝက်ကိုခွန်အား
တွေသွန်းလောင်းပေးတဲ့ရေစင်တစ်စက်
”ကြယ်စင်” ဆိုတဲ့ကျွန်တော့ရင်ထဲကရုံးထွက်သွားတဲ့ချစ်သူတစ်ယောက်…
အရင်လိုပါပဲ……အစဉ်မပြေမှု့တွေ
ထွေးပိုက်လို့
မာယာတို့လက်နဲ့ကွယ်ဝှက်ထားတဲ့
သစ်သီးတစ်လုံး
စားသုံးမိခဲ့တယ်။
အဆိပ်သင့်ခဲ့တဲ့
နေ့ရက်တွေတိုင်းမှာ
နတ်ဆိုးတို့သုံးခဲ့တဲ့
စကားထားတွေထဲ
တောင်ပံကျိုးတဲ့
ငှက်တစ်ကောင်ဆန်ဆန်
ပိတ်လှောင်မိနေခဲ့တယ်။
…………………………………………………………………………………………………………………………………………..
“ကြယ်စင်…”ရယ်ကျွန်တော်ဆိုတဲ့ကောင်ကလည်းပြောခွင့်ရလျှက
မပြောရဲခဲ့တဲ့စကားတွေကိုထွေးပွေ့လို့စိတ်ဝင်စားမှု့ဆိုတာကိုအရိပ်အရောင်တောင်မပြတတ်ခဲ့ဘူး။ စက်တင်ဘာလရဲ့လကုန်ရက်တရက်မှာကျွန်တော့်ကိုကြယ်စင်စကားစကားတချို့ပြောခဲ့တယ်…
”စိုင်း…ကြယ်စင်ကိစ္စတစ်ခုနဲ့………………….သွားရမယ်”
ကျွန်တော်နားတွေေ၀၀ါးနေခဲ့တယ်..။
အသိစိတ်တွေက……..ဟိုးအဝေးကိုပြေးထွက်သွားသလို…….
.ဒီစကားလေးရဲ့အဆုံးမှာ…ကျွန်တော့မျက်ဝန်းမှာ..
ပြည့်ဝန်းနေတဲ့လမင်းကိုနှင်းစက်တို့ဝန်းရံခစင်းသလိုခံစားမိလိုက်တယ်…။
…………………………………………………………………………………………………………………………………………
အနာဂတ်တချို့
လေတိုက်တိုင်း
ယိမ်းထိုးလို့
ဦးတည်ချက်……မျဉ်းကြောင်းတွေထိပ်မှာ
ကြက်ခြေခတ်တို့
ပိတ်ဆို့ခဲ့တယ်။
…………………………………………………………………………………………………………………………………………..
”စိုင်း……..ရှိတဲ့နေရာလေးကိုကြယ်စင်တစ်နေ့ပြန်လာခဲ့မှာပါ
……..စိုင်းရယ်“…..ဘယ်ကာလဆိုတဲ့အတိုင်းအတာဟာ
လေလှိုင်းတို့ကြားမှာပဲပျောက်ကွယ်ခဲ့ပြီလား…။
”၁၀…ရက်”
”၂၀…ရက်”
လက်ရေချိုးလို့စောင့်မျှော်နေမိတယ်…ဒီလိုမျှော်တွေးရင်းနဲ့
ကျွန်တော်ကိုယ့်ကိုယ်ကိုပြန်မေးမိတယ်…”ကြယ်စင်ကိုချစ်နေမိပြီလား..စိုင်းလျှမ်း………….”
………………….အဖြေမရခဲ့ဘူး။
တခုတော့ဆုတောင်းမိတယ်…၊။
……………………………………………………………………………………………………………………………………….
ကြယ်စင်ရယ်
သေဆုံးအံမူးမူး
ငါ့အာရုဏ်ဦးတိုင်းမှာ
အသက်ဝင်နိုးထပေးပါ….။
အသင့်ရဲ့လက်နှစ်ဘက်နဲ့
ငါ့မျက်နှာကြက်မှာ
ဝင်းပစွာလင်းလက်ပေးပါ..၊။
………………………………………………………………………………………………………………………………………
တကယ်တော့ကျွန်တော်တောင်းတဲ့ဆုကပြည့်နိုင်ခဲ့မှာလား.။
ကြယ်စင်တကယ်ပဲပြန်ရောက်လာခဲ့မှာလား………………။
သက်ဝေ
ဧရာဝတီ
24.10.09
Posted in: အက်ဆေး
0 ဦးမှတ်ချက်ရေးထားတယ်:
Post a Comment
စကားတစ်ခွန်းတော့ပြောခဲ့သင့်တယ်